Календарь событий

УФ-м и Журналистхэм я зэгухьэныгъэм и секретарь ­Шафир Тимур Налшык дэт Печатым и унэм щрикIуэ­кIащ видеоконференц. Абы хэтащ телевиденэм, газетхэм, журналхэм я редакторхэр, журналистхэр. 

Зи гъащIэр лъэпкъ щIэныгъэм щхьэузыхь хуэзыщIахэм я цIэр къыдэхыжыныр цIы­хугъэм къигъэув Iуэхуу зэ­ры­щытым и гугъу умыщIми, къытщIэхъуэ щIэблэм я зэхэ­щIыкIым зэрызрагъэужьынум, я дуней лъагъукIэм зэрызрагъэубгъунум и хьэтыркIэ ахэр къэIэтыжыпхъэщ, гъуэгущIэ тегъэувэжыпхъэщ. Апхуэ­дэщ зи цIэр куэдым ямыщIэ, ауэ адыгэ щIэныгъэм гуащIа­фIэу хуэлэжьа IуэрыIуатэдж, тхакIуэ, зэдзэкIакIуэ, егъэджа­кIуэ Меркицкэ Iэмин и къуэ ­Рашид.

«Дыщэ зиIэ нэхърэ - нэхъыжь зиIэ» жеIэ адыгэ ­пса­лъэжьым. Нэхъы­жьы­фIым, зи гугъу тщIыр адэш­хуэ-анэшхуэхэрщ, я жьауэ къыщIэтэджыкI сабийхэм гъа­щIэр фIыгъуэшхуэкIэ ­къахуэупсащ. Адэшхуэ-анэш­хуэхэр быным и бы­ныжым зэрыхуэупсэ гуапагъэр, IэфIагъэр, я гъащIэр зэрагъэнщI лъагъуныгъэм куэдкIэ елъытащ абыхэм я дуней лъагъукIэр зэры­щы­тынур. Дадэ-нанэм я гумащIагъэр, абыхэм ятеухуа ­гукъэкIыжхэр дэтхэнэми и гъащIэм и кIыхьагъкIэ ­пхрех. Абы и щыхьэтщ КIуэ­кIуэ Алинэ и анэшхуэ ­КхъуэIуфэ (Къунаш) ФатIимэт теухуауэ къытхуитха тхы­гъэр.

Ди планетэм цIыхуу тетым я бжыгъэр псынщIэ дыдэу зэрыхэхъуэм къишэнкIэ хъуну гуныкъуэгъуэм ООН-м хэтхэм нэхъ зэIухауэ икIи щхьэтечу тепсэлъыхьын щы­щIадзар XX лIэщIыгъуэм и 60 гъэхэрщ.