|
|
Календарь событий
23 июля 2026
23 июля, 2026 - 17:04
 Коллекционер Шэпар Алан ещхьу къызыхэкIам ехьэлIа Iуэхухэм ягъэгузавэу хузэфIэкI абы хуэзыщIэхэращ апхуэдэу зыхужаIэр. Ар Бахъсэн къалэм щыщщ, и IэщIагъэкIэ юристщ, хьэрычэтыщIэщ, коллекционерщ. Зэхуихьэсыр пшынэщ, апхуэдэ гъэтIылъыгъэу иIэм я бжыгъэр 80-м щхьэдох. Езым къызэрилъытэмкIэ, ар зэхуэхьэсакIуэкъым, атIэ а Iэмэпсымэ телъыджэхэм, уасэншэхэм я хъумакIуэщ. ЦIыхум и гурыфIыгъуэмрэ гуфIэгъуэмрэ, и гупсысэхэмрэ зыгъэнэщхъейхэмрэ я щыхьэту къыщохъу ахэр.
23 июля, 2026 - 16:40
Урысейм и лъэпкъхэм я зэкъуэтыныгъэм и илъэсым хуэгъэпсауэ щытащ иджыблагъэ Тэрч районым щрагъэкIуэкIа «КъБР-м и Этнокод» Iуэхур. Псом хуэмыдэу ар зыхуэунэтIар жылагъуэ зэкъуэтыныгъэр гъэбыдэнымрэ щIыналъэм ис лъэпкъхэм я щэнхабзэ щIэиным щIалэгъуалэр щыгъэгъуэзэнымрэщ.
А зэхыхьэм хэтащ къулыкъущIэхэри, щэнхабзэмрэ егъэджэныгъэмрэ я лIыкIуэхэри, жылагъуэ лэжьакIуэхэри.
23 июля, 2026 - 15:39
Хеопс и пирамидэр, тхыдэ щIэныгъэм къызэригъэлъагъуэмкIэ, дунейм къызэрытехьэрэ илъэс мини 4,5-рэ дэкIащ. Ар Пасэрей Мысырым и ухуэныгъэ нэхъ ин дыдэхэм ящыщщ. Абы метри 139-рэ и лъагагъщ.
23 июля, 2026 - 14:38
Анэдэлъхубзэм, адэжь лъахэм, адыгагъэм, лъэпкъ шыфэлIыфэм теухуа гупсысэхэм я чэзущ сытым щыгъуи, зэпымыууэ дызытепсэлъыхьыпхъэщ. АтIэ усэбзэ лъахэ гъунэншэм узышэ гупсысэхэмкIэ адыгэ дунейр гъэпсарэ, а дунейм тепсэлъыхьыжри, щIэныгъэм и пIалъэр зыщIэ цIыху щэджащэмэ нэхъ лъэщыжщ. Фыщыдгъэгъуэзэну дыхуейщ тхакIуэ, зэдзэкIакIуэ, публицист, «Адыгэ псалъэ» газетым илъэс куэдкIэ щылэжьа КЪЭРМОКЪУЭ Хьэмид усакIуэ цIэрыIуэ КIуащ БетIал триухуа тхыгъэ купщIафIэмкIэ.
ГЪУЭТ Синэ.
23 июля, 2026 - 12:00
Адыгэ, Къэбэрдей-Балъкъэр, Къэрэшей-Шэрджэс республикэхэм щIыхь зиIэ я артист Быштокъуэ (Быштэ) Азэмэт цIыхубэм фIыуэ ялъэгъуа, Урысейм, адыгэ щыпсэу дэнэ щIыпIи къыщацIыхуа уэрэджыIакIуэхэм ящыщщ.
23 июля, 2026 - 11:18
Москва къалэ Узыншагъэр хъумэнымкIэ и департаментым и штатым хэмыт сабий нейрохирург нэхъыщхьэ, ПIалъэ къызыхэкI мыхъуну сабий хирургиемрэ травматологиемкIэ щIэныгъэ-къэхутакIуэ институтым нейрохирургиемкIэ и къудамэм и унафэщI, Сабий нейрохирургхэм я Евразие зэгухьэныгъэм и президент, «Нейрохирургия и неврология детского возраста» журналым и редколлегием хэт, медицинэ щIэныгъэхэмкIэ доктор Семэн Жаннэ лэжьыгъэ IуэхукIэ ирихьэлIа дэтхэнэ зыми къыбжиIэфынущ ар зи IэщIагъэм фIыуэ хэзыщIыкI дохутыр Iэзэу зэрыщытыр.
23 июля, 2026 - 11:18
Ижь-ижьыж лъандэрэ къыддекIуэкI пасэрей IэщIагъэ дахэм и хъумакIуэщ икIи абы зезыгъэужьщ Бахъсэн къалэм щыщ тхыдэдж, дыщэкI Бырхьэм Мухьэмэд. IэпщIэлъапщIэм лъэпкъ тхыпхъэхэмкIэ игъэдахэ, зи теплъэкIи плъыфэкIи удэзыхьэх адыгэ цIыхубз фащэм и пыIэхэр ед, пхъэ вакъэхэри ещI.
23 июля, 2026 - 10:01
Бадзэуэгъуэм и 23, махуэку
Джейхэмрэ хыкхъуэхэмрэ я дунейпсо махуэщ
Урысейм и сату IэнатIэм и лэжьакIуэм и махуэщ
Абхъаз Республикэм и Къэрал ныпым и махуэщ
1923 гъэм къалъхуащ совет дзэ къулыкъущIэ, генерал-майор, тхакIуэ, жылагъуэ лэжьакIуэ Нэхущ Мырзэбэч (Борис).
1944 гъэм къалъхуащ «Кабардинка» къэрал ансамблым и къэфакIуэу щыта, КъБР-м щIыхь зиIэ артист ДзыхьмыщI Къэрэлбий.
Дунейм и щытыкIэнур
23 июля, 2026 - 09:58
«Къеджэ», - а унафэрщ КъурIэн лъапIэм и япэ псалъэу цIыхум зэхихар. Ислъамым хуэдэу, щIэныгъэм утезыгъэгушхуэ, ар хэбгъэхъуэныр тынш пщызыщI дин гъуэтыгъуейщ. ДяпэкIэ ди псэкупсэм зедгъэузэщIынымкIэ къэралри къыддэIэпыкъунущ.
ФокIадэм зыщIидзэну гъэ еджэгъуэщIэм щегъэжьауэ, школакIуэхэм я программэм хьэрыпыбзэр хагъэхьэнущ. А хъыбарыр хэIущIыIу ищIащ УФ-м егъэджэныгъэмкIэ и министр Кравцов Сергей, а IэнатIэ дыдэр Хьэрып Эмират Зэгуэтхэм щызыхь Iэл Iэмири Сарэ бин Йусуфрэ ОАЭ-м и полномочнэ лIыкIуэу Урысейм щыIэ Iэл Джабир Мухьэмэдрэ щахуэза зэIущIэм.
23 июля, 2026 - 09:00
ЩIэныгъэлI МафIэдз Сэрэбий и «Адыгэ хабзэ» тхылъыр щIэгъэкъуэнышхуэ тхуэхъунущ ди бзэмрэ, хабзэмрэ, щэнхабзэмрэ тхъумэным, иджырей щIэблэм ахэр едгъэщIэным теухуауэ.
|
