IэщIагъэм - гулъытэ

Урысей Федерацэм и Къэрал Советым «Сириус» федеральнэ егъэджэныгъэ центрым щригъэкIуэкIа зэIущIэм хэтащ ­КъБР-м и Iэтащхьэ КIуэкIуэ Казбек. «Зэхыхьэм щылэжьащ «IэщIагъэлIхэр», «ЩIалэгъуа­лэмрэ сабийхэмрэ», «Технологием щыпашэхэр» IуэхухэмкIэ гуэшауэ. А махуэхэм центрым щекIуэкIащ ЩIэныгъэлI ныбжьыщэхэм я IV конгрессри.

Дэ дытепсэлъыхьащ эконо­микэм епха IэнатIэхэр лэжьа­кIуэкIэ къызэгъэпэщыным, IэщIагъэ щрагъэ­гъуэт курыт еджапIэ­хэр егъэфIэ­кIуэ­ным, абыхэм ехьэлIауэ щыIэ Iуэху бгъэды­хьэ­кIэхэр зэдгъэцIыхуащ. 
Зи гугъу сщIым теухуауэ Къэ­бэрдей-Балъкъэрым лэжьыгъэш­хуэ щокIуэкI, федеральнэ къалэнхэр дгъэхьэзырыным нэ­мыщI, щIыналъэм иIэ Iэмалхэр идогъэфIа­кIуэ. Къапщтэмэ, ди республикэм егъэджакIуэхэм ахъшэ щхьэ­хуэ улахуэм яхудыщIегъу, ар физикэмкIэ, хи­миемкIэ, информатикэмкIэ къуажэ­хэм щезы­гъа­джэ­хэрщ. 
Мы гъэм IуэхущIэ дублащ IэмалыщIэхэмкIэ егъэджакIуэхэр гъэ­хьэ­зырыным теухуауэ. Абы хэтщ класс нэхъыжьхэм щIэс еджа­кIуэ­хэр. ­НыбжьыщIэхэм ­КъБР-м и щIэ­ныгъэ центрхэм я зэфIэкIым щыха­гъа­хъуэ. Абыхэм еджапIэр къаухмэ, къыхаха IэщIагъэм щыпащэну еджа­пIэ нэхъыщхьэхэм щIэтIысхьэну аращ. Шэч хэ­мылъуи, респуб­ликэм и еджапIэ­хэм щылэжьэну ­къагъэзэжынущ. 
Инженер IэщIагъэм нэхъыбэ хуе­гъэджэным теухуа лэжьы­гъи идогъэкIуэкI, абы папщIэ класс хэхахэр къызэдгъэпэщынущ. ИджыпстукIэ IэщIагъэхэм щыщагъэгъуазэ классу ­хэгъэгум 120-рэ итщ, сабий  2000-м щIигъу щоджэ, технологие класс 30-м еджакIуэ 643-рэ щIэсщ. 
2023 гъэм щегъэжьауэ агропромышленнэ, гуманитарно-техническэ колледжитIыр «Профессионалитет» проектым хэтщ. Абы иджыри еджапIи 4 хэдгъэ­хьэну ди мурадщ. Къи­щы­нэ­мыщIауэ, къалэн куэд щагъэзащIэ егъэджэныгъэ центр къы­зэ­дгъэпэщыну ди гугъэщ Iэ­щIагъэ щрагъэгъуэту. Ар сэбэп ­хъунущ ди щIыналъэм и ­экономикэр зыхуэныкъуэ Iэ­щIа­гъэлIхэмкIэ IуэхущIапIэхэр къы­зэд­гъэпэщы­ным­кIэ», - щетх КIуэ­кIуэ Казбек и телеграм-каналым.