Жыг хадэщIэхэр ягъэтIыс

Къэбэрдей-Балъкъэрым Мэкъумэш хозяйствэмкIэ и министерствэм иджыблагъэ къызэритамкIэ, дызэрыт илъэсым зэрыщIидзэрэ республикэм и щIыналъэхэм псори зэхэту гектар 350-м щыхасащ илъэс куэдкIэ пхъэщхьэмыщхьэ къызыпыкIэ жыгыщIэхэмрэ мэракIуэ лIэужьыгъуэхэмрэ. 
Апхуэдэуи жыгыщIэхэр щагъэтIысынущ жьы хъуа хадэхэм я пIэкIэ икIи а лэжьыгъэм бжьыхьэм пащэжынущ. Республикэм и жыг хадэгъэкIхэм я мурадщ 2024 гъэм жыгыщIэхэмрэ мэракIуэ лIэужьыгъуэхэмрэ псори зэхэту гектар 700 хухахыну. Дызэрыт илъэсым и пэщIэдзэм ирихьэлIэу абыхэм щIыуэ яIыгъар гектар мин 26,3-рэ хъууэ щытащ.