|
Щэнхабзэ
12 июля, 2023 - 10:13
Адыгэхэм яIэтащ а пщащэр и дахагъэрэ лIыгъэкIэ. Ауэ ар литературэкIэти, композитор цIэрыIуэ Даур Аслъэн зы зэман «къигъэщIауэ» щытащ а цIэр иIэу бзылъхугъэ ансамбль екIу. Сытыт Аслъэн абы тезыгъэгушхуар?
11 июля, 2023 - 08:00
Эфиопием и къухьэпIэ лъэныкъуэм щыIэ Бенишгангуль щIыналъэм щыщу цIыху 500 ислъам диным къихьащ.
Ислъамыр къыщежьагъащIэм гугъу ирагъэхь муслъымэнхэр ЛIыкIуэ лъапIэу щэлатымрэ сэламымрэ зэхам Эфиопием Iэпхъуэну хуит ищIауэ щытащ. А къэралым тепщэгъуэр щызыIыгъ чыристан папщтыхь псэ къабзэр муслъымэнхэм еныкъуэкъу къурэйшхэм емыдаIуэу, щэхьабэхэм къащхьэщыжауэ щытащ а зэман жыжьэм.
10 июля, 2023 - 11:55
«Ди лъэпкъ къафэхэмрэ фащэмрэ сызэрыцIыкIурэ сохъуапсэ. Сабий гъэсапIэм сыщыкIуэу щыта зэманыр сигу къызогъэкIыжри, сурэт къыщыттрахым, дыхагъэдат хэт фащэ щыгъыну хуейми, хэт кхъухьлъатэм ис хуэдэу къытрахынуми. Абы щыгъуэми сэ фащэрат къыхэсхар. А сурэтыр сфIэфIу сохъумэ. ЖысIэнуращи, къэфэным пасэу гу хуэсщIащ. Къэбгъэлъагъуэмэ, си къуэш нэхъыжьри къофэ, мы зэманым ар «Кабардинка» къэрал академическэ ансамблым хэтщ. Абыи сыдэплъеягъэнкIи хъунщ. 2017 гъэм «Терчанка» цIыхубэ ансамблым сыхыхьауэ щытащ.
10 июля, 2023 - 09:44
Тамань, мэуэтхэм (пасэрей адыгэхэм) я щIыналъэм, археологхэм къыщатIа Iуащхьэхэм ящыщ зым къыщIэкIыгъащ кхъуэщын хьэлэмэт гуэр. Кхъуэщын куэд къыщIокI пасэрей Iуащхьэжьхэм – ахэр нэгъуэщI хьэпшыпхэм (псалъэм папщIэ, Iэщэ-фащэхэм) щIагъуурэ хьэдэм дыщIалъхьэу щытащ. Тамань къыщагъуэта кхъуэщынри дыщIалъхьэгъащ дунейм ехыжа гуэрым – абы бгъэщIэгъуэн хэлъкъым: апхуэдэ Iэджэ къыщIахыжащ щIы щIагъым. ГъэщIэгъуэныр зи гугъу тщIы кхъуэщыным тет сурэтырщ – абыкIэ ар къыщхьэщокI адыгэ щIыналъэм иджыри къэс къыщагъуэта пасэрей кхъуэщынхэм.
9 июля, 2023 - 09:32
Темыркъан Юрэ и цIэр зэрихьэу Налшык дэт музыкэ школ №1-м ЕгъэджакIуэмрэ гъэсакIуэмрэ я илъэсым хуэгъэпса концерт иджыблагъэ щекIуэкIащ.
7 июля, 2023 - 12:27
Мариинскэ театрыр – Урысейм и музыкэ театр инщ икIи урыс щэнхабзэм и дамыгъэ нэхъыщхьэхэм ящыщщ.
Театрым и балет гупыр урыс къафэ гъуазджэм и зыужьыныгъэм хэлъхьэныгъэфIхэр хуэзыщIа, къэралым и къэфакIуэ нэхъыжьхэм ящыщщ. Абы и оперэ труппэр дуней псом цIэрыIуэ щыхъуащ икIи пщIэ щиIэщ. Мариинскэ театрым сыт щекIуэкIми, цIыхушхуэ къокIуалIэ. Абы щIэх-щIэхыурэ зыкъыщагъэлъагъуэ дуней псом и цIыху цIэрыIуэхэм.
7 июля, 2023 - 10:44
Мы тхыгъэр зытеухуа, Кэнжэ къуажэм щыщ Тэтэр Iэминэ пасэрей хьэпшыпхэр зыхилъхьэ щымыIэу фIыуэ елъагъу икIи ахэр зэхуехьэс.
И адэмкIэ и адэшхуэ БетIалрэ и анэшхуэ Нащхъуэрэщ а Iуэхум щIэзыпIыкIар.
6 июля, 2023 - 10:31
Зуль-Хьиджэ мазэр къызэрыублэу щIедзэ Мэккэрэ Мадинэрэ щекIуэкI дин дауэдапщэхэм. ХьидышхуэкIэ зэджэ Къурмэныр ислъамым адрей и махуэшхуэхэм къащIыхигъэщым и щхьэусыгъуэр хьэжырщ. Абы къыкIэрымыхун папщIэ, дэнэ лъэныкъуэкIи къикI хьэжыщIхэм я лъэр Сауд Хьэрыпым хуаунэтI. КъБР-м и Муслъымэнхэм я IуэхущIапIэм щыгъуазэ дещI ди республикэм икIыу щIыналъэ лъапIэм кIуахэм я хъыбарым.
6 июля, 2023 - 10:31
Молдавием и Парламентым унафэ къищтащ къэралым щызекIуэ бзэм дяпэкIэ «румыныбзэкIэ» еджэну. КуэдкIэ зэщхьэщыкIыу пIэрэ румыныбзэмрэ молдавыбзэмрэ?
6 июля, 2023 - 06:03
Иджыблагъэ адыгэ дунейм къытехьа «Гузэрыдзэ» («Узлы») адыгэ фильм телъыджэм лIыхъужь нэхъыщхьэм (Динэ) и ролыр щызыгъэзащIэ Мэмрэш Светланэ куэдым къезыгъэцIыхуар 2019 гъэм екIуэкIауэ щыта «Голос» теленэтынырщ.
Апхуэдэу, Светланэ хэтащ МэшбащIэ Исхьэкъ и Iэдакъэ къыщIэкIа «Аиссе» романым къытращIыкIа кинофильмым (Аиссе и ролыр игъэзащIэу). «Гоголь-центрым» (Москва къ.) и актрисэ пщащэм и роль къэс гукъинэжщ.
Мэмрэшым и гупсысэ, Iуэху еплъыкIэ къыхэщу инта интервьюхэм зэрыадыгэр, къыщыхъуа жылэм зэрыригушхуэр щыжеIэ.
Страницы
|