Календарь событий

Тюмень къалэм и «Тюмень-дзюдо» спорт комплексым иджы­благъэ щекIуэкIащ Урысей Федерацэм дзюдомкIэ пашэныгъэр къыщыхьыным хуэунэтIа зэхьэзэхуэ. Абы щызэпеуащ ди ­къэ­ралым и щIыналъэхэм ящыщу 76-м я спортсмен 787-рэ, я ­ныбжькIэ илъэс 18-м щIимыгъуауэ. 

Европэм и Кубокыр къэхьыным хуэунэтIауэ Словением и ­Краньскэ-Горэ къалэм иджыблагъэ щекIуэкIа зэхьэзэхуэм Къэ­бэрдей-Балъкъэрым и спортсменхэм ехъулIэныгъэфIхэр щы­зы­Iэрагъэхьащ: Урысей Федерацэм и командэ къыхэхам хэту абы щыбэна БищIо Атхъанрэ Мамий Атмиррэ дыщэ медалхэр къахьащ.

БлэкIам ухуеплъэ­кIы­жы­фыныр, абы и дерсхэм иджы­рей гъащIэм яхуэфащэ ­увы­­пIэр щебгъэгъуэтыжыныр къы­­­зэрымыкIуэу хьэкъыш­хуэщ. Дыгъуасэрей махуэхэм я пшагъуэм хилъэсэж тхыдэ ­къэхъукъащIэм я щэхур пэжу зэфIэгъэувэжыныр Iуэхугъуэ зыбжанэм епхащ. Япэрауэ, абы щIэныгъэр егъэкIуатэ, ар дунейпсо тхыдэ гупсысэм и жыпхъэм ирегъэувэ. ЕтIуанэ­рауэ, сыт хуэдэ тхыдэ къэху­тэ­ныгъэми лъэпкъым и щIэжыр къеIэт.

Кэнжэ къуажэм дэт «Пять колец» спорт ­ака­демием футбол цIыкIумкIэ республикэ зэ­хьэзэхуэ мы гъэм етIуа­нэу щекIуэкIащ. «Бутса Первых» зыфIаща а зэпеуэр къы­зэригъэпэ­щащ «Пэ­рытхэм я зэщIэхъее­ныгъэм» и Къэ­бэрдей-Балъкъэр къудамэм, ­КъБР-м ЩIалэгъуалэм я IуэхухэмкIэ, СпортымкIэ и министерствэхэмрэ КъБР-м Фут­болымкIэ и федерацэмрэ къы­дэ­Iэпыкъуу. 

«Хэтхэ уащыщ?» - жаIэу щIэупщIэмэ, адыгэ цIыхум абы пидзыжынур нахуэщ: къызыдэкIа къуажэмрэ зыщыщ лъэпкъымрэ зэпигъэувэнурэ апхуэдэу зыкъыхуэзыгъэзам жэуап иритыжынущ. Адыгэ цIыхум дежкIэ лъапсэжьыр Iуэ­хуш­хуэщ. ЦIыхум и къуэпсыр къы­щилъыхъуэжри и адэжь­хэм я къекIуэкIыкIа псор щы­зэфIигъэувэжри абдежщ.

Иужьрей илъэсхэм Къэбэрдей-Балъкъэрым тхэквондомкIэ (ВТФ, Олимп джэгу­хэм хы­хьэ лIэужьыгъуэмкIэ) и спорт­сменхэм урысейпсо, дунейпсо утыкушхуэхэм ехъулIэны­гъэфI­хэр къы­ща­гъэлъагъуэ зэпытщ. Абы и щы­хьэтщ Китай жыжьэм и Уси къалэм ­къикIыу иджы­благъэ къытIэрыхьа хъыбар ­гуапэри. Мы махуэхэм абы щекIуэкIа дунейпсо чемпионатым и дыжьын медалыр, ди республикэм щыяпэу, ­къихьащ Кэнжэ къуажэм дэт «Пять колец» спорт акаде­мием и гъэсэн Бекъул Миланэ.