Календарь событий

Урысей Федерацэм и Кавказ Ищхъэрэ, Ипщэ щIыналъэхэм я топджэгу командэ нэхъ лъэщхэр зыхэт зэхьэзэхуэ ещанэ дивизионым щокIуэкI. Мэлыжьыхьым (апрелым) и 4-м щIэзыдза а зэ­пеуэм бжьыпэр щаIыгъщ Псынэдахэ и «Родник»-мрэ Алътуд и «Искра»-мрэ.

Илъэс 20-м нэсауэ ди къэ­ралым щагъэлъапIэ Унагъуэм, лъагъу­ныгъэм, зэхуэпэжыныгъэм я махуэр. Урысей Федерацэм и Президентым 2008 гъэм къы­дигъэкIа Унафэм ипкъ иткIэ ягъэува а махуэшхуэр иджы-ри зэ щыхьэт тохъуэ къэрал уна­фэщIхэм унагъуэм, абы къи­хъуэ щIэблэм, Хэкум къитэджыкI щIалэгъуалэм иужь­рей лъэхъэнэм гулъытэ хэха зэ­рыхуащIым, анэмрэ сабиймрэ ехьэлIа Iуэхугъуэ псори мы­хьэнэш-хуэ зиIэ унэтIыныгъэу къызэралъытэм.

Урысей ФСИН-м и управленэу Къэбэрдей-Балъкъэрым щыIэм хыхьэ колоние №5-м и лэжьакIуэхэр ехъуэхъуащ  Хэку зауэшхуэм и ветеран Дегтяренкэ Василий и ныбжьыр илъэси 100 зэрырикъумкIэ.  

КъБР-м и Iэтащхьэ КIуэ-   кIуэ Казбек видеозэпыщIэ-ныгъэ IэмалкIэ хэтащ УФ-м и Правительствэм и вице-премьер Хуснуллин Марат иригъэкIуэкIа, щIыналъэхэм зегъэужьынымкIэ комиссэм и зэIущIэм. 

КъБР-м и Парламентым и УнафэщIым и къуэдзэ Жанатаев Сэлим 2026 гъэм и гъатхэ лэжьэгъуэм и иужьрей зэIущIэр иригъэкIуэкIащ. Абы республикэм и мылъкум, псэупIэ-коммунальнэ IуэхущIапIэм, щэнхабзэм, ухуэныгъэм, лэ­жьы­гъэ IэнатIэхэм епха хабзэхэм щы­хэплъащ, зэхъуэкIыныгъэхэри халъ­хьащ. 

Ди республикэм и Iэтащхьэ КIуэкIуэ Казбек иджыблагъэ иригъэкIуэкIа зэIущIэм щытеп­сэ­лъы­хьащ коммунальнэ кIэрыхубжьэрыху быдэхэм (ТБО) елэжь щIыналъэ IэнатIэм зэфIигъэкI Iуэху­хэм. Зэхуэсым хэтащ КъБР-м ухуэныгъэмрэ псэу­­-пIэ-коммунальнэ хозяйствэмкIэ и министрым и ­къалэнхэр зыгъэзащIэ Журавлёв Андрей, Налшык къалэ администрацэм и Iэтащхьэм и къалэнхэр ­пIалъэкIэ зыгъэзащIэ Ащхъуэт Азэмэтджэрий, ­КъБР-м зегъэужьынымкIэ зэгухьэныгъэм и гене­ральнэ унафэщI Чочаев Ахъмэт, «Экотехпром» ­щIыналъэ IуэхущIапIэм и пашэ Абыкъу Лъостэм-    бэч сымэ. 

КъБР-м и Iэтащхьэ КIуэкIуэ Казбек лэжьыгъэ IуэхукIэ яхуэзащ Налшык къалэ администрацэм и  унафэщIым и къалэнхэр пIалъэкIэ зыгъэзащIэ Ащхъуэт Азэмэтджэрийрэ республикэм и къалащхьэм и архитектор нэхъыщхьэ Быдэ Аслъэнрэ.