«ЛъагапIэм» и лъагапIэхэр

Къэбэрдей-Балъкъэрым иджыблагъэ щекIуэкIащ пщIантIэхэм, хьэблэхэм дэсхэр футбол зэдэджэгунымкIэ еханэ Урысейпсо фестивалым и щIыналъэ Iыхьэр.
 ЗэIущIэм хэтащ республикэм и щIыналъэхэм я командэу 6 икIи абы щызэпеуащ 2010 - 2011 гъэхэм къалъхуа щIалэ, хъыджэбз цIыкIухэр, гуп къэс цIыху хырых хъууэ. 
ГъэщIэгъуэну икIи удэзыхьэхыу екIуэкIащ зэхьэзэхуэхэр. Абыхэм япэ увыпIэр щаубыдащ Налшык къалэм и «ЛъагапIэ» командэм, етIуанэ хъуащ Бахъсэн щIыналъэм и «Олимпик» гупыр, домбеякъ медалхэр къахьащ Шэджэм районым и «Нартан»-м и топджэгу цIыкIухэм.
Апхуэдэ щIыкIэкIэ «ЛъагапIэ» командэм Iэмал игъуэтащ пщIантIэхэм, хьэблэхэм дэсхэр футбол зэдэджэгунымкIэ Урысейпсо фестивалым и кIэух зэIущIэу мы гъэм фокIадэм и 16 - 20-хэм Санкт-Петербург къалэм шекIуэкIынум хэтыну.