Календарь событий

Дэтхэнэ зыми и гум гуапэу къонэ курыт еджапIэм щигъэкIуа сабиигъуэр. А зэманым адэ-анэ пэлъытэу къытщхьэщыта егъэджакIуэхэм нэхъ гуапэж ящохъу илъэс бжыгъэ дэкIыжауэ, «упсэу» жаIэу ирагъэджахэм къыщагъэзэжкIэ.

Апхуэдэу, Жэмтхьэлэ къуажэм дэт 1-нэ курыт еджапIэм 1978 гъэм щIагъэкIа Джэрыджэ Тимур, Тхьэгъэлэдж Зубер, Молэ Арсен сымэ къауха школым кIуащ ЕгъэджакIуэхэм я урысейпсо махуэм ирихьэлIэу. Абыхэм еджапIэм тыгъэ хуащIащ компьютер зыбжанэрэ офис хьэпшыпрэ.

Карате

Къэрал кIуэцI IуэхухэмкIэ органхэм я лэжьакIуэхэу зи къалэн зыгъэзащIэу хэкIуэдахэм я фэеплъ махуэм ирихьэлIэу Тырныауз къалэм щекIуэкIащ щIыналъэхэм каратэмкIэ я зэхьэзэхуэ. Абы щызэпеуащ Кавказ Ищхъэрэм и спортсмен ныбжьыщIэу, щIалэхэри хъыджэбзхэри зэхэту, 300-м щIигъу.

Къэбэрдей-Балъкъэрым и командэм медаль 23-рэ зэхьэзэхуэм къыщихьащ, абы щыщу 8-р дыщэу, 7-р дыжьыну, 8-р домбеякъыу.

Уэс налъэхэр зэщхькъым

«Си хъуреягъкIэ» жыхуиIэу, адыгэ тхакIуэ, усакIуэ Хьэх Сэфарбий и Iэдакъэ къыщIэкIауэ щыта тхылъым ихуащ абы и Iуэтэж кIэщIхэмрэ гупсысэхэмрэ. Фи пащхьэ идолъхьэ гъащIэ IущыгъэкIэ гъэнщIа миниатюрэхэм ящыщ зыбжанэ.

Кавказ.РФ-м и нэIэ щIэт «Iуащхьэмахуэ», «Ведучи», «Мамисон» курортхэм 2026 – 2028 гъэхэм зегъэужьыным хуэунэтIауэ УФ-м и Правительствэм сом мелард 12,8-рэ къиутIыпщынущ. Къэралым и макроэкономикэ политикэр гъэзэщIэным ехьэлIауэ иджыблагъэ екIуэкIа зэIущIэм ар щыжиIащ Урысей Федерацэм экономикэ зыужьыныгъэмкIэ и министр Решетников Максим.

Кавказ.РФ-м кадрхэмкIэ и политикэм щIэуэ къыхыхьа унэтIыныгъэхэм ящыщщ курыт еджапIэм щIэсхэм ядэлэжьэныр, абыхэм IэщIагъэхэр къыхахынымкIэ ядэIэпыкъуныр, зэчиифIэхэр къэгъэнэIуэныр. Апхуэдэуи зыужьыныгъэмкIэ институтыр ядолажьэ щIыналъэхэм цIыхухэм IэнатIэ къахуэгъуэтынымкIэ я къулыкъущIапIэхэм.

2025 гъэм и мазибгъум къриубыдэу «ГъащIэм хуэщIа инфраструктурэ» лъэпкъ пэхуэщIэм къыщыгъэлъэгъуа Iуэхугъуэхэр Къэбэрдей-Балъкъэрым зэрыщагъэзэщIам кърикIуахэм иджыблагъэ щыхэплъэжащ КъБР-м Ухуэныгъэмрэ псэупIэ-коммунальнэ хозяйствэмкIэ  и министерствэм.

 Балигъ хъуа нэужь, цIыхур и гъащIэм ириплъэжурэ и егъэджакIуэхэм, зыгъэсахэм гуапэу щытепсэлъыхьыж щыIэщ. Ауэ къохъу езы егъэджакIуэми и гъэсэнхэм зыгуэр хигъэфIыкIыу, иригушхуэу. Абы и щапхъэщ КъБР-м щэнхабзэмкIэ щIыхь зиIэ и лэжьакIуэ, филологие щIэныгъэхэмкIэ доктор, КъБКъУ-м и профессор ТIымыжь Хьэмыщэ езыгъэджауэ щыта, «ЩIыхьым и дамыгъэ» орденыр зыхуагъэфэща и кавалер Джырандокъуэ Раисэ. ЦIыхубз гуащIафIэр нобэ къытхэмытыжми, и гъэсэным иригушхуэу ди редакцэм къытхуигъэхьауэ щыта зы тхыгъэ тхъумащи, абы ди гуапэу фыщыдогъэгъуазэ.   

Урысейм дызэрыт зэманым цыджан 200 000 щыпсэууэ къалъытэ, ауэ а бжыгъэр фIыуэ хуэгъэфэщащ, сыту жыпIэмэ, цыджанхэр къыхэтхыкIыныгъэхэм  щыхэмытыр нэхъыбэщ.  Абы ищIыIужкIэ,  шынэурэ нэгъуэщI лъэпкъыу зезыгъэтхахэр гъунэжщ.

Жэпуэгъуэм и 30, махуэку

Политикэ щхьэусыгъуэкIэ зэхэзехуэн зэращIам и зэранкIэ хэкIуэдахэм я фэеплъ махуэщ

Урысейм и дзэ-тенджыз флотым и махуэщ

Урысейм щагъэлъапIэ инженер-механикхэм я махуэр

1711 гъэм Къэбэрдей шууейхэм Мурад-СулътIан зи пашэ шуудзэр хагъэщIат.

1927 гъэм къалъхуащ Мысырым и дзэ къулыкъущIэ, Штаб нэхъыщхьэм и унафэщIу, къэралым зыхъумэжыныгъэмкIэ и министру щыта Февзи (Хьэхъу) Мухьэмэд.