|
|
Календарь событий
29 января 2026
29 января, 2026 - 17:00
Дызыхыхьа илъэсым зэрыщIидзэрэ Бахъсэн къалэм и спортсменхэр спорт лIэужьыгъуэ зыбжанэхэмкIэ зэхьэзэхуэхэм хэтащ икIи ехъулIэныгъэфIхэр абыхэм щызыIэрагъэхьащ. Абыхэм ятеухуа хъыбар иджыблагъэ зэбгригъэхащ щIыпIэ администрацэм и пресс-IуэхущIапIэм.
29 января, 2026 - 16:36
Лосэн Хьэмидби КъБКъУ-м электроникэмкIэ, робототехникэмрэ зэхэщIыкI IэрыщIымкIэ и институтым электроникэмрэ бжыгъэ технологиехэмкIэ и кафедрэм и егъэджакIуэ нэхъыжьщ. И IэщIагъэм епха щIэныгъэ лэжьыгъэу 40-м нэс итхащ, компьютерым, интернет бэджыхъым, зэхэщIыкI IэрыщIым теухуауэ гупсысэ щIэщыгъуэхэр къыщигъэлъагъуэу. ЩIэныгъэ зэфIэкI лъагэ зиIэ щIалэм иригъаджэхэр зэпымыууэ зэпеуэхэм хэтщ, ехъулIэныгъэхэр къагъэлъагъуэу. И лэжьыгъэм къыпэкIуэуи зыщылажьэ университетым абы мызэ-мытIэу къыхуигъэфэщащ щIыхь, фIыщIэ тхылъхэр.
29 января, 2026 - 15:41
Италием и къалащхьэм дэт кхъэлъахэжь зыбжанэу I-III лIэщIыгъуэхэм къагъэунэхуахэм, щIытI лэжьыгъэхэр щыщрагъэкIуэкIым, археологхэм хьэдэ къупщхьэу 105-рэ къыщIагъуэтэжащ. ЩIэныгъэлIхэм зэрыхуагъэфащэмкIэ, абыхэм ящыщу 8-р зейуэ щытар нэгъуэщI хэгъэгухэм къиIэпхъукIащ.
ЩIым щIэлъу къагъуэта хьэдэ къупщхьэхэм цIыхубзым ейуэ яхэлъар зы закъуэщ. Псом нэхъапэуи а Iуэхугъуэращ къэхутакIуэхэр езыгъэгупсысар, хьэдэ къупщхьэхэр зейуэ щытахэр лэжьыгъэ IуэхукIэ мы щIыпIэм къихьауэ зэрыщытам.
29 января, 2026 - 15:35
Махуэ къэс ди нэгум щIокI Iуэхугъуэ зэщхьэщыкIхэр. Щхьэм идубыдэнумрэ тщыгъупщэнумрэ акъылым зэхегъэщхьэхукIыж. Языныкъуэхэм деж блэкI мыхъуну Iуэхугъуэхэр дигу къокIыж, къохъур дызыхуэмыныкъуэ гупсысэ мыфэмыц гуэрхэр ди щхьэм къинэурэ щыкIэрахъуэ е хъыбарыпцI гуэрхэр ткIыщтэн хуейуэ къыщытхуихуи къохъур. ГъэщIэгъуэнщ акъылым и зыщIыкIэр, дигу идубыдэ-идмыубыдэхэм тепщIыхьмэ. Абы теухуауэ щIэныгъэлIхэм къахутащ гъэщIэгъуэнхэр.
29 января, 2026 - 15:23
«Налшык къалэ хуиту, дахэу, щхъуантIэу икIи ущыпсэуну тыншу щытын хуейщ», - жиIауэ щытащ ди УнафэщI КIуэкIуэ Казбек, илъэсыщIэр къихьэн и пэ екIуэкIа эфир занщIэм.
29 января, 2026 - 12:26
Дагъыстэным щыщ бэнакIуэ Махачев Ислъам иджыри зы чемпион бгырыпх къихьэхуащ.
Американ щIалэхэр зопсалъэ:
- Дагъыстэным щыщ щIалэ 50-рэ Нью-Йорк щыщ щIали 100-рэ зэзауэмэ, хэт текIуэнур?
- Хьа-хьа-хьа, Дагъыстэнхэм яшхыпэнущ ахэр! Нью-Йорк нэхъ лъэрызехьэ дыдэу дэс щIали 100-р дагъыстэн щIалитхум ятекIуэнкIи хъунщ зэрымыщIэкIэ, ауэ абы щыгъуэми, американхэм я бохъши, вакъи, щыгъыни къыхуагъэнэнукъым.
29 января, 2026 - 12:00
Зауэмрэ абы къыкIэлъыкIуа илъэсхэмрэ къызэрымыкIуэу зэрыхьэлъар фIы дыдэу ящIэж ар зи нэкIэ зылъэгъуахэм. Абыхэм ящыщщ зауэм ипэкIэ унагъуэ дахэу Инарыкъуей жылэм дэса Шыдакъхэ Алийрэ КIунэрэ я пхъуищри. Абыхэм я гъащIэр къызэрекIуэкIам дыщегъэгъуазэ ЗэрамыщIэ Маринэ.
29 января, 2026 - 10:01
ЩIышылэм и 29, махуэку
Ядернэ зауэр мыдэным цIыхухэр хузэщIэгъэуIуэным и дунейпсо махуэщ
1833 гъэм Урысейм щыяпэу Санкт-Петербург къалэм пощт IуэхущIапIэ къыщызэIуахащ.
1943 гъэм советыдзэхэм Мейкъуапэ, Тихорецк къалэхэр нэмыцэ фашист зэрыпхъуакIуэхэм къыIэщIагъэкIыжащ.
2001 гъэм КъБР-м и цIыхубэ усакIуэ, Социалист Лэжьыгъэм и ЛIыхъужь КIыщокъуэ Алим дунейм ехыжащ.
29 января, 2026 - 09:58
«Коммунальнэ ухуэныгъэхэр егъэфIэкIуэн» къэрал Iуэхум хыхьэу «УхуэныгъэщIэхэр» лъэпкъ проектыр ягъэзащIэу, Бахъсэн къалэм и уэрамиплIым щызэрахъуэкIынущ бжьамийхэр. Лэжьыгъэхэр щрагъэкIуэкIыну уэрамхэм я кIыхьагъыр зэхэту метр 5539 мэхъу, абы цIыху 2300-рэ щопсэу.
Мы Iуэху дыдэм ипкъ иткIэ нэгъабэ Дыгулыбгъуей къуажэм щызэрахъуэкIауэ щытащ уэрамищым тес цIыхухэм я деж псы къабзэ зэрекIуалIэ бжьамий километри 4,2-рэ.
29 января, 2026 - 09:00
Урысейм и зауэлI щIыхьым и махуэр – Ленинград къэзыувыхьауэ щыта фашист зэрыпхъуакIуэхэм къалэр совет зауэлIхэм къызэрыIэщIахыжрэ илъэс 82-рэ зэрырикъур щIышылэм и 27-м къэралым щагъэлъапIэ. Ар Хэку зауэшхуэм ехьэлIа гуауэ нэхъ ин дыдэхэм ящыщ зыщ. Бийм и зэранкIэ къалэм дэубыда хъуа, мэжэщIалIагъэмрэ щIыIэмрэ иукI ленинграддэсхэр зэралъэкIкIэ я гъащIэм щIэбэнащ.
|
