Къалэнхэм ехъулIащ

КIуэкIуэ Казбекрэ республикэм щIыуэпс хъу­гъуэфIыгъуэхэмрэ экологиемкIэ и министр Шаваев Ильясрэ тепсэлъыхьащ «Мэзхэр хъумэн», «Псы ­хъумапIэ телъыджэхэр ­хъумэн» къэрал проектыр щIыналъэм зэрыщагъэ­защIэм.

«Мэзхэр хъумэн» лъэпкъ проектымкIэ нэгъабэ жыг зэмылIэужьыгъуэхэр щы­хасащ гектари 117-м. Жы­гы­щIэ ягъэтIысахэм хабзэм ­тету кIэлъоплъ. А IуэхумкIэ зыхуагъэувыжа къалэнхэм ехъулIащ. Республикэм и мэзхэм мафIэс къыщы­хъуакъым. 2030 гъэ пщIондэ гектар 588,5-м жыг зэ­мылIэужьыгъуэхэр щыхасэну я мурадщ. 
«Псы хъумапIэ телъы­джэ­хэр хъумэн» проектымкIэ Бахъсэн псым и жапIэу километр 13 ягъэкъэбзащ. Абы епха лэжьыгъэхэр илъэсищкIэ ирагъэкIуэ­кIащ. ПсыжапIэм дагъэкъэ­бзыкIащ кIэрыхубжьэрыху зэмылIэужьыгъуэхэр, уэлбанэшхуэхэм кърихьэжьа е уэсыр щыткIужкIэ бгыхэм къех хабзэ ятIэпс зэтри­-хьар. Псыр къиумэ, абы и ­Iуфэм Iус жылэ 13-р къэхъукъащIэ шынагъуэм щыхъу­ма щыхъума хъуным хуэу­нэтIа Iуэхугъуэхэр ира­гъэ­кIуэ­кIащ.
Псы Iуфэ, псыжапIэ зэхуэ­мыдэхэу километр 670-рэ ягъэкъэбзащ. А Iуэхухэм ­хэтащ цIыху мин 50-м нэб­лагъэ.
Апхуэдэу Прохладнэ и ­гъунэгъуу Малкэ псым и сэмэгурабгъу лъэныкъуэр гъэбыдэнымкIэ лэжьыгъэ­хэр ирагъэкIуэкIащ, иджы-ри щIыпIищым зэгъэ­пэ­щыжыныгъэхэр щызэфIагъэкIащ. Мы илъэсми псы Iуфэхэр гъэбыдэным хуэу­нэтIа Iуэхухэр ирагъэкIуэ­кIыну я мурадщ.