|
|
Календарь событий
26 ноября 2025
26 ноября, 2025 - 18:00
Сабийр школым щыкIуа япэ илъэсым абы еукъуэдий щIэныгъэм адэкIэ зэрыхуэкIуэну гъуэгур, егъэтIылъ еджэныгъэм, гъащIэм, дунейм и зэхэлъыкIэм теухуа и гупсысэхэм я лъабжьэр. Ар сабийм къызэрехъулIэм елъытащ адэкIэ иIэну ехъулIэныгъэхэм, здынэсыфыну лъагапIэхэм ящыщ куэд. Адыгэ псалъэжьми аращ щIыжиIэр: «Лъабжьэр быдэмэ, щхьэкIэр лъэщщ».
26 ноября, 2025 - 16:44
Къэбэрдей-Балъкъэр Республикэм и Iэтащхьэм и деж Къэбэрдей-Балъкъэр Республикэм ЩIэныгъэмрэ техникэмкIэ и къэрал саугъэтхэмкIэ щыIэ советым хэтхэм, Къэбэрдей-Балъкъэр Республикэм и Iэтащхьэм 2022 гъэм бадзэуэгъуэм и 15-м къыдигъэкIа Указ №72-УГ-мкIэ къищтам, зэхъуэкIыныгъэхэр хэлъхьэным и IуэхукIэ
26 ноября, 2025 - 16:22
Краснодар къалэм «СамбэмкIэ уардэунэ» и спорт комплексым щэкIуэгъуэм и I4 - I6-хэм щекIуэкIащ УФ-м дзюдомкIэ пашэныгъэр къыщыхьыным хуэунэтIа зэхьэзэхуэ. Абы щызэпеуащ ди къэралым и щIыналъэхэм ящыщу 73-м я бэнакIуэ, щIалэхэри хъыджэбзхэри зэхэту, 700-м нэблагъэ, я ныбжькIэ илъэс 2I-м щIимыгъуауэ.
Къэбэрдей-Балъкъэрым и лIыкIуэу зэхьэзэхуэм цIыху 2I-рэ щыIащ икIи абыхэм ящыщу 3-м яхузэфIэкIащ УФ-м и командэ къыхэхам зыхагъэхуэн. Я хьэлъагъ елъытауэ зыхэта гупхэм я деж Уэзы Iэдэм етIуанэ, БищIо Атхъанрэ Хъуран Каринэрэ ещанэ увыпIэхэр къыщахьащ.
26 ноября, 2025 - 16:00
 Къэбэрдей-Балъкъэрым и Кубокыр шахмат псынщIэмкIэ къэхьыным хуэунэтIа зэхьэзэхуэ щекIуэкIащ Налшык къалэм и «Каисса» клубым. Илъэсым къриубыдэу къызэрыхах зэхьэзэхуэу 6 ирагъэкIуэкIри, абыхэм къарикIуахэм ятещIыхьауэ кIэух зэпеуэм нэхъ лъэщхэр щызэхуэзащ. Ари Iыхьэ I3-у гуэшауэ щытащ икIи абы къриубыдэу шахматист I4-р псори зэрызэ зэдэджэгуащ.
26 ноября, 2025 - 15:15
Кавказым сыт хуэдэфэ ираплъу щэтми, езым зыкъызэрилъэтэжыр зы щIыналъэ зэрыIыгъым хуэдэущ, зы лъэпкъым и удыныр адрейми техуэу. Ингуш республикэм щыщ щIэныгъэрылажьэ Чабиевэ Танзилэ и псалъэхэр абы и щыхьэтщ.
26 ноября, 2025 - 14:24
Новгород Ищхъэрэ областым хыхьэ Дзержинск къалэм и «Ока» спорт комплексым иджыблагъэ щекIуэкIащ сумомкIэ урысейпсо зэхьэзэхуэ. Ар и фэеплъу щытащ зэуэзэпсэу 2023 гъэм дунейм ехыжа, УФ-м щIыхь зиIэ и тренер Аршинов Михаил.
Къэбэрдей-Балъкъэрым и щIыхьыр яIэту зэхьэзэхуэм щыIащ Шэджэм къалэм и спорт еджапIэм и спортсмен I5 икIи медалу 3 абы къыщахьащ.
Я хьэлъагърэ ныбжьрэ елъытауэ зыхэта гупхэм етIуанэ щыхъуащ МафIэдз Iэмырбэчрэ (кг 55-рэ) Тау Ибрэхьимрэ (кг 50). Килограмм 95-м щIигъухэм я деж домбеякъ медаль къыщихьащ Мэкъуауэ Резуан.
26 ноября, 2025 - 13:11
Псэущхьэ зэмылIэужьыгъуэ куэд тетщ дунейм. Дэтхэнэми и щыIэкIэ-псэукIэр гъэщIэгъуэнщ. Абыхэм ящыщ зыбжанэм я дунейм дыхегъэгъуазэ Мэлей ФатIимэ.
Махъшэ
26 ноября, 2025 - 13:09
Иджыблагъэ Iуэху дахэ щекIуэкIащ Къэрэгъэш къуажэм дэт, Бэшорэ Хьэмид и цIэр зезыхьэ езанэ курыт еджапIэм. Мы гъэм екIуэкI «Си бзэ – си псэ, си дуней» республикэпсо зэпеуэр къызэIузыхар а школырщ.
26 ноября, 2025 - 12:26
Дапщэщ нарт лIыхъужьхэм я образ щэджащэхэр дунейм къыщытехьар? ЦIыхубэм я акъылым дапщэщ а лIыхъужь щэджащэхэр къыщилэжьар? Нарт пшыналъэхэм ящыщ зым мыпхуэдэ жэуап ирет а упщIэхэм:
Дунеижьыр щымыджэмыпцIэм,
ЩIылъэ щхъуантIэр щызэпцIагъащIэм –
А зэманым сыгущэхэлът.
Дунеижьыр хъыкIэ щаухуэм,
ЩIылъэ щхъуантIэр мэлкIэ щаубэм –
А зэманым сышкIахъуэ щIалэт.
Афэбгыжьыр къандзэгу щыхуэдэм,
26 ноября, 2025 - 12:26
Кавказ Ищхъэрэм щыпсэу лъэпкъ нэхъ ин дыдэхэм ящыщу къалъытэ Къардэнхэ. Ахэр щопсэу Къэбэрдей-Балъкъэр, Къэрэшей-Шэрджэс, Адыгэ, Осетие Ищхъэрэ - Алание республикэхэми хамэ къэрал зыбжанэми. Лъэпкъ жыгыр ди зэманым куэдым яIэкъым, ар зэфIэбгъэувэжыным нэхъ гугъу дыдэу хэлъри абы и щIэдзапIэр къэгъуэтынрагъэнщ. Тхыдэ щIэныгъэхэмкIэ кандидат Къардэн Хьэдис къихутэжахэм щыщ мы тхыгъэм къыщытхьащ.
26 ноября, 2025 - 11:14
ЩэкIуэгъуэм и 26, бэрэжьей
Информацэм и дунейпсо махуэщ
ВакъащIэм и дунейпсо махуэщ
1832 гъэм къызэрагъэпэщащ Урысейм IэщэкIэ ЗэщIэузэда и Къарухэм я Штаб Нэхъыщхьэм и Дзэ академиер.
1941 гъэм къалъхуащ физико-математикэ щIэныгъэхэмкIэ доктор, профессор, ЩIДАА-м и академик Къумахуэ Мурадин.
1952 гъэм къалъхуащ КъШР-м щIыхь зиIэ и художник Хьэгъундокъуэ Мухьэмэд.
|
