ЕджапIэ нэхъ ин дыдэр

Къэбэрдей-Балъкъэрым щынэхъ ин дыдэ курыт еджапIэр Налшык къалэм и «КъуэкIыпIэ» хьэблэм щаухуэ икIи абы щрагъэкIуэкI лэжьыгъэхэр и кIэм ноблагъэ. ЗэрытраухухамкIэ, школым еджакIуэхэм папщIэ тIысыпIэу мин ­1,5-рэ иIэнущ. Ухуэныгъэ лэжьыгъэхэр ирагъэкIуэкI «Егъэ­джэ­ныгъэ» къэрал пэхуэщIэм ипкъ иткIэ.

Курыт еджапIэщIэр къатищу зэтетынущ икIи псори зэхэту метр зэбгъузэнатIэ мин 22-рэ ирагъэубыдынущ. Абы хыхьэнущ цIыхухэр куэду щызэхуэс пэшышхуэ, тIысыпIэу 800 иIэу, артистхэм папщIэ пэшхэмрэ хэтыжу – цIыху 750-рэ зыщIэхуэн шхапIэ, спортзалу тIу, тренажёр пэш, IэпщIэлъапщIагъэм еджа­кIуэхэр щыхуагъасэ кабинет, нэгъуэщIхэри. 
Зи узыншагъэм сэкъат иIэ сабийхэм папщIэ дэкIуеипIэ щхьэ­хуэхэр щыхухахащ, лифти иIэнущ.
Дызэрыт илъэсым фокIадэм и 1-м еджапIэм и бжэр къызэ­Iуахыну я мурадщ.