Календарь событий

Илъэси 100 хуэдизкIэ узэIэбэкIыжмэ, Налшык къалэ и щIыуэпсыр зыхуэбгъэдэн щымыIэу сэбэпу щытащ. 1922 гъэм Налшык къалэм и ГъэзэщIакIуэ комитетым къыдигъэкIат «Кабардинская автономная область: к 1-й годовщине автономии» зыфIаща тхылъыр. А тхылъым итащ «Налшыкыпсым и сэбэпынагъыр» жыхуиIэ, Никольская Александрэ и Iэдакъэ къыщIэкIа тхыгъэр. КъызэрыщIэкIамкIи, тхыгъэр Къалмыкъ БетIал и унафэкIэ ягъэхьэзырауэ арат.

Тыркум и Истамбыл къалэм и «Бешикташ» спорт клубыр къызэзыгъэпэща убых щIалэ Шаплъы Уэсмэн (мыбдежым адыгэ тхыкIэм, жыIэкIэм къыдогъэтIасэ щIалэм и цIэ-унэцIэр, щыуагъэ хэлъынкIи зыхуэIуа щыIэкъым) и гъащIэмрэ и дунеймрэ гъэщIэгъуэну екIуэкIащ. 

ТекIуэныгъэ Иныр ди къэралым къызэрихьрэ илъэс 80 зэрырикъум ехьэлIауэ КъШР-м щекIуэкI Iуэхухэм ящыщ зы хъуащ адыгэхэм Сыбырым щрагъэкIуэкIа фэеплъ зэхыхьэр. Къэрэшей-Шэрджэс Республикэм къыбгъэдэкIыу тхыдэ фэеплъыр хъумэныр зи пщэрылъу гъуэгу техьа гупым хэтахэу УФ-м и Къэрал Думэм и депутатым и дэIэпыкъуэгъу, абазэ лъэпкъым и Нэхъыжьхэм я советым хэт Быж Исмел, Къубинэ къуажэм щыщ Болэтхэ я нэхъыжь Абдулхьэмэт, абы и щIалэхэу Азэмэт, Альберт сымэ къыддогуашэ а зекIуэм иIэ мыхьэнэр зыхуэдэмкIэ.

  Адыгэбзэм ирипсалъэхэмрэ иритхэхэмрэ я бжыгъэр зэрыхэщIыр къэгъэнауэ, анэдэлъхубзэм ирилэжьэныр IэщIагъэу къыхэзыххэр ди зэманым куэд мэхъу жыпIэныр дзыхьщIыгъуэджэщ. «Хэт ди ужь къиувэнур?» - а упщIэм жэуап зэрыхуамыгъуэтыр щхьэусыгъуэ яхуэхъури, Адыгэ республикэм и Журналистхэм я зэгухьэныгъэм мы гъэм проектыщIэ къыхилъхьащ. Ар «Лъэпкъ журналистикэм и еджапIэ» зыфIаща проектырщ. 

Дыгъэгъазэм и 3-р ныкъуэдыкъуэхэм я дунейпсо махуэщ. Ар 1992 гъэм игъэуващ ООН-м и Генеральнэ Ассамблеем. Абы къэралу щыIэр къыхуриджауэ щытащ а махуэр гъэлъэпIэныр, зи узыншагъэм теухуауэ гукъеуэ зиIэхэм гулъытэ яхуэщIыныр къыдаIыгъыну. 1957 гъэм къащтащ цIыхуу щыIэр псэуныгъэ и лъэныкъуэкIэ зыхуэныкъуэ Iуэхутхьэбзэхэр зэхуэдэу хуащIэным теухуа дэфтэрыр. Абы зи узыншагъэм сэкъат иIэхэм я хуитыныгъэр ихъумэ хъуащ. 2006 гъэм къащтащ ныкъуэдыкъуэхэм я хуитыныгъэхэм теухуа конвенцэр.

Зыужьыныгъэм и гъуэгум Урысей къэралыгъуэр тезышар Петр Езанэращ. Аращ къэралыр тенджыз Iуфэхэм япэу Iузышэу тенджыз флот къызэзыгъэпэщар, Санкт-Петербург къалэшхуэр зыухуар, щIэныгъэм и лъабжьэр хэкум щызыгъэбыдар. Мыхьэнэшхуэ иIащ ЩIэныгъэхэмкIэ Урысей Академиер (РАН) абы къызэрызэригъэпэщами. Тхыдэм къызэрыхэщыжымкIэ, илъэс 300 ипэкIэ, 1725 гъэм и дыгъэгъазэм и пэщIэдзэм, Петербург щызэхэтауэ щытащ Урысейм ЩIэныгъэхэмкIэ и Академием хэтхэм я япэ зэхыхьэр.