Шэм хохъуэ

Кавказ Ищхъэрэм СтатистикэмкIэ и управленэм къызэритамкIэ, дызэрыт илъэсым и япэ мазитхум къриубыдэу Къэбэрдей-Балъкъэрым и мэкъумэш, фермер, уней IуэхущIапIэхэм, унагъуэхэм псоми зэхэту шэуэ къашащ тонн мини 188,3-рэ е нэгъабэ и иджы хуэдэ заманым нэхърэ проценти 102,9-кIэ нэхъыбэ.
А пIалъэм къриубыдэу ди щIыналъэм шэуэ къыщашам и процент 35,4-р мэкъумэш, фермер, уней IуэхущIапIэхэм къалъос, унагъуэхэм - процент 64,6-р. А пIалъэ дыдэм хуэзэу республикэм и жэм щхьэ бжыгъэми проценти 3,5-кIэ хигъэхъуащ икIи 2024 гъэм и мэкъуауэгъуэм ирихьэлIэу мини 141,4-рэ хъуащ.