Календарь событий

Къэралым гулъытэ ин щIалэгъуалэм яхуещI, абыхэм заужьын, я зэфIэкIым хагъэхъуэн, я къэухьым зрагъэубгъун папщIэ. Къэрал къулыкъущIапIэхэм лъэкI къагъанэркъым, Iуэхугъуэ зэмылIэужьыгъуэхэр къыхалъхьэурэ, ахэр утыкум кърашэным теухуауэ.  

   Ди хабзэм и фащэ нэхъыфI, нэхъапэ дыдэхэм ящыщщ адыгагъэмрэ адыгэ нэмысымрэ Iыгъыныр, гъэзэщIэныр. Абы къызэщIеубыдэ цIыхум и щIыхьыр зэримыгъэпудыныр, и щхьэ хуищIыж пщIэр, захуагъэр, пэжыгъэр, укIытэр, щытыкIэр, гулъытэр, нэхъыжьыр гъэлъэпIэныр, бзылъхугъэр лъытэныр, сабийм хуэсакъыныр, нэгъуэщIыр уи щхьэм пэщIыныр, н.къ.

Къэбэрдей-Балъкъэрым и спортсмен, адыгэ щIалэ Къардэн Мурат 2000 гъэм Австралием и Сидней къалэм щекIуэкIа гъэмахуэ Олимпиадэм алыдж-урым бэнэкIэмкIэ щытекIуауэ щытащ. Абы щыгъуэ 2I-нэ лIэщIыгъуэм дыхыхьауэ арат икIи ди республикэм и тхыдэщIэм щыяпэ дыщэ медалт ар. Куэд щIауэ апхуэдэ ехъулIэныгъэ диIатэкъым икIи арауэ къыщIэкIынщ ар хэIэтыкIауэ щIагъэлъэпIар.

Нобель саугъэтыр зыт къэпщытакIуэ комиссэр тхьэмахуэ блэкIам зэхэтащ. Махуэкум наIуэ хъуащ ЛитературэмкIэ тыгъэр Венгрием щыщ тхакIуэ Краснохаркаи Ласло зэрыратар.

 «Уи фIэщ хъу и тхэкIэ жыжьаплъэм, дунейкъутэж гужьеигъуэм и зэманым гъуазджэм и къарум и инагъыр къызэригъэлъэгъуэфам папщIэ» - а псалъэхэмкIэ къагъэлъэгъуащ илъэс 71-м ит  Краснохаркаи Нобель и саугъэтыр хуэфащэу къыщIалъыта щхьэусыгъуэр.

Филологие щIэныгъэхэмкIэ кандидат, Къэбэрдей-Балъкъэр къэрал университетым инджылызыбзэмкIэ и кафедрэм и унафэщI Дзасэжь Ларисэ адыгэ сабийхэм папщIэ игъэхьэзыр лэжьыгъэ щIэщыгъуэхэр куэдым къыдогъэсэбэп, и бзэгъэпсалъэ-бзэгъэджэгухэм адыгэ анэхэр, адыгэбзэмкIэ егъэджакIуэхэр, анэдэлъхубзэр зыдж сабийхэри нэхъыжьыIуэхэри къыпэджэж зэпытщ. Бзылъхугъэм и дэтхэнэ лэжьыгъэри цIыкIухэм зэрафIэфIым хуэдэу щхъуэкIэплъыкIэщ, Iущыгъэ яхэлъщ, джэгукIэ Iэмалым йозагъэ, нэхъыщхьэращи, гурыIуэгъуэу гъэпсащ.

Ларисэ бзэ зыбжанэ зэрищIэм Iэмал кърет ахэр зэригъэпщэну.

ЩэкIуэгъуэм и 6, махуэку

Дыкъэзыухъуреихь дунейм и хъугъуэфIыгъуэхэр зауэ щекIуэкIым деж къэмыгъэсэбэпыным и дунейпсо махуэщ.

1857 гъэм къалъхуащ Уэсмэн пащтыхьыгъуэм и дзэ къулыкъущIэ, маршал, зыхъумэжыныгъэмкIэ, хамэ къэрал IуэхухэмкIэ министру щыта Абыкъу Ахьмэд-пэщэ.

1936 гъэм къалъхуащ уэрэджыIакIуэ, УФ-м щIыхь зиIэ и артист ПащIэ Ахьмэд.