|
|
Календарь событий
25 ноября 2025
25 ноября, 2025 - 16:49
«Адыгэ псалъэ» газетым и редакцэм щылажьэхэм щIэх-щIэхыурэ щIэджыкIакIуэхэм зыкъыхуагъазэ, лъэпкъ щэнхабзэм ехьэлIа Iуэхугъуэхэр къытеддзэну къыдэлъэIуу. Апхуэдэу щэнхабзэм щыщу адыгэ гъащIэм дамыгъэ хуэхъуа теплъэгъуэхэм я фIэщыгъэхэр къызыхэкIам цIыхухэр нэхъ къыщIоупщIэ. Дэри а гукъыдэжым дыпэджэжу, «Ислъэмей» къафэм и фIэщыгъэр къызыхэкIам теухуауэ адыгэ тхакIуэ, щIэныгъэлI, узэщIакIуэ КъардэнгъущI Зырамыку и зы тхыгъэ щIэджыкIакIуэхэм я пащхьэ идолъхьэ.
25 ноября, 2025 - 16:20
Мы дунейм псэ зыIут тету къыщIэкIынкъым зи бзэ зимыIэж. Псэ зыIутхэм я бзэр илъэс мин бжыгъэкIэ зрагъэгъуэтащ, зрагъэужьащ. Къэтщтэнщ, псалъэм папщIэ, хъумпIэцIэджхэр. Ахэр нэфщ. АтIэми хъумпIэцIэджхэр тыншу зэгуроIуэ, я Iуэху благъэкIыркъым. КъызэрыщIэкIымкIэ, абыхэм езыхэм я бзэ яIэжщ - мэхэм я «бзэ». ХъумпIэцIэджым, псалъэм къыдэкIуэу жыпIэмэ, хьэпIацIэ лIа къигъуэтамэ, ар гъуэм зэрыкIуэж гъуэгум ферономкIэ зэджэ веществор трелъхьэ. Ферономым ищI мэмкIэ адрей хъумпIэцIэджхэм щыуагъэншэу хьэпIацIэ лIар къагъуэт.
25 ноября, 2025 - 14:16
СурэтыщIым и дунейр щIэщыгъуэщ, абы телъыджэ гуэрхэр къыхелъагъукIыф дыкъэзыухъуреихь щIыуэпсми, цIыхухэм я хьэл-щэнхэми, махуэщIэми, жэщми, уэршэр къудейми… Апхуэдэ дуней зыхэплъагъуэхэм ящыщщ сурэтыщI ныбжьыщIэ Жэбалы Заирэ и IэдакъэщIэкIхэр. Псэм зыдащI хуэдэщ и лэжьыгъэхэм. ЩIыуэпсым, псэущхьэхэм, къуалэбзухэм, къэкIыгъэхэм щIэщыгъуэ къахелъагъукIыф. Сурэтым псэ хелъхьэри, ущеплъкIэ мыгурыIуэгъуэу къару щабэ гуэр хыболъагъуэ. Апхуэдэщ Заирэ и сурэт дунейр! ТхылъымпIэм деж апхуэдэ зэфIэкI къэзыгъэлъагъуэ бзылъхугъэм и гупсысэхэри бзыгъэщ, акъыл хэлъщ.
25 ноября, 2025 - 13:27
Къэбэрдей-Балъкъэрым и къэралыгъуэр илъэси I00 зэрырикъум и щIыхькIэ къызэIуаха «Сквер I00-летия» зыгъэпсэхупIэм гъуазджэмкIэ галерее хэтым щокIуэкI «ГъащIэм и бэуэкIэр» гъэлъэгъуэныгъэр. Налшык япэу утыку къыщрахьащ Шэшэн Республикэм и цIыхубэ сурэтыщI, Санкт-Петербург щылажьэ икIи щыпсэу Яхиханов Рустам и лэжьыгъэхэр.
25 ноября, 2025 - 12:26
 Бахъсэн къалэм и «Джэдыкъуэ Плъыжь» шы спорт комплексым щекIуэкIащ Аникеев Сергей и Кубокыр къэхьыным хуэунэтIа фэеплъ зэхьэзэхуэ. Абы щызэпеуащ Къэбэрдей-Балъкъэрым, Къэрэшей-Шэрджэсым, Адыгейм, Краснодар, Ставрополь крайхэм, Мэзкуу, Санкт-Петербург къалэхэм, Мэзкуу областым я шууей 61-рэ. Абыхэм зэпачащ километри 100, 80, 40, 20, 20 (кг 95+) зи кIыхьагъ гъуэгуанэхэр.
25 ноября, 2025 - 11:18
ЩэкIуэгъуэм и 25, гъубж
ЦIыхубзхэм залымыгъэ якIэлъызехьэным пэщIэтыным и дунейпсо махуэщ
Урысейм и мамырщIэкъу дзэхэм я махуэщ
Урысейм щагъэлъапIэ пшынауэхэм я махуэр
1935 гъэм СССР-м щагъэуващ «ЩIыхьым и дамыгъэ» орденыр.
1927 гъэм къалъхуащ литературэдж, критик, УФ-мрэ КъБР-мрэ щэнхабзэмкIэ щIыхь зиIэ я лэжьакIуэ Шэвлокъуэ Пётр.
1933 гъэм къалъхуащ тхакIуэ, публицист, АР-м щIыхь зиIэ и журналист ЛIыхъусэжь Хьэжрэтбий.
25 ноября, 2025 - 10:01
ЩоджэнцIыкIу Алий и цIэр зезыхьэ Къэбэрдей къэрал драмэ театрым и артисткэ пажэ Тхьэщыгъуей Жаннэ утыкум щигъэзэщIащ роль гъэщIэгъуэн куэд. Театреплъхэм ящIэ абы и дэтхэнэ лэжьыгъэри гукъинэжу зэригъэзащIэр. Жаннэ тедгъэпсэлъыхьащ и IэщIагъэр зыхуэдэм, ролхэм зэрехъулIэм, театрым и къэкIуэнум.
Режиссёрымрэ актёрымрэ
25 ноября, 2025 - 09:00
Къэбэрдей-Балъкъэрым щыщыIэ инфляцэр, илъэс пIалъэкIэ къэбгъэлъагъуэмэ, дызэрыт илъэсым и жэпуэгъуэм проценти 7,36-м нэсыху ехащ, фокIадэм щыIа проценти 7,88-м елъытауэ. Кавказ Ищхъэрэм щыщыIэ бжыгъэхэм нэхърэ ар нэхъ инщ (проценти 7,31-рэ), ауэ УФ-м ику иту къыщекIуэкIым нэхърэ (проценти 7,71-рэ) нэхъ цIыкIущ.
|
