Къалэр зыгъэдахэ

15 января, 2020 - 05:10

Прохладнэ къалэм и щIыпIэ щхьэхуэхэм скульптурэ гъэщIэгъуэнхэр щагъэув.

Апхуэдэу мы махуэхэм Парк Ипщэм къыщызэIуахащ «Шахматист» зыфIаща теплъэгъуэр. Ар зи IэдакъэщIэкI Дронкин Сергей щIыпIэм къыщацIыху къалэм и теплъэр езыгъэфIакIуэ нэгъуэщI и лэжьыгъэфIхэмкIи. Абыхэм ящыщщ адыгэ узэщIакIуэ Нэгумэ Шорэ, кхъуэщын зыIыгъ бгырыс пщащэм, Прохладнэр къэзакъ станицэу япэу зыгъэтIысахэм я скульптурэхэр.
ИлъэсыщIэм и пэ къихуэу ягъэува «Шахматист» скульптурэр къалэдэс нэхъыжьхэми ныбжьыщIэхэми ягу зэрыдыхьар нэрылъагъуу, куэдым сурэт зытрагъэх, хэгупсысыхьыпауэ, шахмат доскар къыбгъэдэту тетIысхьэпIэм тес цIыхухъум бгъэдэсу. Европей къэралыгъуэхэм я щапхъэм тету ящIа арт-скульптурэм къалэр игъэдахэ къудей мыхъуу, прохладнэдэсхэр нэхъыбэу зыдихьэх спорт лIэужьыгъуэр нэхъри нэрылъагъу пщещI.

Жанхъуэт Зузэ.
  • 23 просмотра
Поделиться:

Читать также:

16.12.2025 - 16:30 → Ди Пщызэбий
16.12.2025 - 16:15 → И зэран къомыкIмэ…
16.12.2025 - 13:02 → ЩIыналъэхэр ягъэдахэ
16.12.2025 - 09:00 → Iуащхьэмахуэ лъапэ зрагъэужь
15.12.2025 - 11:37 → Щыпсэу щIыналъэм къыщалъыхъуэ