|
|
Махуэгъэпс
19 февраля, 2026 - 06:00
Мазаем и 19, махуэку
Джейхэр хъумэным и дунейпсо махуэщ
1954 гъэм СССР-м и Совет Нэхъыщхьэм и Президиумым и унафэкIэ Кърым областыр РСФСР-м хагъэкIри, Украинэм иратащ.
1949 гъэм къалъхуащ адыгэ макъамэдж Къардэн Юлие.
Дунейм и щытыкIэнур
«pogoda.yandex.ru» сайтым зэритымкIэ, республикэм уэшх къыщешхынущ. Хуабэр махуэм градуси 8 - 10, жэщым градуси 2 - 3 щыхъунущ.
Лъэпкъ Iущыгъэ:
18 февраля, 2026 - 12:00
Мазаем и 19-м ди къэралым щагъэлъапIэ къуалэбзухэм я щыIэкIэ-псэукIэр джыным зи гъащIэри зи лэжьыгъэри тезыухуа цIыхухэм, орнитологхэм.
18 февраля, 2026 - 08:58
Мазаем и 18, бэрэжьей
♦Урысей Федерацэм и Транспорт полицэм и махуэщ
♦УФ-м IэщэкIэ ЗэщIэузэда и Къарухэм дзэхэр зыхуей хьэпшыпхэмрэ ерыскъыпхъэхэмкIэ къызэзыгъэпэщ и IэнатIэм и махуэщ
♦1924 гъэм Налшык Лениным и цIэр зезыхьэ еджапIэ къалэ цIыкIу къыщызэIуахащ.
♦1943 гъэм Адыгэ Республикэр нэмыцэ-фашист зэрыпхъуакIуэхэм къыIэщIагъэкIыжащ.
17 февраля, 2026 - 08:48
Мазаем и 17, гъубж
ХъыбарыщIэхэр зегъэкIуэным и дунейпсо махуэщ
ГумащIагъэр къэгъэлъэгъуэным и дунейпсо махуэщ
1923 гъэм къалъхуащ экономикэ щIэныгъэхэмкIэ доктор, КъБКъМУ-м и профессор, КъБР-м и Къэрал саугъэтым и лауреат, КъБР-м щIэныгъэхэмкIэ щIыхь зиIэ и лэжьакIуэ, ЩIДАА-м и академик Къумахуэ Башир.
1958 гъэм къалъхуащ журналист, КъБР-м и Правительствэм и саугъэтыр зыхуагъэфэща, Къэбэрдей-Балъкъэрым щIыхь зиIэ и журналист Хьэгъундокъуэ Сэлисэт.
16 февраля, 2026 - 09:22
Мазаем и 16, блыщхьэ
♦УФ-м и Дзэ-Тенджыз флотым и тIасхъэщIэххэм я махуэщ
♦1956 гъэм къалъхуащ тхыдэ щIэныгъэхэмкIэ кандидат, ЩIДАА-м и член-корреспондент, жылагъуэ лэжьакIуэ Болэ Ильзитэ.
Дунейм и щытыкIэнур
«pogoda.yandex.ru» сайтым зэритымкIэ, республикэм уфауэ щыщытынущ. Хуабэр махуэм градус 17 - 18, жэщым градуси 4 - 6 щыхъунущ. ЩIым и малъхъэдис щытыкIэм балли 4-кIэ зихъуэжынущ.
13 февраля, 2026 - 11:33
Мазаем и 13, мэрем
Радиом и дунейпсо махуэщ
1908 гъэм къалъхуащ Къэбэрдей АССР-м и Министрхэм я Советым и УнафэщIу 1951 - 1957 гъэхэм щыта Лъостэн Чэлимэт.
1945 гъэм къалъхуащ сурэтыщI, КъБР-м щэнхабзэмкIэ щIыхь зиIэ и лэжьакIуэ Гъыдэ Валерэ.
12 февраля, 2026 - 04:13
Мазаем и 12, махуэку
ЩIэныгъэмрэ гуманизмэмрэ я дунейпсо махуэщ
1929 гъэм Налшык щIыпIэ мыхьэнэ зиIэ курорт хъуащ.
1957 гъэм Кавказ Ищхъэрэм щыяпэу Налшык телевиденэм лэжьэн щыщIидзащ.
1884 гъэм къалъхуащ Тыркум щыпсэуа адыгэ тхакIуэ, дунейпсо литературэм и классикыу къалъытэ Хьэткъуэ Умар (Омер Сейфеддин).
1944 гъэм къалъхуащ усакIуэ, КъБР-м и Къэрал саугъэтым и лауреат Къэшэж Иннэ.
11 февраля, 2026 - 07:56
Мазаем и 11, бэрэжьей
♦Сымаджэм и дунейпсо махуэщ
♦ЩIэныгъэм хэт бзылъхугъэхэм я дунейпсо махуэщ
♦1946 гъэм къалъхуащ жылагъуэ лэжьакIуэ, философие щIэныгъэхэмкIэ доктор, КъБКъУ-м и профессор, ЩIДАА-м и академик, КъБР-м щIэныгъэмкIэ щIыхь зиIэ и лэжьакIуэ Унэж Кашиф.
10 февраля, 2026 - 10:00
Мазаем и 10, гъубж
УФ-м щагъэлъапIэ дипломатие IэнатIэм и лэжьакIуэм и махуэр
1883 гъэм къалъхуащ Кавказ Ищхъэрэ совет республикэм и гъэзэщIакIуэ комитет нэхъыщхьэм и унафэщIу щыта Куэцэ Пщымахуэ.
1890 гъэм къалъхуащ узэщIакIуэ, «Адыгэ псалъэ» газетым и редактору щыта, «Адыгэбзэ» тхылъыр зэхэзылъхьа Хъуран Батий.
1917 гъэм къалъхуащ УФ-м и цIыхубэ артист Сонэ Мухьэрбий.
9 февраля, 2026 - 08:35
Мазаем и 9, блыщхьэ
Дзэ дохутырым и дунейпсо махуэщ
Урысейм и Граждан авиацэм и махуэщ
1951 гъэм къалъхуащ биологие щIэныгъэхэмкIэ доктор, КъБКъУ-м и профессор Иуан Анатолэ.
1953 гъэм къалъхуащ Европэм дзюдомкIэ и чемпион хъуа, XXII Олимп джэгухэм домбеякъ медаль къыщызыхьа, УФ-м щIыхь зиIэ и гъэсакIуэ Емыжь Iэрамбий.
Дунейм и щытыкIэнур
Страницы
|
