Календарь событий

«Кубок Дона» фIэщыгъэр зэрихьэу Дон Iус Ростов къалэм щекIуэкIащ кикбоксингымкIэ урысейпсо зэхьэзэхуэ. Абы щызэпеуащ ди къэралым и щIыналъэхэм ящыщу 29-м я спортсмен, щIалэхэри хъы­джэбзхэри зэхэту, 900-м нэблагъэ. 

Зэхэтхауэ куэд дыщыгъуазэщ ­Бахъсэнёнкэ къуажэм щыщ Ба­-тырхэ я унагъуэм къатепсыха гузэ­вэгъуэм, мафIэсым хэщIыныгъэ­шхуэ къазэрыритам. Абыхэм зы­щIагъэкъуэн мурадкIэ, жылэм ­къы­щызэрагъэпэщри, псапащIэ кон­церт дахэ ирагъэкIуэкIащ, абы къыхэкIа мылъкур Батырхэ иратащ. 

Бахъсэн щIыналъэм хыхьэ Бахъсэнёнкэ къуажэм иджыблагъэ къы­щызэ­Iуа­хащ спорт утыку Iэ­хуитлъэ­хуитышхуэ. Ар яухуащ «Къуажэ щIыпIэхэм сыт и лъэны­къуэкIи зегъэужьын» къэрал пэхуэщIэм ипкъ иткIэ икIи абы хуэдэ республикэм нобэкIэ щыIэкъым. 

Ди газетеджэхэм фIыуэ яцIыху Шэрэдж Ищхъэрэ ­къуажэм щыщ Джэдгъэф Мухьэрбийрэ абы и унагъуэ дахэмрэ. Мухьэрбий «Адыгэ псалъэм» щIэх-щIэхыурэ къытхуотхэ, къуажэдэсхэм я щыIэкIэ-псэукIэм дыщигъэ­гъуа­зэу. Республикэм жур­налрэ газету къыщыдэкIым Iэ тредзэ, зы кIапи къимыгъанэу щIиджыкI зэпыту къогъуэгурыкIуэ а нэхъыжьыфIыр. Иджыблагъэ Джэдгъэфхэ гуфIэгъуэшхуэ яIащ - Мухьэрбий и къуэрылъху Залымджэрий унагъуэ иухуащи, ныбжьыщIитIым я хьэгъуэ­лIыгъуэр щапхъэ зытрахым хуэдэу зэрекIуэкIар вжетIэ­жыну, гуфIэгъуэр унагъуэм дэтIыгъыну ди гуапэщ.

КъБР-м и Iэтащхьэ КIуэкIуэ Казбек Къэрал кIуэцI IуэхухэмкIэ
органхэм я лэжьакIуэхэу зи къалэн зыгъэзащIэу хэкIуэдахэм
я фэеплъ махуэм ирихьэлIэу цIыхухэм зэрызахуигъазэр