Нартыху жылапхъэр Белоруссием ирагъашэ

2024 гъэм и мазипщIым къриубыдэу Россельхознадзорым и щIыналъэ управленэу Кавказ Ищхъэрэм щыIэм къипщытащ Къабэрдей-Балъкъэрым хамэ къэралхэм яхуригъашэ нартыху жылапхъэу тонн мини 2,6-м фIагъ яIэр зыхуэдэр. 

Ар тонн 200-кIэ нэхъыбэщ нэгъабэ и апхуэдэ пIалъэм щыIа бжыгъэхэм нэхърэ. Республикэм и нартыху жылапхъэфIхэр нэхъыбэу зыщэхур Белоруссиерщ.

Сату щIыпIэхэм я фейдэр

Росстатым къызэритамкIэ, 2024 гъэм и щIышылэ - фокIадэм къриубыдэу Къэбэрдей-Балъкъэрым розницэ сатумкIэ ахъшэ сом мелард 219,3-рэ къилэжьащ е нэгъабэ щыIа бжыгъэхэм проценти 107,7-кIэ хуэкIуэу (уасэ къекIуэкIхэм тещIыхьауэ). 

Сом мелард 219,3-м щыщу тыкуэнхэмрэ уней IуэхущIапIэхэмрэ процент 50,6-р, бэзэрхэмрэ жармыкIэхэмрэ – процент 49,4-р къалъос.