Календарь событий

ЗэрыгъэIуща фIэкIа умыщIэну, «уныддемыжьэныр Iэмал зимыIэщ» жызыIэу, си яужь къиува щIалэхэм дыздэкIуэну зызыхуэдгъэпсар Къэбэрдей-Балъкъэрым и гъунапкъэр къуэкIыпIэ-ипщэ лъэныкъуэмкIэ иджырей Осетие-Ищхъэрэ-Аланием щегъэщIылIа щIыпIэм и Iэхэлъахэрт.

Балигъ хъууэ, унагъуэ зыухуэу бын зыгъуэта дэтхэнэ цIыхуми гъащIэм щиIэфыну насыпыр, и хъуэпсапIэ псори и жьэгу пащхьэм ирепх. Ауэ егъэджакIуэ IэщIагъэр къыхэзыхахэм я апхуэдэ гуращэхэм къыгуэхыпIэ имыIэу щIагъу нэгъуэщI зы хъуэпсапIи - бын пэлъытэ яхуэхъу сабий цIыкIухэм я текIуэныгъэ, ехъулIэныгъэ ялъагъуныр абыхэм я дежкIэ фIыгъуэшхуэщ. Апхуэдэущ зэрылажьэр Нарткъалэ дэт курыт школ №2-м адыгэбзэмрэ литературэмрэ щезыгъэдж Вэрыкъуэ (Апэжыхь) Iэминат Азэрбий и пхъур.

Урысей Федерацэм бэнэкIэ хуитымкIэ хъыджэбзхэм я деж пашэныгъэр къыщыхьыным хуэунэтIа зэхьэзэхуэ Ивановэ къалэм щекIуэкIащ. Абы щызэпеуащ ди къэралым и щIыналъэхэм ящыщу 50-м я спортсменкэу 300-м щIигъу, я ныбжькIэ илъэс 16-м щIимыгъуауэ.

Кавказ Ищхъэрэм СтатистикэмкIэ и управленэм иджыблагъэ къызэритамкIэ, дызэрыт илъэсым и щIышылэм Къэбэрдей-Балъкъэрым и промышленнэ индексыр проценти 104,1-рэ хъуащ.

ЦIыхум шыр унагъуэ псэущхъэ щищIар ди лъэхъэнэм ипэкIэ  3-нэ илъэс минрауэ хуагъэфащэ. Ди лъэпкъыр зэрыгушхуэ нартхэр щыщыIа зэманым шымрэ цIыхумрэ пхузэкIэрымыхыжын зэхуэхъуагъэххэт. Нартхэр щыпсэуар илъэс мин 3,5-м щIигъужауэ къыщалъытэкIэ, нэгу къыщIэгъэхьэгъуейщ ди лъэпкъымрэ шымрэ къызэдакIуа гъуэгум и кIыхьагъыр, ахэм бэлыхьуи гуфIэгъуэуи зэдагуэшар… Мы тхыгъэр, адыгэмрэ шымрэ я зэпыщIэныгъэу щытам теухуар, Шэрджэс Алий «Адыгэхэмрэ ахэм я хабзэхэмрэ» тхылъым къыхэтхащ.

Нэхъ пасэм адыгэхэм щIэблэр зэрагъэгушхуэу щыта адыгэ джэгукIэхэм сабийхэм я лъэр жан, я акъылыр бзыгъэ ищIырт.  ДжэгукIэ IэмалымкIэ щIэблэр ягъасэрт. Хэбгъэзыхьмэ, абыхэм хабзэм щыщ Iыхьэ гуэрхэри къыщыхах щыIэт. ЩIалэ цIыкIухэмрэ хъыджэбз цIыкIухэмрэ джэгукIэхэм ягъасэ-яущийрт. Нэхъыбэм ахэр пщIантIэрт щыджэгур. Гуп зэрыгъэхъухэрти, я гуи я пси хыхьэу зэдэджэгухэрт, зэпеуэхэрт. Нэхъ цIыкIу дыдэхэр зэрагъэджэгу джэгукIэхэр, нэхъ инхэм папщIэ къагупсысахэр щхьэхуэхэт. Сабий джэгухэм балигъи яхэтт, цIыкIухэм ящIэн хуейхэр къагуригъаIуэу, ахэр игъэгушхуэу.

Лышх узыфэр зыпкърытхэм щеIэзэу Ростов къалэм щыIэ щIэныгъэ-къэхутакIуэ институтым щрагъэкIуэкIа къэпщытэныгъэхэм къагъэлъэгъуащ хьэбзэгупэм (поджелудочная железа) еуалIэ а узыфэ шынагъуэм и лIэужьыгъуэ 26-рэ къызэрыунэхуар.

Мы къэхутэныгъэр Урысейм япэ дыдэу щрагъэкIуэкIыу аращ. Гу лъытапхъэщ, лышхым хьэбзэгупэр зэриубыдым нейроэндокриннэ щхьэусыгъуэ зэрыхэлъым къыхэкIыу, зэрахуэмыгъэхъужыр. НэгъуэщIу жыпIэмэ, а пкъыгъуэм еуэлIа лышхым гормон «цIэла» къеутIыпщри, Iэпкълъэпкъым псынщIэу зыщеубгъу, абы къыхэкIыуи, узыр и чэзум къэпхутэну гугъущ. 

Гъатхэпэм и 25, бэрэжьей

♦ЦIыхур гъэпщылIынымрэ щхьэхуимытхэмкIэ сату щIынымрэ я лей зытехьахэм я дунейпсо махуэщ

♦ООН-м и лэжьакIуэхэу гъэру яIыгъхэм, хъыбарыншэу кIуэдахэм къащхьэщыжыным и дунейпсо махуэщ

♦Спорт кином и дунейпсо махуэщ

♦Урысей Федерацэм щагъэлъапIэ Щэнхабзэм и лэжьакIуэхэм я махуэр

Дунейм и щытыкIэнур