Календарь событий

Минводы къалэм щекIуэкIащ каратемкIэ (ВКФ) щIыналъэхэм я зэхьэзэхуэ. СССР-м и ЛIыхъужь Онищенкэ Виктор и фэеплъу щытащ ар  икIи абы щызэпеуащ Кавказ Ищхъэрэм и щIыналъэхэм я спортсмену, щIалэхэри хъыджэбзхэри зэхэту, 300-м щIигъу.

Адыгэ уэрэдым и гъэзэщIэкIэр сыт хуэдэ? Ари къызэрыхъур мыпхуэдэущ: макъамэ нэхъыщхьэмрэ псалъэмрэ зэщIэту зым къыхедзэри, зы сатыр жеIэ. Абы жиIэ сатырыр кIэщIми кIыхьми, абы и тхьэмбылым жьыуэ иришар зэ бэуэгъуэкIэ ирикъуу аращ, адрей сатырыр къыщIидзауэ жиIэн щхьэкIэ зэпигъэууэ жьы зыжьэдишэн хуейщ. Мис абы щызэпигъэум деж, гупым я ежьумкIэ уэрэдым пащэ. Гупыр зэ укъуэдиигъуэ ежьууауэ, бэуэн щызэпагъэум деж, къыхэзыдзэм и уэрэдым и етIуанэрей сатырыр жеIэ. Ар абы иуха нэужь, абы и ужьым кIэщIу иту, и лъэмбым иувэу ежьу гупым я ежьу етIуанэ Iыхьэр пащэ.

Адыгэ уэрэдыжьхэр къызэрыщIэрэщIэжым шэч хэлъкъым. Иджырей хьэгъуэлIыгъуэ джэгухэм, щIалэгъуалэ зэхэсхэм, гуфIэгъуэ махуэщIхэм уэрэдыжьхэр уэру щагъэзащIэ, цIыхухэри абыхэм яфIэфIу йодаIуэ. Уэрэдыжьыр лъэпкъым и тхыдэм щыщ зы теплъэгъуэщ. ЦIыхубэм я нэгу щIэкIар къазэрыщыхъуа щIыкIэр къызыхэщыр халъхьа псалъэхэм я закъуэкъым, ар яхыболъагъуэ макъамэ шэщIыкIэми. Ауэ сыт хуэдэ щэнхабзэ хъугъуэфIыгъуэми нэщэнэ гъэщIэгъуэнхэр яIэщ, ар къыумылъытэмэ, утыку къипхьэ Iуэхугъуэм хыумылъхьэмэ, щIэныгъэр аутентикэкIэ зэджэр фIэкIуэду.

Кавказ Ищхъэрэм атлетикэ псынщIэмкIэ и чемпионатрэ пашэныгъэр къыщыхьыным хуэунэтIа зэхьэзэхуэрэ Ставрополь крайм щекIуэкIащ иджыблагъэ. Абы щызэпеуащ ди къэралым и щIыналъэхэм ящыщ куэдым я спортсмен 500-м щIигъу икIи ахэр зэхьэзэхуащ къызэдэжэнымкIэ, нэхъ жыжьэ лъэнымкIэ, нэхъ лъагэу дэлъеинымкIэ, дискыр, бжыр, ядрор дзынымкIэ, нэгъуэщI лIэужьыгъуэхэмкIи.

Адыгэ цIыхубэм гуфIэгъуэрэ нэщхъеягъуэу яIари, хьэлрэ щэну яхэлъари къыхыболъагъукI хуабжьу цIэрыIуэ, дэтхэнэ зыми фIыуэ илъагъу Хъуэжэ и шыпсэхэм. Сыт хуэдэ хъыбарми пэж гуэр хэлъщ, жаIэрт пасэрейм. Хъуэжэ акъылыфIагъкIи IущагъкIи ятокIуэ тепщэхэми ныкъуэкъуэгъу къыхуэхъухэми. НэгъуэщIу жытIэмэ, абы ехьэлIа псысэхэм къахобелджылыкI цIыхубэр сытым дежи акъылыфIэу, захуагъэм тету, губзыгъэу зэрыщытар икIи зэрыщытыр.

ГъащIэм къыщысэбэп, щIэупщIэ нэхъыбэ зиIэ IэщIагъэхэм ящыщщ Налшык дэт «Строитель» колледжым зыщыхурагъаджэхэр. Сыт хуэдэ зэманми дахуэныкъуэщ ухуакIуэ IэпщIэлъапщIэхэм, электрикхэм, гъущI зэпызыгъавэхэм, пхъащIэхэм, нэгъуэщIхэми. Илъэс куэд хъуауэ апхуэдэ IэщIагъэлIхэр зыгъэхьэзыр колледжым и унафэщI Къурмэн Мурат тедгъэпсэлъыхьащ колледжыр нэхъри егъэфIэкIуэным, абы къыщIигъэкI IэщIагъэлIхэр лэжьыгъэ IэнатIэкIэ къызэгъэпэщыным, езы IуэхущIапIэр Iэмэпсымэрэ техникэкIэ зыхуей хуэгъэзэным теухуауэ и мурадхэм.

Балъкъэрыр Урысей къэралыгъуэм зэрыгухьэрэ илъэси 199-рэ щрикъум ирихьэлIэу СурэтыщI гъуазджэхэмкIэ Ткаченкэ Андрей и цIэр зезыхьэ музейм къыщызэрагъэпэщащ «Сурэтхэм я хъыбарыр» гъэлъэгъуэныгъэр, УФ-м и СурэтыщIхэм я зэгухьэныгъэм хэт, сурэтыщI-дизайнер, художник-конструктор, егъэджакIуэ Французов Казбек и лэжьыгъэхэм хухэхар.

Медицинэм и лэжьакIуэхэм ящыгъ фэилъхьэгъуэ хужьыр къагупсысауэ щытащ сымаджэщым щIагъэгъуалъхьэхэр дохутырхэм къакIэрыпщIагъэнкIэ хъуну инфекцэхэм щахъумэн папщIэ. Медицинэ фэилъхьэгъуэр къагупсысыным ипэ дохутырхэм ящыгът къызэрыгуэкI щыгъынхэр. Операцэ щащIкIэ кIэпхын зыIуапхэрт, Iэлъэ зыIэратIагъэрт. Хъэлатыр зэрыхужьым кърагъэкIырт ар щIэх-щIэхыурэ жьыщIын зэрыхуейр.

ГъащIэр узыншэу ехьэкIыным телажьэ «Анна» валеологие клубым и щIыналъэ къудамэм хэтхэм, КъБР-м Лъэпкъ Iуэхухэмрэ жылагъуэ проектхэмкIэ и министерствэм и субсидие къэхьынымкIэ республикэ зэпеуэм зэрыщытекIуам и фIыгъэкIэ, «Ремесел древних новизна» грант Iуэхум хыхьэу гъэлъэгъуэныгъэ къызэрагъэпэщащ. Ар и жэрдэмщ клубым и унафэщI Жиздюк Маринэ. КъБР-м ЦIыхубэ IэпщIэлъапщIагъэмрэ IэпэIэсагъэмкIэ и центрым декоративно-прикладной гъуазджэм щыщ лэжьыгъэхэр щагъэлъагъуэ,

Фэеплъ

Урысей Федерацэм и цIыхубэ егъэджакIуэ, Урысей Федерацэмрэ Къэбэрдей-Балъкъэр Республикэмрэ щIыхь зиIэ я егъэджакIуэ, тхыдэ щIэныгъэхэмкIэ доктор, профессор Мэлбахъуэ Борис Къасболэт и къуэр (1946-2019) ящыщт ди щIыналъэр зэрыгушхуэ, зэрыпагэ IэщIагъэлIхэм. Ар къызэралъхурэ иджыблагъэ илъэс 80 ирикъуащ. Ди республикэм и егъэджэныгъэ-гъэсэныгъэ IэнатIэм IэщIагъэлI щыпкъэм хуищIа хэлъхьэныгъэр инщ, къызэрымыкIуэщ, куэдрэ цIыхухэм ящымыгъупщэнщ.

ЩIышылэм и 23, мэрем

♦IэкIэ тхэным и дунейпсо махуэщ

♦1935 гъэм къалъхуащ тхакIуэ, тхыдэ щIэныгъэхэмкIэ доктор, профессор, КъБР-м и Къэрал саугъэтыр тIэунейрэ зыхуагъэфэща МафIэдз Сэрэбий.

♦1969 гъэм къалъхуащ ДАХ-м и вице-президент, КъБР-м лъэпкъыбзэхэм зегъэужьынымкIэ и лабораторэм и унафэщI Щоджэн Iэминат.

Дунейм и щытыкIэнур