|
|
Календарь событий
20 августа 2026
20 августа, 2026 - 16:36
КъызэрызэIуахрэ илъэси 100 зэрырикъур мы махуэхэм Iэтауэ зыхуагъэлъапIэ Къэбэрдей-Балъкъэрым Гуманитар къэхутэныгъэхэмкIэ и институтым илъэси 10-кIэ, 1997 - 2007 гъэхэм, и унафэщIу щытащ УФ-м, КъБР-м щIэныгъэмкIэ щIыхь зиIэ я лэжьакIуэ, тхыдэ щIэныгъэхэмкIэ доктор Думэн Хьэсэн Мухътар и къуэр (1942-2011).
20 августа, 2026 - 13:35
Лэскэн щIыналъэм и Анзорей къуажэм и курыт еджапIэ №1-р гъэ еджэгъуэщIэм ирихьэлIэу къызэIуахыжынущ, къызыхуэтыншэу ар зэрагъэпэщыжа нэужь. НобэкIэ етIуанэ, ещанэ къатхэм лэжьыгъэхэр щызэфIагъэкIащ: инженер коммуникацэхэр щызэрахъуэкIащ, пэш кIуэцIхэр къращIыкIащ, сантехникэщIэхэр щыщIагъэуващ, унэ IуплъапIэри зыхуей хуагъэзащ.
Иджыпсту IэщIагъэлIхэр щIыунэм хэт къатым и пэшхэр къращIыкI, унащхьэр яхъуэж, классхэр гъэ еджэгъуэщIэм хуагъэхьэзыр: унэлъащIэхэр, техникэхэмрэ оборудованэхэмрэ щIагъэувэ.
20 августа, 2026 - 12:33
Къэбэрдей-Балъкъэр Республикэм къызэрымыкIуэ щытыкIэ шынагъуэхэр къэмыгъэхъунымрэ абыхэм я лъэужьхэр гъэзэкIуэжынымкIэ, мафIэс шынагъуэншагъэр къызэгъэпэщынымкIэ и комиссэм теухуа Положенэм, Къэбэрдей-Балъкъэр Республикэм и Iэтащхьэм 20I8 гъэм дыгъэгъазэм и 14-м къыдигъэкIа Указ №I96-УГ-мкIэ къащтамрэ Къэбэрдей-Балъкъэр Республикэм къызэрымыкIуэ щытыкIэ шынагъуэхэр къэмыгъэхъунымрэ абыхэм я лъэужьхэр гъэзэкIуэжынымкIэ, мафIэс шынагъуэншагъэр къызэгъэпэщынымкIэ и комиссэу Къэбэрдей-Балъкъэр Республикэм и Iэтащхьэм 2022 гъэм дыгъэгъазэм и 29-м къыдигъэкIа Указ №147-УГ-мкIэ ягъэу
20 августа, 2026 - 12:26
ШыщхьэуIум и 20, махуэку
1919 гъэм къалъхуащ шэрджэс тхакIуэ Хьэкъун Исуф.
1921 гъэм къалъхуащ УФ-м щIыхь зиIэ и артисткэ Ерчэн Казимэ.
1972 гъэм къалъхуащ хэхэс адыгэхэм я литературэр зыдж, ЩIДАА-м член-корреспондент, филологие щIэныгъэхэмкIэ кандидат Чурей Дыжьын.
Дунейм и щытыкIэнур
20 августа, 2026 - 11:18
Хабзэ хъуауэ, «Адыгэ псалъэ» газетым журналист IэщIагъэм и щэхухэм зыщыхагъэгъуазэ КъБКъУ-м и Социально-гуманитар институтым адыгэбзэмрэ литературэмкIэ и къудамэм и студентхэм. Илъэс къэси хуэдэу, иужьрей курсыр къэзыух ныбжьыщIэхэм я практикэм хухаха пIалъэр мы гъэми редакцэм щагъэкIуащ. Абыхэм ящыщ зыщ «Кхъухьлъатэ» Iуэтэжыр зи IэдакъэщIэкI Щэмей Елизаветэ.
20 августа, 2026 - 10:01
Китайр иджыпсту туристхэр нэхъыбэу здэкIуэ къэралхэм ящыщщ. Абы зыплъыхьакIуэхэм яхуигъэлъэгъуэфынущ щIыналъэм и тхыдэм, и блэкIам, щэнхабзэм, лъэпкъ хабзэхэм ятеухуа гъэщIэгъуэн, гукъинэж куэд.
Туристхэм яфIэфIщ Китай блын Иным дэкIыну, пасэрей члисэхэмрэ кхъэлэгъунэхэмрэ еплъыну, къуэкIыпIэ уардэунэжьхэм я архитектурэр зрагъэлъагъуну. Тибетым удэзыхьэхыу иIэщ буддист щIыпIэ лъапIэхэмрэ Гималаихэмрэ. Хайнань хытIыгум кIуэхэм я бжыгъэри нэхъыбэ хъуащ, абы хы Iуфэм зыхуей ущыхуэзэу зыщыбгъэпсэхуфынущ.
Къэралым теухуауэ нэхъыщхьэр
20 августа, 2026 - 09:58
Лъэпкъ журналистикэм и зыужьыныгъэм гуащIэшхуэ хэзылъхьа цIыху телъыджэт Даур Жэхьфар. Абы и тхыгъэ купщIафIэхэм къадэкIуэу, Iуэхугъуэ зэхуэмыдэхэм теухуа тхылъ 27-рэ къыдигъэкIащ, творческэ Iуэху и лъэныкъуэкIэ дэзыхьэхыу щытар куэд хъурти, лэжьыгъэшхуи къызэринэкIащ. А псом къадэкIуэу цIыху зэпIэзэрытт Жэхьфар, ныбжьэгъугъэм, цIыхугъэм, пэжагъым пщIэ хуищIу. Езыр цIыху щабэт, и гулъытэр хэти лъигъэсыфырт, и чэнджэщхэмкIэ ядэгуашэрт, зыхуэныкъуэм дэIэпыкъурт.
Арагъэнщ абы и цIэр фIыкIэ, дахэкIэ къыщIраIуэр, и ныбжьэгъухэм гуапэу ягу къыщIагъэкIыжыр.
|
