|
|
Литературэ
15 июня, 2022 - 11:45
(Абхъаз таурыхъ)
«Унэ къэс и дзыгъуэ иIэжщ»,-жаIэ, икIи пэжу къыщIэкIынущ. Апхуэдэу, зэгуэрым унагъуэ дзыгъуэрэ губгъуэ дзыгъуэмрэ зэрихьэлIат. ЗэрыцIыхуа иужь, унагъуэ дзыгъуэр еупщIащ и «лъэпкъэгъур» зэрышхэмрэ щышхэмкIэ.
- Сэ сшхын къызолыж, - жиIащ губгъуэ дзыгъуэм. – Мэзым ерыскъыр щыкуэдщ, пхузэхуэхьэс къудеймэ. Жыг гъуанэм сыщопсэу, жыг щIагым гъуэ щысщIауэ, щIымахуэм сшхынухэр абы щызохъумэ.
14 июня, 2022 - 15:26
ГукъэкIыж
Мазэ зытхухкIэ фашистыдзэм яIыгъа Зеикъуэ колхоз цIэрыIуэр гъатхэ техьат зэрывэн шыи выи имыIэжу. Ауэ псоми къагурыIуэрт гъатхэм щIым хыумылъхьар бжьыхьэм къызэрумыхьэлIэжынур. Арати, унагъуэ жэмхэр пхъэIэщэм щIащIэн хуей хъуащ.
9 июня, 2022 - 11:03
ТхакIуэм и макъыр зэхамыхыж хъуми,
тхэн щызгъэтынукъым.
(Памукъ Орхьан)
9 июня, 2022 - 09:01
Нобель саугъэтыр зыхуагъэфэща Памукъ Орхьан мы махуэхэм и ныбжьыр илъэс 70 ирокъу.
8 июня, 2022 - 14:00
Зы гъатхэ гуэру, вэгъуэ зэманыр къыщысым, Тхьэгъэлэдж Лъэпщ деж кIуащ, фIэбз иригъэщIыну.
Лъэпщ апхуэдизу гъукIэ Iэзэти, «гъущIым и тхьэ» хужаIэрт». Апхуэдэу къызэрыхужаIэри и напщIэ телът.
ЗэныбжьэгъуитIыр уэршэру здэщысым, Лъэпщ и щхьэ щытхъужу жиIащ:
Пшахъуэ тезмыкIутэу гъущI згъэжьэнщи, фIэбз пхуэсщIынщ.
- ПщIынкъым, - и фIэщ хъуакъым Тхьэгъэлэдж.
- СщIынщ, - жиIащ Лъэпщ.
- АтIэ, уэ пшахъуэ тумыкIутэу гъущI бгъажьэу щытмэ, сэ жылэ тезмысэу мэш хьэсэ бэв къэзгъэкIынщ, - жиIащ Тхьэгъэлэдж.
8 июня, 2022 - 13:31
Ди хьэблэ дэсащ щIалэ цIыкIуитI: Къумыкъу Болэрэ Шагъыр Мышэрэ. Ахэр зэныбжьэгъуфIт, зы махуэ зэхуэмызамэ, зэхуэзэшу. Болэ Iэпсыгъуэлъэпсыгъуэт, нэбжьыц кIырт, Iупэ Iувт. Мышэ нэхъ зэIэщIэлът, и Iэ-и-лъэхэр инт, езыр къарууфIэт. НыбжькIи зэрагъэхь щыIэтэкъым, тIури зыгъэшкIэт, мазэ бжыгъэкIэ Мышэ нэхъыжьу. Илъэс пщыкIутI-пщыкIущым итхэу арати, я джэгугъуэт, бзаджэгъуэт. Зауэ нэужьти, псэукIэр хьэлъэт, ауэ цIыкIухэм ар зыхамыщIэ хуэдэт, зэрызытрагъэуни ящIэни ягъуэтырт.
7 июня, 2022 - 14:55
Ди хьэблэ дэсащ Жалдузхъан зи цIэ фызыжь. Ар Балъкъэрхэ я нысэт. И Iыхьлыхэри сабийхэри абы дызэреджэр ТIасцIыкIут. Пасэу фызабэу къанэри, ТIасцIыкIу икъукIэ гугъу ехьу ипIат быниплI: къуищрэ зыпхъурэ. Ахэр Iэдэбу, гъэсауэ къигъэхъуат, къуажэ школым щригъэджат. Хэку зауэшхуэр къыщыхъеям нэхъыжьищыр – ТIыбыш, Данунэ, Темыркъан сымэ – лэжьэн щIадзауэ IэнатIэ зырыз Iутт, нэхъыщIэ дыдэр, Iэбузер, епщIанэ классым щIэст.
6 июня, 2022 - 16:33
Пушкин Александр къызэралъхурэ илъэс 223-рэ зэрырикъум теухуауэ КъБКъУ-м щекIуэкIащ «Сэ Пушкин фIыуэ солъагъу» литературэ еджэныгъэхэр.
6 июня, 2022 - 13:30
Москва и Ут Плъыжьым къыщызэIуахащ 8-нэ тхылъ гъэлъэгъуэныгъэр. Ди республикэм и лIыкIуэу абы ирагъэблэгъащ лъахэхутэ, зи тхылъ тедзапIэ зиIэж Котляровхэ Викторрэ Мариерэ, «Горянка» газетым и редактор нэхъыщхьэ, «Жан» зэгухьэныгъэм и унафэщI, усакIуэ, журналист Къаныкъуэ Заринэ.
1 июня, 2022 - 10:58
Зэгуэрым щIэблэ къиувэнум ди пIэм
Ди щэн е ди сурэт къыхэщыжынщ.
Бемырзэ Мухьэдин.
УсакIуэщ, тхакIуэщ, драматургщ Бемырзэ Зураб. Сабийхэми балигъхэми яхуэгъэзащ и къалэм жаныр. Сабиигъуэм, усыгъэм, и адэм теухуауэ Зураб и гупсысэхэр куущ!
Сабиигъуэм къыздисха зы хьэл
Страницы
|
