|
|
Календарь событий
28 февраля 2026
28 февраля, 2026 - 16:00
 Къэрэшей-Шэрджэсым и Лъэпкъ зэхуэсым и депутату щыта, дуней псом и чемпион Къуныжь Мухьэмэд и фэеплъу самбэмкIэ 10-нэ урысейпсо зэхьэзэхуэ Черкесск къалэм и «Юбилейный» спорт комплексым щекIуэкIащ иджыблагъэ. Абы щызэпеуащ ди къэралым, Абхъазымрэ Узбекистанымрэ я бэнакIуэу 300-м нэблагъэ.
28 февраля, 2026 - 16:00
Бахъсэн щIыналъэм и Кыщпэк къуажэм ЩэнхабзэмкIэ и унэм гуфIэгъуэ зэхыхьэ щекIуэкIащ Хэкум и хъумакIуэм и илъэсыр зэрикIамрэ Урысейм и лъэпкъхэм я зэкъуэтыныгъэм и илъэсу мы гъэр зэрагъэувамрэ гъэлъэпIэным хуэгъэпсауэ.
Абы хэтащ Бахъсэн район администрацэм и унафэщI Абрэдж Iэдиб, хабзэхъумэ IэнатIэхэм я лэжьакIуэхэр, къуажэ администрацэхэм, жылагъуэ зэгухьэныгъэхэм я лIыкIуэхэр, нэхъыжьыфIхэмрэ щIалэгъуалэхэмрэ, нэгъуэщIхэри.
28 февраля, 2026 - 15:30
УФ-м и ТхакIуэхэм я зэгухьэныгъэм хэта, КъШР-м щэнхабзэмкIэ щIыхь зиIэ и лэжьакIуэ цIэ лъапIэр зыфIаща, игъуэ нэмысу дунейм ехыжа Шэрджэс Алийщ зэхуэзыхьэсыжар «Яхуэмыфащэу лъэныкъуэ едгъэза псалъэхэр» жыхуиIэ и тхылъым къитхыжахэр. Къыдохь адэкIи зэрызэкIэлъыкIуэм хуэдэу.
Игъуэджэкъутэ – гущIыхьэу, игъуэ нэмысу хэкIуэда.
ИдыдыкIын – зэуэ щIэпхъуэн, шыр идыдыкIын.
Изырышхэ – ныбэхуэфI, лей зышх.
Итхъа – къэрандащкIэ е сапэкIэ иратхъа.
28 февраля, 2026 - 15:30
Нарткъалэ ЩэнхабзэмкIэ и унэм и лэжьакIуэхэр иджыблагъэ щыIащ Осетие Ищхъэрэ-Аланием и къалащхьэ Владикавказ дэт сымаджэщым, икIи дзэ Iуэху хэхам хэтхэм ящыщу уIэгъэ хъуахэм папщIэ концерт щагъэлъэгъуащ.
Мы хабзэр къыщежьар иджыкъым. Хэку зауэшхуэм щыгъуэ нэмыцэ зэрыпхъуакIуэхэр ди къэралым къыщизэрыхьам, зауэм хэтхэм ящыщу уIэгъэ хъуахэм папщIэ сымэджэщхэм концерт щагъэлъагъуэрт артистхэм, зауэлIхэм я псэм телъ бэлыхьыр зы напIэдэхьеигъуэ нэхъ мыхъуми щхьэщахрэ я гукъыдэжыр къаIэту.
28 февраля, 2026 - 12:45
Тыркум щыIэ адыгэ къуажэ 800-м щIигъум ящыщщ Анталие къалэм къедзауэ псэу Елэмэ абазэхэ къуажэр. Абы дэсахэм я щыIэкIэ-псэукIэм, адыгэ хабзэу дэлъам, мы щIыналъэм щIыщетIысэхам и щхьэусыгъуэм, къуажэм дэсахэм я унэцIэхэм, цIыху Iущхэу, IэпэIэсэхэу щытахэм я гугъу Едыдж Нихьаи къыщытхуещI «Къэгъэзэгъуэ» тхылъым.
Тхыдэ щIэныгъэхэмкIэ кандидат Унэрокъуэ Мирэщ мы тхылъым пэублэ псалъэ хуэзытхар. Абы щыщ зы пычыгъуэ:
28 февраля, 2026 - 12:26
Хэку зауэшхуэм кхъухьлъатэзехуэу хэта ди зауэлIхэм ящыщщ ди республикэм щыщ, Куба къуажэм къыщалъхуа ТхьэкIумащIэ Абдулыхь. Кхъухьлъатэзехуэ хахуэм тетхыхьащ КъБР-м зауэм, лэжьыгъэм, къару зэщIэузэдахэмрэ хабзэхъумэ IэнатIэхэмрэ я ветеранхэм я советым щIалэгъуалэр хэкупсэу гъэсэнымкIэ и комиссэм и унафэщI ПЩЫБИЙ СулътIан. ЛIыхъужьыр лIыгъэщIапIэ зэритащ, хахуагъэм къылъыкъуэкIам теухуауэ къытхуитхам щIэджыкIакIуэхэр щыгъуазэ фыхудощI.
28 февраля, 2026 - 12:00
Юридическэ щIэныгъэхэмкIэ кандидат, АМАН-м и егъэджэныгъэ программэхэм яз зыгъэзэщIахэм ящыщ, УФ-м и Федеральнэ Зэхуэсым ФедерацэмкIэ и Советым Къэбэрдей-Балъкъэр Республикэм къыбгъэдэкIыу сенатору щыIэ Къанокъуэ Арсен и дэIэпыкъуэгъуу лажьэ ГъукIэпщ Iэсхьэд къызэригъэпэщащ и адэшхуэ, КъБР-ми КъШР-ми я цIыхубэ артист, уэрэджыIакIуэ, егъэджакIуэ Мэремыкъуэ Хъусен и щIэинхэм я фонд.
28 февраля, 2026 - 11:55
Мыбы ипэкIи дытепсэлъыхьат Кавказым и къухьэпIэ лъэныкъуэмкIэ щыдиIэ адыгэ лъагъуэжьхэм ящыщу Фыщт Iуащхьэжьым декIуэкIым щIалиплIыр дызэрырикIуам.
А бгым и лъабжьэм дыщIэкIщ, щхьэдэхыпIэ зыбжанэм дыщхьэдэхри, къущхьэщIыб аранэхэр зи гущапIэ псы дахэшхуэу Шахэ жыхуаIэм и щIэдзапIэм дынэсащ. Дыгъэм къызэщIигъэплъа ныджэ бгъуфIэшхуэм дыбгъурыту лъэс лъагъуэ защIэкIэ дыздеущэхым, пщыхьэщхьэхуегъэзэкIи хъуарэ тIэкIуи дезэшауэ, удз Iувым щIигъэнарэ чыцэ гуэрэнхэмкIи къэухъуреихьыжауэ псыIум щхьэщыIэтыкIа щIыгу зэпэхъурей тIэкIум дрихьэлIащ.
28 февраля, 2026 - 11:37
Къэбэрдей-Балъкъэрым и суд приставхэм екIуу зыкъыщагъэлъэгъуащ Урысей ФССП-м унэтIыныгъэ зыбжанэкIэ зэхэт и чемпионатым. Зэхьэзэхуэр екIуэкIащ олимп щытыкIэм тету, я хьэлъагъкIэ 8-уэ гуэшауэ икIи япэу къыхагъэщIахэр хагъэкIыжу.
28 февраля, 2026 - 10:00
Мазаем и 28, щэбэт
Куэдрэ узримыхьэлIэ узыфэхэм я дунейпсо махуэщ
ЦIыхур жеиным и дунейпсо махуэщ
1937 гъэм къалъхуащ адыгэ усакIуэ-уэрэдус цIэрыIуэ Къанкъул ФIыцIэ.
1942 гъэм къалъхуащ усакIуэ, КъБР-м щэнхабзэмкIэ щIыхь зиIэ и лэжьакIуэ Сонэ Абдулчэрим.
1955 гъэм къалъхуащ КъБР-м щIыхь зиIэ и дохутыр, медицинэ щIэныгъэхэмкIэ кандидат Щэрдан Нодар.
28 февраля, 2026 - 09:30
(Нарт хъыбар)
Нарт шу гуп епсыхауэ тхьэрыкъуэф Iэнэ бгъэдэсти, Лъэбыцэжьей и хъыбар къэхъеящ. Лъэбыцэжьей тIуащIэм дэст, и лIыгъэ-шыгъэкIэ цIэрыIуэ хъуауэ. И хъыбар къызэрыIукIэ, езыр лIы цIыкIут, шым шэсамэ, уанэкъуапэм къыкъуэщыркъым жыхуаIэм хуэдэт.
Лъэбыцэжьей и лIыгъэ-шыгъэм тепсэлъыхьурэ, нартхэр къызэрыгъэплъащ. Иужьым зы тэджри шэсащ:
– Зи гугъум фигъалIэр псэууэ къыфхуэсхьынщи, фи пащхьэ къизгъэувэнщ, – жери.
Шэсри гъуэгу техьащ. ТIуащIэм нэблэгъауэ, гъуэгущхьэм зы лIы лъахъшэ цIыкIу щрихьэлIащ шур.
|
