|
|
Календарь событий
20 февраля 2026
20 февраля, 2026 - 17:08
 Бахъсэн щIыналъэ администрацэм и Iэтащхьэ Абрэдж Iэдиб лэжьыгъэ IуэхукIэ иджыблагъэ щыIащ Кременчуг-Константиновкэ къуажэм икIи зыщигъэгъуэзащ абы и гъуэгу инфраструктурэр, егъэджэныгъэмкIэ, узыншагъэр хъумэнымкIэ, щэнхабзэмкIэ унэхэм я щытыкIэхэр зыхуэдэр, нэгъуэщIхэми.
20 февраля, 2026 - 16:19
Къэбэрдей-Балъкъэр Республикэм и прокурор Хабаров Николай, КъБР-м ХьэрычэтыщIэхэм я хуитыныгъэхэр хъумэнымкIэ и уполномоченнэ АфэщIыж Юрэ щIыгъуу я щхьэ IуэхукIэ къекIуалIэ хьэрычэтыщIэхэм яхуэзэнущ мазаем и 25-м сыхьэт 11-м.
Ар щекIуэкIынущ Къэбэрдей-Балъкъэр Республикэм и прокуратурэм и унэм: Налшык къалэ, Кулиевым и проспект, 16.
Гупыж зиIэхэм ипэкIэ зрагъэтх хъунущ мы телефонхэмкIэ: 8 (866 2) 40-48-60, 8 (866 2) 40-03-70.
20 февраля, 2026 - 16:02
 «ГъащIэм хуэщIа инфраструктурэ» лъэпкъ пэхуэщIэм ипкъ иткIэ Бахъсэн щIыналъэм и Жанхъуэтекъуэ къуажэм псы зэбгрытыкIыпIэщIэ щаухуащ, абы и фIыгъэкIи, унагъуэ 200-м нэблагъэм псы къабзэ зэпымыууэ яIэрыхьэ хъуащ.
20 февраля, 2026 - 15:55
Мазаем и 20, мэрем
ЦIыхухэр зэхуэгъэдэным и дунейпсо махуэщ
1975 гъэм Хьэуам зыщыхъумэжынымкIэ дзэхэм я махуэр ягъэуващ.
1940 гъэм Налшык къалэм IэфIыкIэ щащI фабрикэ къыщызэIуахащ.
1897 гъэм къалъхуащ адыгей тхакIуэ Теувэж Хьэбиб.
1935 гъэм къалъхуащ медицинэ щIэныгъэхэмкIэ доктор, КъБКъУ-м и профессору щыта Гъащтэ Абдул.
20 февраля, 2026 - 15:10
Уважаемые родители (законные представители) будущих пятиклассников!
Северо-Кавказское суворовское военное училище приглашает вас и ваших детей на День открытых дверей!
20 февраля, 2026 - 15:07
2025 гъэм и кIэхэм Къэбэрдей-Балъкъэрым хьэрычэт IэнатIэ мыинымрэ курытымрэ (МСП) хэт и IуэхущIапIэхэм я бжыгъэр мин 24,5-рэ хъуащ е абы ипэ ита илъэсым щыIа бжыгъэхэм нэхърэ проценти 8,3-кIэ нэхъыбэ.
Илъэс блэкIам МСП-м хыхьэ IуэхущIапIэщIэу мини 6-м щIигъум республикэм зыщрагъэтхащ, абы щыщу 759-р юрлицоуэ. ЖыпIэнурамэ, хьэрычэт IэнатIэ мыинымрэ курытымрэ я IуэхущIапIэхэм я бжыгъэм проценти 10-кIэ, юрлицохэм процент 14,5-кIэ хэхъуащ.
20 февраля, 2026 - 14:52
ЩIыналъэхэм я зыужьыныгъэр цIыхумрэ гъуэгумрэ елъытащ, жиIэгъащ зэгуэрым дуней псом щыцIэрыIуэ экономист Смит Адам. Абы къыхигъэщат цIыхухэр зэлъэмыIэсмэ, щIыпIэхэм экономикэ и лъэныкъуэкIэ зэрызамыузэщIынур, псынщIэу икIи гугъуехь хэмылъу Iуэхухэр зэфIахын щхьэкIэ, гъуэгухэм я зэIузэпэщагъым и мыхьэнэми тригъэщIат. Иджырей дунейм и щытыкIэ-зыужьыкIэм ущыкIэлъыплъкIэ, щIэныгъэлIым зи гугъу ищIа гъуэгухэр ипэжыпIэкIэ стратегие купщIэ зиIэ Iуэхугъуэу къоув.
20 февраля, 2026 - 13:43
Мазаем и 2I-р Анэдэлъхубзэм и дунейпсо махуэщ
20 февраля, 2026 - 13:04
«Егъэджэныгъэм зегъэужьын» къэрал программэм ипкъ иткIэ Къэбэрдей-Балъкъэрым и курыт еджапIэхэмрэ сабий садхэмрэ къызыхуэтыншэу зэгъэпэщыжын лэжьыгъэхэр щызэпыуркъым. Мы гъэм абыхэм щыпащэнущ Дзэлыкъуэ щIыналъэм икIи абы и школу 6-рэ сабий саду I-рэ къагъэщIэрэщIэжынущ.
20 февраля, 2026 - 13:00
Къэрэшей-Шэрджэсым щэнхабзэмкIэ щIыхь зиIэ и лэжьакIуэ, Урысейм и ТхакIуэхэм я зэгухьэныгъэм хэта Шэрджэс Алий Хьэтхыкъуэ Мыхьэмэт-гъуазэм теухуа хъыбарыр къыжезыIэжар Къэрэшей-Шэрджэсым щежэх Инжыдж ЦIыкIу и Iуфэм Iус Зеикъуэ къуажэм дэса Чыржын Хъусинщ.
20 февраля, 2026 - 12:26
Урысей гвардием и управленэу Къэбэрдей-Балъкъэр Республикэм щыIэм хъыбар фегъащIэ.
Iэщэ зиIэхэм дзэ Iуэху хэхам хэтхэм (СВО) папщIэ ахэр иратыну хуеймэ Урысей гвардием и щIыналъэ IэнатIэм е лицензэ-хуит зыщI лэжьыгъэмкIэ къудамэхэу зи офисхэр Къэбэрдей-Балъкъэр Республикэм и район псоми щыIэхэм яхь хъунущ.
20 февраля, 2026 - 12:26
Къэбэрдей-Балъкъэр къэрал университетым ПедагогикэмкIэ и колледжым IуэхущIэ къыщыхалъхьащ. Куэд мыщIэу абы лэжьэн щыщIидзэнущ анэмрэ сабиймрэ я пэшым. Абы еджапIэ нэхъыщхьэм и студентхэмрэ лэжьакIуэхэмрэ я сабийхэр къашэурэ езыхэр еджэху, лэжьэху щагъэIэ хъунущ. Илъэс I-7 зи ныбжь цIыкIухэм якIэлъыплъынущ гъэсакIуэ Iэзэхэр.
ЗэманкIэ къапщтэмэ, махуэм сабийр сыхьэтиплI мынэхъыбэкIэ щагъэIэну аращ, гупым цIыкIу I5-м нэс яшэ хъунущ. Ар адэ-анэ ныбжьыщIэхэм я дежкIэ IуэхуфIщ я еджэныр е лэжьыгъэр зэпамыгъэууэ пащэн папщIэ.
|
