Календарь событий

Лэскэн щIыналъэм хыхьэ Уэзрэдж къуажэм ЩэнхабзэмкIэ и унэм щагъэлъэпIащ дунейр дахагъэкIэ зыгъэнщI­хэм, къэралым и хабзэхэр, щэнхабзэ хъугъуэфIыгъуэ­хэр зыхъумэхэм я махуэр. Ар къызэригъэпэщащ КъБР-м ЩэнхабзэмкIэ и министерствэм. 

Къэралым и къалэ зэмылIэужьыгъуэхэм нобэ щыщIидзэнущ Урысей Федерацэм футболымкIэ и етIуанэ лигэм и «Б» дивизионым и Япэ гупым мы гъэм щекIуэкIыну зэ­хьэ­зэхуэм. Къэбэрдей-Балъкъэрым и щIыхьыр къэралпсо утыкум щызыхъумэну «Спартак-Налшыкым» абы хъарзынэу зы­хуигъэхьэзыра хуэдэщ. 

Шэрэдж щIыналъэм балъкъэр мэкъумэ­шы­щIэхэм 1913 гъэм зэрызыкъыщаIэтам и фэеп­лъыр зэIузэпэщ щащIынущ районым. Ар ягъэувауэ щытащ 1983 гъэм икIи, тхыдэ мыхьэнэ зэ­риIэм къыхэкIыу, ди республикэм къакIуэ туристхэм абы и хъыбарым яфIэгъэщIэгъуэну зыщагъэгъуазэ.

Къэбэрдей-Балъкъэр Республикэм щыIэ Оперативнэ штабым 2026 гъэм гъатхэпэм и 24 - 25-хэм иригъэкIуэкIащ террорым пэ­щIэтынымкIэ зыгъэсэныгъэхэр.
 
Терактыр къызэпыудыным ехьэлIауэ зэфIэхыпхъэхэм елэ-      жьащ, къапщытащ абы хэта IэнатIэхэм щытыкIэ зэхуэмыдэхэм зэрабгъэдыхьэ Iэмалхэм сэбэпынагъыу къахьым. 
 Зыгъэсэныгъэм хэтащ КъБР-м щыIэ УФСБ-м, МВД-м, СК-м и ­СУ-м, МЧС-м, Урысей гвардием, къэрал властымрэ щIыпIэ са­моуправленэм  и органхэмрэ я лIыкIуэхэр.  

Илъэс 30-м щIигъуауэ (1995 гъэ лъандэрэ) гъатхэпэм и       28-р ди республикэм щыдогъэлъапIэ Балъкъэр лъэпкъым и къэщIэрэщIэжыныгъэм и махуэу. Захуагъэр тепщэ щы­хъужа а махуэшхуэр гъэувыным лъабжьэ хуэхъуащ 1957 гъэм СССР-м и Совет Нэхъыщхьэм и Президиумым къыдигъэкIауэ щыта Унафэр. Абы ипкъ иткIэ ­къащтащ «Къэбэрдей АССР-р Къэбэрдей-Балъкъэр АССР-у зэхъуэкIыным и IуэхукIэ» республикэ хабзэр. Апхуэдэу зэфIагъэувэжауэ щытащ балъкъэр лъэпкъым и къэралыгъуэр. 

Къэбэрдей-Балъкъэрым щыщ режиссёр, сценарист, продюсер, актёр Толгуров Саид трилогие трех ди щIыналъэм, абы щыпсэухэм ятеухуауэ. Япэр - «В горах. Она» зыфIищар - балъкъэрыбзэкIэщ зэрытрихар икIи ягу ири­хьауэ жыпIэ хъунущ, абы еплъахэм къа­зэрыщыхъуам тепщIыхьмэ. ЕтIуанэр - «В горах. Он» - адыгэбзэкIэ триха фильмыр - Ханты-Мансийск щекIуэкIа «Дух огня» XXIV дунейпсо кинофестивалым щагъэлъэгъуащ.