Календарь событий

Зи IэдакъэщIэкIхэр еджэгъуафIэ-гурыIуэгъуафIэхэм ящыщщ тхакIуэ, журналист КIэбышэ Лилэ. АдыгэбзэкIэ къыдэкI газетымрэ журналымрэ щIэх-щIэхыурэ ахэр къытохуэри, яхуищI сюжетхэр умыгъэщIэгъуэнкIэ Iэмал иIэкъым, ныбжьыщIэхэри нэхъыжьыIуэхэри дихьэхыу щIэщыгъуэщ. Арагъэщ абыхэм щIэупщIэ щIаIэр.

Дыщыгъуазэщ Лилэ и Iуэтэжхэмрэ повестхэмрэ щызэхуэхьэса тхылъ зытIущым . Абыхэм ящыщ зым ит «КъэфакIуэ хъыджэбз» Iуэтэжыр ди гуапэу «Адыгэ псалъэм» и щIэджыкIакIуэхэм фи пащхьэ ныдолъхьэ.

ИСТЭПАН Залинэ.

Балигъхэм алыдж-урым бэнэкIэмкIэ я урысейпсо зэхьэзэхуэ Уфа къалэм щекIуэкIащ. Ар хуэгъэпсауэ щытащ Урысейм и лъэпкъхэм я зэкъуэтыныгъэм и илъэсым икIи абы щызэпеуащ ди къэралым и щIыналъэхэм ящыщу 27-м я спортсмени 140-рэ.

Я къулыкъу ягъэзащIэу нэгъуэщI къэрал щыхэкIуэда урысей цIыхухэм я фэеплъ махуэщ мазаем и 15-р. Дигу къыдогъэкIыж Афган зауэм къалэныр щезыхьэкIа ди хэкуэгъухэр, Абыхэм ящыщщ Афганистан щIыналъэм, Кабул, Кундуз, нэгъуэщI щIыпIэхэм щекIуэкIа зауэ гуащIэхэм хэта генерал-майор Бахъсэн Хьэсанш Барэсбий и къуэр.

Индием щыIэ Болливуд къалэм щIэныгъэ зэдауэ гъэщIэгъуэн щекIуэкIащ дыгъэгъазэм и 30-м. Абы щызэпэщIэуващ уэрэдус Ахтар Джаведрэ муслъымэн щIэныгъэлI щIалэ Нэдуий Шамаилрэ.

«Зитэрэ Гитэрэ», «ЛъыщIэжымрэ хабзэмрэ» («Месть и закон»)

Москва, Президент Академием и утыкум, щекIуэкIащ къэрал управленэмкIэ япэ дунейпсо конгрессыр. Ар Iыхьэ-Iыхьэу гуэшауэ щатащ. Къэрал Iуэхур зегъэкIуэным зэхэщIыкI IэрыщIыр къызэрыщысэбэпым теухуауэ щытащ Греф Герман зыхэта «Без купюр» зэIущIэр. Къэрал лэжьакIуэхэм я конгрессым КъБР-м, Налшык къалэ администрацэм я лIыкIуэу щыIа, Налшык къалэ администрацэм щIалэгъуалэ политикэмкIэ и управленэм и унафэщI АфэщIагъуэ Анзор къызэрыхигъэщамкIэ, зэIущIэм къыщаIэта упщIэхэр ди зэманым къезэгъ дыдэщ.

Дэтхэнэ зы цIыхуми и ехъулIэныгъэр унагъуэм къыщожьэ. Ар фIымэ, зэгурыIуэ илъмэ, абы къыщыхъу сабийр Iэсэщ, шыIэ хэлъщ, жыIэдаIуэщ. Адэ-анэхэм я быным къулеигъэ нэхъ ин дыдэу иратыфыну къалъытэри сабиигъуэ насыпыфIэрщ. ЩIэблэ гъэса, цIыхугъэ зыхэлъ къэтэджыныр куэдкIэ елъытащ нэхъыжьхэм. Апхуэдэ унагъуэхэм ящыщщ Тэрч къалэм дэс Къудей Албиянрэ и щхьэгъусэ Мариерэ (Хъымбэзэрхэ япхъущ).

Иджыблагъэ УФ-м и щIыналъэ псоми щатхащ «Къэралышхуэм и щIэныгъэ» урысейпсо щIэныгъэ диктантыр.

Ар Урысейм ис лъэпкъхэм я зэкъуэтыныгъэм и илъэсым траухуащ, ди къэхутакIуэшхуэхэмрэ абыхэм я къэхутэныгъэхэмрэ дигу къэдгъэкIыжын папщIэ. Нэгъабэрейр зыхухэхауэ щытар ТекIуэныгъэ иным хэлъхьэныгъэ хуэзыщIа щIэныгъэлIхэрт. Абы очнэу хэтащ къэралым и щIыналъэ 72-м я лIыкIуэхэр, ахэр цIыху мин 300-м щIигъурт.

Лъэпкъ щэнхабзэмкIэ «ЩIэин» студент зэгухьэныгъэщIэ къыщызэIуахащ КъБКъУ-м ЩэнхабзэмкIэ и центрым, Темыркъан Хьэту и цIэр зезыхьэм. Абы хэт щIалэгъуалэм зыкъыщагъэлъэгъуащ пшыхьым икIи дэтхэнэми и лъэпкъ щэнхабзэмрэ фащэмрэ утыку кърихьащ.

ЗэгухьэныгъэщIэм и мурад нэхъыщхьэр зыхуэунэтIар студент щIалэгъуалэм лъэпкъ хабзэхэм фIыуэ хащIыкIынырщ, ар хэIущIыIу щIынырщ, щэнхабзэ щIэиныр хъумэнырщ.

Пшыхьым республикэм ис лъэпкъхэм я хабзэхэм, щэнхабзэ щхьэхуэныгъэхэм ятеухуа упщIэхэм жэуап щратащ. Абы дэтхэнэми Iэмал къритащ и щIэныгъэр къипщытэну, щIэ куэд къащIэну.

Литературэм ди гъащIэм щиубыд увыпIэм, абы и мыхьэнэм теухуащ усакIуэ цIэрыIуэ Бицу Анатолэ и тхыгъэр.

ГъащIэм мыхьэнэ щызиIэ, цIыхубэм гу зылъатэн хуей Iуэхугъуэхэр яубзыхуурэ илъэсыр абы зэрытраухуэ хабзэр 2000 гъэхэм къыщежьащ ди къэралым. Апхуэдэ япэ гулъытэхэр зыхухахар СНГ-м хыхьэ къэралхэрщ. ИужькIэ ди хэкум дежкIэ щхьэпэ Iуэхухэр къыхалъхьэу щIадзащ. Мы гъэр Урысейм ис лъэпкъхэм я зэкъуэтыныгъэм и илъэсу ягъэуващ. Абы лъабжьэ хуэхъур УФ-м лъэпкъ зэкъуэтыныгъэмрэ лъэпкъ зэгурыIуэныгъэмрэ щыгъэбыдэнырщ. Урысейр лъэпкъ, бзэ, щэнхабзэ щэ бжыгъэхэр щызэхэухуэна къэрал телъыджэщ.

Мазаем и 16, блыщхьэ

♦УФ-м и Дзэ-Тенджыз флотым и тIасхъэщIэххэм я махуэщ

♦1956 гъэм къалъхуащ тхыдэ щIэныгъэхэмкIэ кандидат, ЩIДАА-м и член-корреспондент, жылагъуэ лэжьакIуэ Болэ Ильзитэ.

Дунейм и щытыкIэнур

«pogoda.yandex.ru» сайтым зэритымкIэ, республикэм уфауэ щыщытынущ. Хуабэр махуэм градус 17 - 18, жэщым градуси 4 - 6 щыхъунущ. ЩIым и малъхъэдис щытыкIэм балли 4-кIэ зихъуэжынущ.