|
|
Календарь событий
17 февраля 2026
17 февраля, 2026 - 18:07
Къармэхьэблэ (Каменномост) къуажэм дэт етIуанэ курыт еджапIэм иджыблагъэ ирагъэблэгъащ Къэбэрдей-Балъкъэр къэрал университетым органическэ химиемрэ высокомолекулярнэ пкъыгъуэхэмкIэ и кафедрэм и унафэщI Малкандуев Исуф, а кафедрэм и доцент, Къармэхьэблэ етIуанэ курыт еджапIэм щеджа Къуэкъуей (Алмэ Анетэ), университетым математикэмрэ естественнэ щIэныгъэхэмкIэ и институтым неорганическэ физикэм щыхуеджэ студент Федоренкэ Владислав сымэ. «ЩIэныгъэм и тхьэмахуэ» зыщрагъэкIуэкI еджапIэм и класс нэхъыжьхэм щIэсхэм зэIущIэр гукъинэж ящыхъуащ.
17 февраля, 2026 - 16:01
Интернационалист зауэлIхэм мазаем и 15-р фэеплъ махуэ щIыхуащIам щхьэусыгъуэ иIэщ.
17 февраля, 2026 - 15:55
ЩIалэгъуалэм я унэу Налшык дэтым щекIуэкIащ интернационалист – зауэлIхэм я махуэм теухуа зэIущIэ. Абы кърагъэблэгъащ Венгрием щызэуа Беслъэней Борис, Куба щекIуэкIа дзэ Iуэхухэм хэта Алиев Вячеслав, Афганистаным щызэуа Габоев Азрет - Алий.
17 февраля, 2026 - 15:26
Республикэм и медицинэ IуэхущIапIэхэр IэмэпсымэкIэ къызэгъэпэщыным теухуауэ IэнатIэм лэжьыгъэшхуэ щрагъэкIуэкI.
«Сабиигъуэмрэ анагъэмрэ хъумэн» къэрал проектым ипкъ иткIэ, щIыналъэм цIыхубзхэм я узыншагъэм щыкIэлъыплъ и IуэхущIапIэхэм папщIэ фIагъышхуэ зиIэ УЗИ-аппарату 5 къащэхуащ. Апхуэдэу а IэнатIэхэр къызэрагъэпэщащ сымаджэм и щытыкIэр къызэрапщытэ, электрохирургие, лъыдэуейр къызэрапщ, санитар-къабзагъэм зэрыкIэлъыплъ IэмэпсымэхэмкIэ, медицинэ тэрэзэхэмкIэ, электроннэ термометрхэмкIэ, къищынэмыщIауэ, пэшхэм щIэтыну унэлъащIэхэмкIэ.
17 февраля, 2026 - 15:10
Ди анэдэлъхубзэм (кIахэ, къэбэрдей диалектхэм) и беягъэр къэзыгъэлъагъуэщ щIыуэпсым и теплъэ зэмылIэужьыгъуэхэм епха псалъэхэмрэ щIым (щIыгум) и зэхэлъыкIэр зыгъэнаIуэ жыIэгъуэхэмрэ куэду дызэриIэр. Дауи, мыбдежым а псори къыщытхуэхьынкъым, ауэ гу нэхъ зылъыттахэм ящыщ зыбжанэм датепсэлъыхьынщ.
Аранэ - къуршхэм я папцIапIэ дыдэ, бгы лъагэм и щыгу.
Бгы - къэзыухъуреихь щIыпIэм хэIэтыкIа лъагапIэ. «Бгы лъагэ». «Бгым дэкIын».
Бгыжьэ - бгы дурэш зэв. «Бгыжьэм и лъабжьэр кIыхьу, куууэ щIэупщIыкIат». (Шортэн Аскэрбий)
17 февраля, 2026 - 14:52
5 Iыхьэ
 Мардыкъуэ Уафэр иджу зэригъэпцIэжа нэужь, вагъуэхэмрэ Дыгъэ-Мазэмрэ къигъэщIри, иригъэтIысхьэжащ. Абдеж щыщIэдзауи, жэщымрэ махуэмрэ зызэблахъуу къэунэхуащ. КъыкIэлъыкIуэу абы къигъэщIащ къэкIыгъэхэмрэ псэущхьэхэмрэ.
Мы Iыхьэр теухуащ адрей тхьэхэм Мардыкъуэ я тхьэшхуэу къызэращтам, ар Тхьэшхуэ зэрыхъуам.
17 февраля, 2026 - 13:50
 Урысей Федерацэм бэнэкIэ хуитымкIэ пашэныгъэр къыщыхьыным хуэунэтIа зэхьэзэхуэ Владикавказ къалэм иджыблагъэ щекIуэкIащ. Абы щызэпеуащ ди къэралым и спортсмен 400-м нэблагъэ, я ныбжькIэ илъэс 21-м щIимыгъуауэ.
17 февраля, 2026 - 11:48
Мазаем и 17, гъубж
ХъыбарыщIэхэр зегъэкIуэным и дунейпсо махуэщ
ГумащIагъэр къэгъэлъэгъуэным и дунейпсо махуэщ
1923 гъэм къалъхуащ экономикэ щIэныгъэхэмкIэ доктор, КъБКъМУ-м и профессор, КъБР-м и Къэрал саугъэтым и лауреат, КъБР-м щIэныгъэхэмкIэ щIыхь зиIэ и лэжьакIуэ, ЩIДАА-м и академик Къумахуэ Башир.
1958 гъэм къалъхуащ журналист, КъБР-м и Правительствэм и саугъэтыр зыхуагъэфэща, Къэбэрдей-Балъкъэрым щIыхь зиIэ и журналист Хьэгъундокъуэ Сэлисэт.
|
