|
|
Календарь событий
22 октября 2025
22 октября, 2025 - 16:31
Иужьрей зэманым Къэбэрдей-Балъкъэрым археологхэм щрагъэкIуэкI къэхутэныгъэхэр нэхъыбэ хъуащ. Ари гурыIуэгъуэщ – щIэныгъэлIхэм къызэрахутамкIэ, цIыху хужьыр къыщыунэхуар Кавказырщ. Мис абы щыхьэт техъуэ гуэрщ археологхэм къалъыхъуэри.
2023 гъэм Къэбэрдей-Балъкъэрым щрагъэкIуэкIа археологие къэхутэныгъэхэм я фIыгъэкIэ щIэныгъэлIхэм къащIащ Кавказ Ищхъэрэм неолит лъэхъэнэр (цIыхур зэрылажьэ Iэщэ ищIын щыщIидзар) къыщыщыунэхуар. Археологхэм ди республикэм къыщагъуэтащ а лъэхъэнэ жыжьэм и фэеплъ мини 5, зи ныбжьыр илъэс мини 8-м щIигъухэр.
22 октября, 2025 - 15:08
Тхыбзэр къызэрежьэу, дэфтэрхэмрэ письмохэмрэ мыхъур трагъауэу хуежьащ. Зи тхыгъэхэм дамыгъэ тезыщIэну япэу зигу къэкIар шумерхэрщ. Тхыпхъэ зыхэщIыхьа мывэ цилиндркIэ ятIагъуэм дамыгъэ тращIэрт. Ауэ ятIагъуэр щабэIуэт мыхъур къыхэпщIыкIынкIэ. Курыт лIэщIыгъуэхэм пащтыхьхэм я Iэлъынхэм тет сурэтхэмкIэ дамыгъэ тращIэрт шэхум.
22 октября, 2025 - 14:35
Новеллэ
ГъукIэ-Мэремэкъул Маринэ и къалэмым къыщIэкI Iуэтэжхэр теухуащ дунейм къыщыхъу-къыщыщIэ Iуэхугъуэхэм. Абы и тхыгъэхэмкIэ ди нэгу къыщIигъэувэж теплъэгъуэхэм цIыху гъащIэм нэхъ куууэ дыхагъаплъэ, дыкъэзыухъуреихьхэм нэхъ набдзэгубдзаплъэ дыхуащI. «Бжьыхьэ нэщхъей…» новеллэмкIэ а лъэхъэнэр щыхьэт зытехъуа зы Iуэхугъуэ къытхуеIуэтэж.
И гъэтIылъыгъэ бейхэр зэрылъ матэр иIыгъыу, хуэмурэ бжьыхьэр къалэм къыдохьэ. Ар щтэIэщтаблэщ, щымщ, зыми зыкъримыгъэлъагъун папщIэ къызэрыкIуэри жэщущ.
22 октября, 2025 - 14:27
Дунейпсо Адыгэ Хасэм и унафэкIэ жэпуэгъуэм и япэ щэбэтыр Адыгэшым и махуэу ягъэувауэ щытащ 20I9 гъэм. Абы техуэуи нэхъ гувауи, адыгэхэр щыпсэу республикэхэм шы гъэхъуным епха гъэлъэныгъуэхэр, зэхьэзэхуэхэр щрагъэкIуэкI. Къэрэшей-Шэрджэсым щылажьэ Шууей Хасэм и жэрдэмкIэ, ВакIуэ-Жылэ къуажэм «Шуджэгу» зэхьэзэхуэ щызэхэтащ жэпуэгъуэм и 10-11-хэм.
22 октября, 2025 - 13:32
Жэпуэгъуэм и 22, бэрэжьей
ЩыпсалъэкIэ зэIынэ цIыхухэм я дунейпсо махуэщ
УФ-м IэщэкIэ ЗэщIэузэда и Къарухэм я финанс-экономикэ IэнатIэм и махуэщ
1841 гъэм къалъхуащ адыгэ узэщIакIуэ цIэрыIуэ ХьэтIохъущокъуэ Къазий.
1929 гъэм къалъхуащ КъБР-м и цIыхубэ тхакIуэ, УФ-м щэнхабзэмкIэ щIыхь зиIэ и лэжьакIуэ Къэрмокъуэ Мухьэмэд.
Дунейм и щытыкIэнур
22 октября, 2025 - 13:14
Илъэс 93-рэ ипэкIэ, 1932 гъэм и бжьыхьэм, КПСС-м Къэбэрдей-Балъкъэр областной комитетым и лъэIукIэ Псыхуабэ (Пятигорск) къыщызэIуахауэ щытащ Къэбэрдей-Балъкъэр къэрал пединститутыр. ПсынщIэу зызыхъуэж гъащIэм жылагъуэм къыхуигъэува Iэмалыншагъэхэм ящыщ хъуат а еджапIэ нэхъыщхьэр ди щIыналъэм къыщызэIухыныр. Апхуэдэу, РСФСР-м и Правительствэм и УнафэкIэ Къэбэрдей-Балъкъэрым иIэ хъуащ япэ еджапIэ нэхъыщхьэр - Къэбэрдей-Балъкъэрым и дежкIэ мыхьэнэшхуэ зиIэ IуэхущIапIэр.
22 октября, 2025 - 12:33
 Налшык къалэм и «Гладиатор» спорт комплексым щекIуэкIащ щIыналъэхэм алыдж-урым бэнэкIэмкIэ я зэхьэзэхуэ. СССР-м щIыхь зиIэ и тренер Лобжанидзе Владимир и фэеплъу щытащ ар икIи абы щызэпеуащ КъБР-м, КъШР-м, Адыгейм, Осетие Ищхъэрэ – Аланием, Ставрополь крайм я бэнакIуэ 274-рэ.
22 октября, 2025 - 12:26
КъБР-м Мэкъумэш хозяйствэмкIэ и министерствэм и нэIэ щIэту республикэм щылажьэ «Къуажэхэм сыт и лъэныкъуэкIи зегъэужьын» къэрал программэм ипкъ иткIэ Бахъсэн щIыналъэм и Бахъсэненкэ къуажэм Бэрэзджымрэ Тхьэкъуахъуэмрэ я цIэхэр зезыхьэ и уэрамхэм псы къабзэ зэрыкIуэ бжьамийхэр къыщагъэщIэрэщIэж.
22 октября, 2025 - 12:00
Адыгэ Республикэм илъэс къэс ирагъэкIуэкI Адыгэ кхъуейм и фестивалым КИФЩI-м, ИФЩI-м щыщ журналистхэр ирагъэблагъэ. АР-м Лъэпкъ IуэхухэмкIэ, хамэ къэралхэм щыпсэу я лъэпкъэгъухэм запыщIэнымрэ хъыбарегъащIэ IэнатIэхэмкIэ и къэрал комитетым и нэIэ щIэту Ипщэ федеральнэ щIыналъэм хыхьэ хэгъэгухэм, Къэбэрдей-Балъкъэрым, Къэрэшей-Шэрджэсым щыщ журналистхэр дыхэтащ мыгъэрей фестивалым. Дыщыпсэунури щIыпIэ нэхъыфI дыдэу къыхахри, Дахэ губгъуэшхуэм дызэрашэну-дыкъызэрашэжыну машинэхэр яубзыхуауэ дынэсащ.
|
