Календарь событий

«Фрегат» тхылъ тедзапIэм къы­щыдэкIащ Ацкъан Руслан «КIапсэлъэрышэ» зыфIища и тхылъыщIэр. Абы ихуащ усэ­щIэхэр, новеллэхэр, эссехэр, усакIуэм теухуа тхыгъэхэр.

КъБР-м щыIэ МЧС-м и лэ­жьакIуэхэм «Iуэху гуапэ 35-рэ» акцэм хыхьэу лъы ятащ. 

КъБР-м ЩэнхабзэмкIэ и министерствэмрэ КъБР-м и Тха­кIуэхэм я зэгухьэныгъэмрэ фрагъэблагъэ КъБР-м и цIыхубэ тхакIуэ, УФ-м щэнхабзэмкIэ щIыхь зиIэ и лэжьакIуэ IутIыж Борис къызэралъхурэ илъэс 85-рэ зэрырикъум теухуауэ ­щIыналъэм мы махуэхэм ще­кIуэкIыну дауэдапщэхэм. 

Ди къэралым щагъэува хабзэфIхэм ящыщщ унагъуэр гъэбыдэныр, абы илъ гуа­пагъэр, лъагъуныгъэр гъэ­бэгъуэныр, къэрал, жылагъуэ гулъытэм и мыхьэнэр цIыхум зыхегъэщIэныр зи къалэн ­нэхъыщхьэхэм ящыщ махуэщI зыбжанэ махуэгъэпсым къы­зэрыщыгъэлъэгъуар. А махуэщIхэм яхэткъым Анэм и ­махуэм хуэдэу дэтхэнэми ди гумрэ ди псэмрэ къехуэбылIэ - псори АНЭ ипкъ дыкъикIащи. Аращ ар махуэщIу щыIэм ­къащIыхэбелджылыкIри: пкърылъ хуабагъэкIэ, гуапа­гъэ­кIэ, IэфIыгъэкIэ, пэжыгъэ­кIэ. 

Къэбэрдей-Балъкъэр Республикэр зэрыгушхуэ, зэрыпагэ ­бынунагъуэшхуэхэм ящыщщ Дзэлыкъуэ щIыналъэм хиубыдэ ­Каменномост (Къармэхьэблэ) жылэ цIэрыIуэм щыпсэу­хэу ­Кхъуэщэхэ Малилрэ Джульеттэрэ ейр. Адыгэ хабзэрэ нэмысрэ зэрылъ, зэгурыIуэрэ зэдэIуэжрэ, лъагъуныгъэрэ гулъытэрэ ­щыкуэд адыгэ унагъуэ дахэм Тхьэшхуэр къазэрыхуэупса фIы­гъуэхэм ящыщщ я бын дыгъэхэр: щIалитхумрэ хъыджэбзихымрэ. Нэ фыгъуэ зытрамыгъаплъэ жыхуаIэм хуэдэщ ахэр: гъэ­сэныгъэ дахэ яхэлъщ, Iэдэбщ, нэхъыжьхэм яхуэжыIэщIэщ, зы­хэт гупхэм яхозагъэ, еджэнми зэрехъулIэным хущIокъу.