Къабзагъэр япэ иригъэщу

10 января, 2025 - 15:41

Къэбэрдей-Балъкъэрым къыщыщIагъэкI тхылъымпIэмрэ абы къыхэщIыкIа хьэпшыпхэмрэ я куэдагъым илъэс къэс хэхъуэ зэпытщ. Дызэрыт илъэсым къриубыдэу псори зэхэту метр зэбгъузэнатIэ мин 77,8-рэ къыщIагъэкIащ. Ар процент 30-кIэ нэхъыбэщ нэгъабэ и апхуэдэ пIалъэм щыIа бжыгъэхэм нэхърэ. 

Республикэм къыщыщIагъэкI тхылъымпIэмрэ абы къыхэщIыкIахэмрэ я нэхъыбэр къылъос Кавказ Ищхъэрэм щынэхъ инхэм ящыщу Аруан щIыналъэм щыIэ «Эрпак» IуэхущIапIэм. Ар йолэжьыж тхылъымпIэ Iув къагъэсэбэпахэм икIи абыхэм къыхещIыкI картонхэмрэ гофрэхэмрэ. 

«Эрпак»-р зэрылажьэр Италием, Франджым, Германием щащIа техникэ нэхъыфI дыдэхэмкIэщ икIи и продукцэхэм фIагъ лъагэр яIэщ, экологие и лъэныкъуэкIи къабзэщ. Мазэм къриубыдэу IуэхущIапIэм зэрегъэкIуэкI тхылъымпIэжьу тонн мини 5-м нэблагъэ, кIэрыхубжьэрыху хэмыту, и зэран дыкъэзыухъуреихь щIыуэпсми иримыгъэкIыу.

                                               ХЬЭЩЫКЪУЕЙ Олег.

 

  • 23 просмотра
Поделиться:

Читать также:

19.01.2025 - 12:18 → Пшынэр зи Iэпэгъу
19.01.2025 - 10:01 → Фэеплъхэм я тхыдэ
18.01.2025 - 12:16 → Гум имыхужынщ
18.01.2025 - 12:02 → Къуажэр къалэм пэгъунэгъу мэхъу
18.01.2025 - 11:18 → «ЩIэныгъэр» куэдым хунос