Дунейм и хуабэгъуэм фысакъ

Кавказ Ищхъэрэм и «Россельхознадзор» IуэхущIапIэм фигу къегъэкIыж ерыскъыпхъэхэр къыщыфщэхукIэ набдзэгубдзаплъэу фыщытын зэрыхуейр, псом хуэмыдэу гъэмахуэ лъэхъэнэм абы гулъытэшхуэ зэрыхуэщIыпхъэр.
«Salmonella» бактерие лIэужьыгъуэр цIыхум сальмонеллез уз зэрыцIалэр къахуэзыхь микроорганизм зэранхэм хабжэ. Ар яхуэлъэщ бдзэжьейм, былымылым, гъэшым, хым къыхах ерыскъыхэкIхэм, джэдыкIэм, майонезхэм, соусхэм, гъэшкIэ ягъэIэфI хадэхэкIхэм. 
Ямылейуэ сакъыпхъэщ Iэщыр зыукIхэр: ахэр щыIэбэ щIыпIэхэм къабзагъэ мардэ ткIийхэр щызекIуэн, зэрыIэбэ Iэмэпсымэхэр къабзэу щытын хуейщ. А бактериер ерыскъыхэкIхэм зэман кIыхькIэ щыпсэуфынущ, уеблэмэ хуэсакъыпхъэщ яIыгъын хуей щIыIагъ мардэм темыт щIыIалъэхэми. ЗэкIуэкIа ерыскъыхэкIхэм я теплъэкIи, я IэфIагъкIи, я мэкIи гу щылъумытэ къохъу. Абы къыхэкIыу шэч мащIэ къызытефхьэр занщIэу хыфIэдзапхъэщ. 
Сальмонеллезым зыщыфхъумэн папщIэ, Iэмал зэриIэкIэ, тыкуэн гъунэгъухэм фыщыщахуэ, лымрэ гъэшымрэ унэм нэфхьэсыху зыри къащымыщIын хуэдэу икIи занщIэу щIыIалъэм дэфлъхьэ.
Гъуэгуанэ фыщытехьэкIэ сумкIэ-щIыIалъэ фIыгъмэ нэхъыфIщ.
Ерыскъы зэмылIэужьыгъуэхэр щапщэфI шхапIэхэм, сатущIапIэхэм къревгъэш шхын хьэзырхэм фахуэсакъ.