Гъуэгухэр къагъэщIэрэщIэж, Мыл уардэунэр яух

Республикэм щекIуэкI ухуэныгъэхэм ящыщхэр КъБР-м и Iэтащхьэ КIуэкIуэ Казбек дыгъуасэ зригъэлъэгъуащ.

УнафэщIым и телеграм-каналым щетх: «Къа­ла­щхьэм щызэрагъэзэхуэж гъуэгу­хэр и кIэм нагъэсащ, иджыпсту абы и гъунэхэм удз щхъуантIэхэр щыхасэ, автобус къэувыIэпIэхэр зэрагъэзахуэ. 
Мы гъэм Налшык къалэ къы­щагъэщIэрэщIэж 2-нэ Тамань диви­зэм, Осетин, Профсоюз уэ­рам­хэр, Мусукаевым, Хъураным, Балъ­къэ­рым, Созаевым, Къэзанокъуэм я цIэхэр зезыхьэхэмрэ Юность уэрамдэкIымрэ». 

*   *   *
Налшык къалэ щащI Мыл ­уардэунэр метр зэбгъузэнатIэу мини 4 мэхъу, ар «Демографие» лъэпкъ проектым щыщ Iуэхущ. 
Мыл зытелъ утыкур метр зэбгъу­зэнатIэ мин 1,5-рэ хъунущ. Абы хэ­тынущ спортсменхэм зыщатIэщI-зыщахуапэ, зыщагъэпскI пэшхэр, спорт пэш щхьэхуэ. 
Уардэунэм щIымахуэ спорт лIэу­жьыгъуэхэм, хоккей, керлинг хуэ­дэ­хэм, зыщыхуагъэсэнущ. Ап­хуэ­дэуи республикэ, щIыналъэ зэ­хуаку зэ­хьэзэхуэхэри щебгъэкIуэкI хъунущ, IуэхущIапIэр абы сыт и лъэныкъуэкIи хуэщIащ.