Щэнхабзэ

Сэралъп Мадинэ и Арт-цент­рым иджыблагъэ къы­щызэIуахащ Иорданием щыщ ди лъэпкъэгъу Къэрэгъул Зейнэ и сурэтхэм я гъэлъэгъуэныгъэ.

 СурэтыщI гъуазджэхэмкIэ музейм шыщхьэуIум и 19-м щекIуэкIащ бард уэрэдхэр зыгъэзащIэхэм я концерт. Ар къызэригъэпэщащ музейм и лэжьакIуэ Подвэ Александр.

«Сыту дахэ ди Къэбэрдей-Балъкъэрыр!» – аращ зэреджэр Аруан щIыналъэм щIыпIэ унафэр щызехьэнымкIэ и IуэхущIапIэмрэ гъуазджэмкIэ «Лэгъупыкъу» сабий еджапIэмрэ иджыблагъэ къызэрагъэпэща зэхьэзэхуэм.

«TikTok»-мрэ РосТуризмэмрэ  накъыгъэ мазэм къыхалъхьэу ирагъэкIуэкIа «Урысейр егъэцIыху» зэпеуэм нэхъыфIу къыщалъытахэр  гъэфIэжыпщIэу Къэбэрдей-Балъкъэрым тхьэмахуэкIэ щагъэхьэщIащ.

Тыркум щыпсэу адыгэхэм гъуазджэм Iэзагъ къызэрымыкIуэ къыщызыгъэлъагъуэ куэд зэрахэтым дыщыгъуазэ пэтми, я тырку унэцIэм зэрыадыгэр щытфIигъэпщкIу къохъу. Абыхэм язщ мывэм фэеплъ инхэр къыхэзыщIыкI Ачин Нухь.

Республикэм сурэтыщI гъуазджэхэмкIэ и музейм щагъэлъагъуэ художник Мамоновэ Светланэ и лэжьыгъэхэр. Выставкэр къызэрагъэпэщащ сурэтыщIыр илъэс 40 хъуауэ гъуазджэм зэрыхуэлажьэм и щIыхькIэ.

Хъыбар  гуапэ

Иджыблагъэ хъыбар гуапэ къытIэрыхьащ, Жанхъуэтекъуэ щыщ «Дыжьын бзэпсхэр» («Серебрянные струны») ансамблым «Горизонты педагогики» урысейпсо зэпеуэм япэ увыпIэр къыщихьащ.

Налшык къалэ дэт Лъэпкъ музейм мазэ кIуам гъэлъэгъуэныгъэ дахэ щекIуэкIащ.

Къэбэрдей-Балъкъэр Республикэм ис сурэтыщIхэр, дизайнерхэр, музыкантхэр, IэпщIэлъапщIэхэр щызэдэлэжьэну арт-унэшхуэ иджы япэу къыщызэIуахынущ Налшык. Къалэм и зыужьыныгъэмкIэ "Платформа" институтым и унафэщI Шыхъуэстэн Оксанэ зэрыжиIамкIэ, езыхэмрэ "Эко-Нальчик" жылагъуэ экологие зэгухьэныгъэмрэ зэгъусэу ягъэпса "Арт-резиденцие "Платформа" проектым папщIэ ТуризмэмкIэ федеральнэ агентствэм сом мелуани 2-рэ мини 150-рэ къахуиутIыпщащ. Иджы фокIадэм Iуэхум иужь ихьэнурэ илъэсым и кIэм хьэзыр ящIынущ арт-уардэунэр.