Ди гимнастхэр нэхъ лъэщщ

19 ноября, 2024 - 13:05

Дагъыстэным и Каспийск къалэм «DAGGym-2024» фIэщыгъэр зэрихьэу спорт гимнастикэмкIэ щекIуэкIа дунейпсо зэхьэзэхуэм Къэбэрдей-Балъкъэрым икIа ныбжьыщIэхэр къыщыхэжаныкIащ. Абы хэтащ УФ-мрэ хамэ къэралхэмрэ я гимнасту 500-м нэблагъэ икIи ахэр зэпеуащ лIэужьыгъуэ зыбжанэкIэ.
Къэбэрдей-Балъкъэрым и лIыкIуэхэм къапэхъун зэхьэзэхуэм къыхэкIакъым. Тренер цIэрыIуэ Продуновэ-Исметовэ Еленэрэ Третьяковэ Эллэрэ я гъэсэнхэм медаль 11 къахьащ: 5-р дыщэу, 5-р дыжьыну, 1-р – домбеякъыу. А псом къадэкIуэу гуп зэпеуэхэм, етIуанэ, ещанэ разряд зиIэхэм я деж, япэ увыпIэхэри щаубыдащ.

ХЬЭЩЫКЪУЕЙ Олег.
  • 32 просмотра
Поделиться: