Къэбэрдей-Балъкъэр Республикэм и Правительствэм и Унафэ

Къэбэрдей-Балъкъэр Республикэм и Правительствэм 2024 гъэм щIышылэм и 22-м къыдигъэкIа №3-ПП-м зэхъуэкIыныгъэхэр хэлъхьэным и IуэхукIэ

Къэбэрдей-Балъкъэр Республикэм и Правительствэм и Унафэ

2024 гъэм бадзэуэгъуэм и 19-м Налшык къалэ №112-ПП

Къэбэрдей-Балъкъэр Республикэм и Правительствэм унафэ ещI:

Къэбэрдей-Балъкъэр Республикэм и Правительствэм «2024-2026 гъэхэм Къэбэрдей-Балъкъэр Республикэм и гъуэгу фондым хуаутIыпщыну бюджет мылъкур хэщIхэм я лъэныкъуэкIэ тегуэшэным и IуэхукIэ» 2024 гъэм щIышылэм и 22-м къыдигъэкIа унафэ №3-ПП-м халъхьэ зэхъуэкIыныгъэхэр къэщтэн.

Къэбэрдей-Балъкъэр Республикэм и Правительствэм и УнафэщI МУСУКОВ Алий.

Къэбэрдей-Балъкъэр Республикэм ФIэкIыпIэ зимыIэ медицинэ страхованэмкIэ и щIыналъэ фондым и унафэщIым, и къуэдзэхэм, и бухгалтер нэхъыщхьэм лэжьапщIэ зэрырат щIыкIэхэмкIэ Положенэм и гуэдзэн №1-м зэхъуэкIыныгъэхэр хэлъхьэным и IуэхукIэ

Къэбэрдей-Балъкъэр Республикэм и Правительствэм и Унафэ

2024 гъэм бадзэуэгъуэм и 22-м Налшык къалэ №113-ПП

Къэбэрдей-Балъкъэр Республикэм и Правительствэм унафэ ещI:

1. Къэбэрдей-Балъкъэр Республикэм ФIэкIыпIэ зимыIэ медицинэ страхованэмкIэ и щIыналъэ фондым и унафэщIым, и къуэдзэхэм, бухгалтер нэхъыщхьэм лэжьапщIэ зэрырарт щIыкIэхэмкIэ Положенэу Къэбэрдей-Балъкъэр Республикэм и Правительствэм 2023 гъэм мэкъуауэгъуэм и 19-м къыдигъэкIа унафэ №117-ПП-мкIэ щIэгъэбыдам и гуэдзэн №1-м зэхъуэкIыныгъэхэр хэлъхьэн «19404» бжыгъэр «32304» бжыгъэхэмкIэ, «13600» бжыгъэр «19840» бжыгъэхэмкIэ, «9800» бжыгъэр «13040» бжыгъэхэмкIэ щызэхъуэкIауэ.

2. Мы унафэм къару егъуэт 2024 гъэм шыщхьэуIум и 1-м щегъэжьауэ.

Къэбэрдей-Балъкъэр Республикэм и Правительствэм и УнафэщI МУСУКОВ Алий.

Бын куэд зиIэ унагъуэхэу сабиитху, абыхэм нэхърэ нэхъыбэ щапIхэм псэупIэхэмкIэ яIэ Iэмалхэр егъэфIэкIуэным хуэунэтIауэ зэуэ щхьэхуэ-щхьэхуэу псэуныгъэкIэ зэрызыщIагъакъуэ мылъку зэрырат щIыкIэу Къэбэрдей-Балъкъэр Республикэм и Првительствэм 2016 гъэм жэпуэгъуэм и 3-м къыдигъэкIа унафэ №175-ПП-мкIэ щIэгъэбыдам зэхъуэкIыныгъэхэр хэлъхьэным и IуэхукIэ

Къэбэрдей-Балъкъэр Республикэм и Правительствэм и Унафэ

Налшык къалэ 2024 гъэм бадзэуэгъуэм и 22-м №114-ПП

Къэбэрдей-Балъкъэр Республикэм и Правительствэм унафэ ещI:

1. Бын куэд зиIэ унагъуэхэу сабиитху, абыхэм нэхърэ нэхъыбэ щапIхэм псэупIэхэмкIэ яIэ Iэмалхэр егъэфIэкIуэным хуэунэтIауэ зэуэ щхьэхуэ-щхьэхуэу псэуныгъэкIэ зэрызыщIагъакъуэ мылъкухэр зэрырат щIыкIэу Къэбэрдей-Балъкъэр Республикэм и Правительствэм 2016 гъэм жэпуэгъуэм и 3-м къыдигъэкIа унафэ №175-ПП-мкIэ щIэгъэбыдам халъхьэ зэхъуэкIыныгъэхэр къэщтэн.

2. Мы унафэм къару егъуэт ар официальнэу къызэрытрадзэрэ махуи 10 дэкIа иужь икIи ар ящыщ мэхъу 2024 гъэм щIышылэм и 1-м къыщыщIэдзауэ зэфIэува хабзэ зэхущытыкIэхэм.

Къэбэрдей-Балъкъэр Республикэм и Правительствэм и УнафэщI МУСУКОВ Алий.