Календарь событий

Урысейпсо зэпеуэм зыхуагъэхьэзыр

Дагъыстэным иджыблагъэ щекIуэкIащ Кавказ Ищхъэрэм алыдж-урым бэнэкIэмкIэ пашэныгъэр къыщыхьыным хуэунэтIа зэхьэзэхуэ. Абы щызэпеуащ КИФЩI-м и спортсмену 300-м щIигъу, я ныбжькIэ илъэс 16-м щIимыгъуауэ.

Къэбэрдей-Балъкъэрым и бэнакIуэхэм медаль 15 зэхьэзэхуэм къыщахьащ. Зыхэта гупхэм щытекIуащ Хьэбылэ Идар, Чыл Имран, Хъущт Сэлим сымэ.

Дыкъынэ Русланрэ Щынахъуэ Данилрэ дыжьын медалхэр къахьащ.

Мы гъэм и мазаем Бахъсэн къалэм и спортсменхэр зэхьэзэхуэ зэмылIэужьыгъуэхэм хэтащ икIи абыхэм ехъулIэныгъэфIхэр щызыIэрагъэхьащ. Псалъэм къыдэкIуэу, Налшык къалэм и «ЛФЛ Арена» стадионым щекIуэкIащ КъБР-м и ЩIымахуэ кубокыр къэхьыным хуэунэтIа зэхьэзэхуэм и кIэух зэпеуэр, 8х8 жыпхъэм тету. Бахъсэн и «Автозапчасть» командэр абы щыIущIащ Прохладнэ щIыналъэм и Алътуд къуажэм и «Искра-Алътуд» клубым икIи зэIущIэм и бжыгъэр 4:0-у абы къыфIихьащ. ЩIымахуэ кубокыр зи Iэрылъхьэ бахъсэндэсхэм я тренерыр ПщыхьэщIэ Тимурщ.

Бзылъхугъэр усакIуэхэм, уэрэдусхэм ягъэлъапIэ, псалъэ къыхэщыпыкIахэмкIэ ягъафIэ. Анэм хуауса уэрэдхэр, усэхэр псэм щIыдыхьэр а псалъэм хуабагъэу къыпкърыкIыр къару нэрымылъагъукIэ зэрызыхэтщIэр арагъэнущ. УсакIуэ, уэрэдус, КъБР-м щэнхабзэмкIэ щIыхь зиIэ и лэжьакIуэ Вындыжь Марие иуса уэрэдхэм куэду яхэтщ и анэм теухуахэр. Бзылъхугъэхэм я махуэм щIыхькIэ нобэ абыхэм къахэбгъэщхьэхукI хъунущ «Мамэ» усэр. Абы макъамэ щIэзыгъэувари зыгъэзащIэри егъэджакIуэ, КъБР-м щэнхабзэмкIэ щIыхь зиIэ и лэжьакIуэ ЗэрамыщIэ Заретэщ. Уэрэдым и псалъэхэм адэкIэ фыкъыщеджэ.

Ди щIыналъэм хабзэ щыхъуауэ щIыпIэ-щIыпIэкIэрэ жыгыщIэхэр щагъэтIыс, щхъуантIагъэр нэхъыбэ щащI. Налшык къалэм ухуэныгъэшхуэхэр зэрыщекIуэкIым къыхэкIыу, къэкIыгъэр зыхэпщIэу мащIэ зэрыхъур, лажьэ зимыIэ жыг узыншэхэр ираупщIыкIыурэ IуэхущIапIэ зэмылIэужьыгъуэхэм я гупэхэр зэрагъэдахэр цIыхухэм щIэх-щIэхыурэ къызыпхагъэIукIыу зэхэпхынущ. Апхуэдэу щыт пэтми, къалэ унафэщIхэр хущIокъу щыхьэрым и хъыбарыфIыр щIыпIэ жыжьэхэм нэзыхьэса щхъуантIагъэр нэхъ мащIэ зэрымыхъуным. Аращ зытеухуар иджыблагъэ Налшык къалэм щIыпIэ унафэр щызехьэнымкIэ и IуэхущIапIэм къыхилъхьа жэрдэм щIагъуэри.

«Школа без опасности» ассоциацэм и СРО-м и президент Саминский Сергей Бэч Рузанэ къыхуигъэфэщащ фIыщIэ тхылърэ ахъшэ саугъэтрэ. Ар къыпэкIуащ и къалэнхэр нэсу, набдзэгубдзаплъэу зэрырихьэкIым.

Бзылъхугъэхэм я махуэм къытедгъэзэжу зи гугъу тщIыну АфIэунэ Рае и цIэр республикэ радиом епхащ, къыгуэхыпIэншэу. Зи IэщIагъэм гукIи псэкIи бгъэдэта Рае и макъыр куэдым я псэм пэгъунэгъу хъуат. Псом хуэдмыдэжу ар лъапIэт хамэ щIыпIэхэм щыпсэу ди лъэпкъэгъухэм я дежкIэ. И анэдэлъхубзэ дахэр псынэпс ешкIурэхым, адыгэ пшынэм, адыгэш зэдэжэм, жьэгум щыпIэнкI мафIэ дэпым я макъыу къафIэщIырт Хэкум и джэ макъыр зи гупсысэм хэт адыгэхэм. Ахэр Хэкум къыхуэхъуапсэрт, Рае радиом щигъэIу макъым я лъэпкъ гурыгъузхэр игъэудэIужырт. …

Дзэлыкъуэкъуажэ дэт, Хэкум и ХъумакIуэхэм я утыкум къыщызэIуахащ дзэ Iуэху хэхам зи къалэныр щызыгъэзащIэу хэкIуэда зауэлIхэм я фэеплъ.

 Дауэдапщэм хэтащ КъБР-м и Парламентым и депутатхэр, Дзэлыкъуэ щIыналъэм щыIэ къулыкъущIапIэхэм я унафэщIхэр, жылагъуэ зэгухьэныгъэхэм я лIыкIуэхэр, дзэ Iуэху хэхам хэтхэр, хэкIуэда лIыхъужьхэм я Iыхьлыхэмрэ благъэхэмрэ.

 Зэхыхьэм и пэщIэдзэм къызэхуэсахэм удз гъэгъахэр тралъхьащ Хэку зауэшхуэм хэкIуэдахэм я фэеплъым, абы къигъэлъагъуэрт блэкIамрэ нобэмрэ, ди адэшхуэ хахуэхэмрэ иджырей лIыхъужьхэмрэ быдэу зэрызэпыщIар.

Тэрч районым и щIыпIэ администрацэм и Iэтащхьэ Хъущт Аслъэнбэч 2025 гъэм щIыналъэм щахузэфIэкIар къызэщIикъуэжащ.

Псом япэу къызэрыщIидзар я цIыху бжыгъэмрэ балигъхэр лэжьапIэкIэ къызэгъэпэща зэрыхъумрэщ. Сыт хуэдэ атIэ а бжыгъэхэр?

Заумысыжащ                

КъБР-м щыIэ МВД-м Наркотикхэр зэрызэбграгъэхым кIэлъыплъынымкIэ и управленэм и лэжьакIуэхэм къэлъыхъуэныгъэхэр ирагъэкIуэкIыу Налшык щаубыдащ наркотикхэр изыгъэкIыу шэч зыхуащI гупыр.   

ЗэраубзыхуамкIэ, абыхэм  ящэну ягъэхьэзырахэр щахъумэну гаражхэр къалэм къыщагъэсэбэпырт. Яубыдахэр къыщащым наркотикхэм щыщ Iыхьэр къытрахащ. Экспертизэр щыхьэт зэрытехъуамкIэ, ар марихуанэщ икIи килограмм 1,6-м щIегъу.

Къэбэрдей-Балъкъэрым и къалэхэмрэ къуажэхэмрэ чэзууэ щагъэлъэгъуэнущ иджыблагъэ ЩIалэгъуалэм я унэм къыщызэIуаха «Донбасс – глазами очевидца: откроем правду вместе» выставкэр. Ар къызэрагъэпэщащ КъБР-м ЩIалэгъуалэм я IуэхухэмкIэ и министерствэмрэ КъБР-м и Прокуратрумрэ я дэIэпыкъуэгъуу.

Къэбэрдей-Балъкъэр Республикэм и Iэтащхьэм и деж Стратегие зыужьыныгъэмрэ лъэпкъ проектхэмкIэ щыIэ советым, Къэбэрдей-Балъкъэр Республикэм и Iэтащхьэм 2020 гъэм накъыгъэм и 12-м къыдигъэкIа Указ №54-УГ-мкIэ къищтам, зэхъуэкIыныгъэхэр хэлъхьэным теухуауэ

Гъатхэпэм и 5, махуэку

♦Гаджетхэр гъэункIыфIауэ щыгъэтыным и дунейпсо махуэщ

♦1911 гъэм къалъхуащ КъШР-м и къэрал лэжьакIуэ, СССР-м и Совет Нэхъыщхьэм и депутату щыта, Къэрэшей-Шэрджэс автоном округым и Адыгэ-Хьэблэ щIыналъэм и унафэщIу лэжьа Къардэн Iэдэм.

♦1950 гъэм къалъхуащ полковник, жылагъуэ лэжьакIуэ Гъыш Самир.