|
|
Календарь событий
21 января 2026
21 января, 2026 - 16:00
«ГъащIэм хуэщIа инфраструктурэ» лъэпкъ пэхуэщIэм ипкъ иткIэ Налшык къалэм цIыхухэр куэду щызэхуэс и щIыпIэу 14 къагъэщIэрэщIэжащ нэгъабэ. Абыхэм ящыщщ жыг хадэ цIыкIухэр, псы Iуфэхэр, къэрал IуэхущIапIэхэм я бжэIупэхэр, нэгъуэщIхэри.
21 января, 2026 - 15:40
КъБР-м и Къэрал филармоние Темыркъан Борис и цIэр зезыхьэм и художественнэ унафэщI икIи и уэрэджыIакIуэ Къашыргъэ Мухьэмэд и ныбжьыр щIышылэм и 16-м илъэс 70 ирикъуащ.
21 января, 2026 - 15:34
Иужьрей илъэсиблым къриубыдэу Къэбэрдей-Балъкъэрым и щIыналъэ автомобиль гъуэгухэм ящыщу Лэскэн районым и щIыпIэу 7 къызыхуэтыншэу зэрагъэпэщыжащ, псоми зэхэту километр 40-м щIигъу я кIыхьагъыу.
Лэжьыгъэхэр щрагъэкIуэкIащ Аргудан, Урыху, Анзорей, Лэскэн ЕтIуанэ, Ерокъуэ, Ташлы-Тала, Уэзрэдж жылэхэм.
«ГъащIэм хуэщIа инфраструктурэ» лъэпкъ пэхуэщIэм ипкъ иткIэ 2025 гъэми щыIэ мардэм кърагъэтIэсащ псори зэхэту километри 5-м щIигъу зи кIыхьагъ Лэскэн Езанэ - Лэскэн Ипщэ - Ташлы-Тала - Хазнидон автомобиль гъуэгур.
21 января, 2026 - 14:33
Къэбэрдей-Балъкъэрым ерыскъымрэ ерыскъыхэкIхэмрэ елэжь и IуэхущIапIэхэм продукцэу къыщыщIагъэкIым и куэдагъым илъэс къэс хагъахъуэ зэпытщ.
ЖыпIэнурамэ, 2025 гъэм и щIышылэм – щэкIуэгъуэм къриубыдэу псыхэкIыу къалэжьар проценти 7-кIэ, ерыскъыхэкIыр – процент 0,4-кIэ нэхъыбэщ абы ипэ ита илъэсым щыIа бжыгъэхэм елъытауэ.
Къапщытэж пIалъэм къриубыдэу хэхъуэ къагъэлъэгъуащ IэфIыкIэхэмрэ щIакхъуэхэкIхэмкIэ, тхъуцIынэмкIэ, шэ зэфэмрэ шатащхьэмкIэ, кхъуеймрэ кхъуейлъалъэмкIэ, IусыпхъэхэмкIэ, хадэхэкI-пхъэщхьэмыщхьэ консервхэмкIэ, крахмалымкIэ.
21 января, 2026 - 14:31
УФ-м и Журналистхэм я зэгухьэныгъэм и секретарь Касютин Владимир Налшык щекIуэкIа «Инфорум» зэIущIэм къыщыпсэлъауэ щытащ. Газетхэр зэрымыкIуэдыжыр, уеблэмэ абыхэм электрон Iэмалхэм зэрапеуэн къару зэрабгъэдэлъыр къыхигъэщ зэпытщ абы.
21 января, 2026 - 14:11
Налшык къалэм и «Гладиатор», Кэнжэ къуажэм дэт «Вымпел» спорт комплексхэм мы махуэхэм щекIуэкIащ Урысей Федерацэмрэ Къэзахъстанымрэ дзюдомкIэ я командэ къыхэхахэм я егъэджэныгъэ-зыгъэсэныгъэ зэхуэс.
21 января, 2026 - 13:29
Урысейм ЩIэныгъэхэмкIэ и Академием Къэбэрдей-Балъкъэрым щиIэ щIэныгъэ центрым хыхьэ щIэныгъэ IуэхущIапIэхэм я нэхъыжь дыдэщ Гуманитар къэхутэныгъэхэмкIэ институтыр. А институтыр къызэрызэIуахрэ мы махуэхэм илъэси 100 ирикъуащ.
21 января, 2026 - 12:26
«Къэбэрдей-Балъкъэр Республикэм и ЩIы кодексым и 6-нэ статьямрэ «Къэбэрдей-Балъкъэр Республикэм мэкъумэш IэнатIэм хухэха и щIы Iыхьэхэр къызэрагъэсэбэпым теухуауэ» Къэбэрдей-Балъкъэр Республикэм и Законым и 5-1-нэ статьямрэ зэхъуэкIыныгъэхэр хэлъхьэным и IуэхукIэ» Къэбэрдей-Балъкъэр Республикэм и Законым ехьэлIауэ
Къэбэрдей-Балъкъэр Республикэм и Парламентым и Унафэ
Къэбэрдей-Балъкъэр Республикэм и Парламентым унафэ ещI:
21 января, 2026 - 12:26
«Къэбэрдей-Балъкъэр Республикэм граждан зыхъумэжыныгъэм пыщIа зэхущытыкIэхэр зэрыщызэблагъэкIым теухуауэ» Къэбэрдей-Балъкъэр Республикэм и Законым и 5-нэ статьям зэхъуэкIыныгъэхэр хэлъхьэным и IуэхукIэ» Къэбэрдей-Балъкъэр Республикэм и Законым ехьэлIауэ
Къэбэрдей-Балъкъэр Республикэм и Парламентым и Унафэ
Къэбэрдей-Балъкъэр Республикэм и Парламентым унафэ ещI:
21 января, 2026 - 11:41
КъБАССР-м и цIыхубэ артист, балетмейстер цIэрыIуэ, «Кабардинка» ансамблым и къэфакIуэ Соттаев Къанщауэ илъэс куэдкIэ щыпсэуа, Налшык къалэм и Ватутинэ уэрамым тет унэ №14-м фэеплъ пхъэбгъу щыхукIэралъхьащ. Ар ирагъэхьэлIащ артистыр къызэралъхурэ илъэс 91-рэ щрикъум.
Лъэпкъ къафэ гъуазджэм зи гъащIэр тезыухуа Соттаев Къанщауэ 1935 гъэм щIышылэм и 15-м Iуащхьэмахуэ щIыналъэм хыхьэ Лашкутэ къуажэм къыщалъхуащ. 1957 гъэм «Кабардинка» ансамблым хыхьэри, абы къыщигъэлъэгъуа зэфIэкIыр республикэм и щэнхабзэм и тхыдэ напэкIуэцIым щыщ IыхьэфI хъуащ.
21 января, 2026 - 10:01
Сыт хуэдэ зэманми адыгэм бзылъхугъэм пщIэшхуэрэ нэмыс лейрэ хуищIу къэгъуэгурыкIуащ. ЦIыхубзхэр жылагъуэм зэрыхэту щытар, абыхэм кIэлъызэрахьэу щыта хабзэхэр къыщыгъэлъэгъуэжащ щIэныгъэлIхэм я IэдакъэщIэкIхэм. Абыхэм ящыщ зы теплъэгъуэ фи пащхьэ идолъхьэ.
Пасэрей ди цIыхубзхэр куэдрэ унэм икIыу щытакъым. «ЦIыхубзым и Iуэху жьэгу пащхьэмрэ бжэщхьэIумрэщ», - жаIэу щытащ. ЛIым кърихьэлIэр фызым зэригъэзахуэу, зэригъэпэщу унэм щIэсу щытащ. Унагъуэм зыгуэр къехьэлIэным цIыхубзым и Iуэху хэлътэкъым.
ЦIыхубзыр зэзэмызэххэт щежьэр, Iыхьлы гъунэгъухэр илъагъуну.
21 января, 2026 - 09:58
2026 гъэм щIышылэм и 22 - 26-м ЩIы Хъурейм къыщхьэщыт уафэм телъыджэлажьэ къыщыхъунущ. Ар зищIысым дытепсэлъыхьын ипэ, Iуэхум щIэдзапIэ хуэхъуам и гугъу тщIынщ.
21 января, 2026 - 09:00
ЩIышылэм и 21, бэрэжьей
IэплIэ зэхуэщIыным и дунейпсо махуэщ
УФ-м и инженер дзэхэм я махуэщ
1918 гъэм Адыгейм Совет властыр щагъэуващ.
1985 гъэм Франджым и ЛIыхъужь Хьэгъундокъуэ Елмэсхъан дунейм ехыжащ.
1926 гъэм къалъхуащ КъБР-м и цIыхубэ тхакIуэ ХьэхъупащIэ Хьэжбэчыр.
1946 гъэм къалъхуащ УФ-м и цIыхубэ егъэджакIуэ, КъБР-м щIэныгъэхэмкIэ щIыхь зиIэ и лэжьакIуэ Мэлбахъуэ Борис.
|
