Календарь событий

Налшык къалэ администрацэм щекIуэкIащ цIыхубэм я псэукIэр егъэфIэкIуэным хуэ­щIауэ къалэм 2030 гъэ пщIондэ зэрызрагъэужьыну щIы­кIэм теухуа зэIущIэ. КъБР-м и Правитель­ствэм и УнафэщI Мусуков Алий иригъэкIуэкIа зэхуэсым хэтащ Налшык къалэ администрацэм и УнафэщI Ахъуэхъу Таймураз, КъБР-м ухуэныгъэмрэ псэупIэ-коммунальнэ хозяйствэмкIэ и министр Журавлёв Андрей, министрхэм­рэ министрхэм я къуэдзэ­хэмрэ. 

УФ-м и Правительствэм и УнафэщIым и къуэдзэ Хус­нуллин Марат ЩIыналъэхэм зегъэужьынымкIэ и комис-сэм и президиумым (штабым) и зэIущIэ иригъэкIуэкIащ. Абы хэтащ КъБР-м и Iэтащхьэ КIуэкIуэ Казбек. ЗэIущIэм щыхэплъащ республикэм и социально-экономикэ унэ­тIыныгъэхэм, инфраструктурэм пыщIа проектхэм ехьэ­лIауэ мыхьэнэшхуэ зиIэ Iуэхухэм.

ЦIыхубэ зэкъуэтыныгъэм и махуэм ирихьэлIэу, КъБР-м и Парламентым щагъэлъэпIащ республикэм и зыужьыныгъэм хэлъхьэныгъэ хуэзыщI цIыху пажэхэр. 

2005 гъэм щегъэжьауэ щэкIуэгъуэм и 4-м ­Урысейм щагъэлъапIэ ЦIыхубэ  зэкъуэты­ны­гъэм и махуэр. Ар къытехъукIащ 1612 гъэм ­Минин Кузьмарэ Пожарский Дмитрийрэ я пашэу Москва хуит къызэращIыжауэ щытам. Польшэр Урысейм къыщытеуэм, Урысейм и цIыхубэр къызэрыIэтащ, нэгъуэщI къэралым и унафэм щIэувэну хуэмейуэ. 1611 гъэм фокIадэм  Новгород Ищхьэрэм  щыщ земскэ старостэ (иджы куей унафэщIым и къулыкъум хуэдэ) Минин Кузьма цIыхубэм захуигъэзат зауэлI зэгухьэныгъэ къы­зэрагъэпэщыну.