И цIэр жыжьэ мэIу

Къуажэ
 
Бахъсэн районым щыщ Къулъкъужын Ищхъэрэм гъуазджэхэмкIэ и сабий школу Къып Мухьэмэд и цIэр зезыхьэр зыкъом щIауэ ди республикэм щыцIэрыIуэщ и ехъулIэныгъэфIхэмкIэ. Иджы абы и пщIэр нэхъ лъагэ хъуащ.                                                                                                    Дыгъэгъазэм и 8 - 11-хэм Москва щекIуэкIа «ГъуазджэхэмкIэ сабий школ нэхъыфI» Урысейпсо зэпеуэм фIы дыдэу зыкъыщагъэлъэгъуащ мы еджапIэм екIуалIэ ныбжьыщIэхэмрэ ахэр зыгъасэхэмрэ: «ГъуазджэхэмкIэ къуажэ школ нэхъыфI» лIэужьыгъуэмкIэ финалым нэса» цIэр къыщыхуагъэфэщащ.
 Езым хуэдэу ди республикэм ит IуэхущIапIэхэм ящыщу а лъагапIэшхуэм иджыри къэс нэсыфар аращ.
Ар къызыхэкIари сабийхэм я зэфIэкI къагъэлъэгъуэн папщIэ мыбы Iэмал гъуэзэджэхэр зэрыщыIэрщ. Абыхэм сыт и лъэныкъуэкIи закъыщIегъакъуэ къэралми. ЖытIэну ирикъунщ иджыблагъэ лъэпкъ проектым тету мы гъэсапIэм и унэр къанэ щымыIэу къызэрагъэщIэрэщIэжар. ЕхъулIэныгъэхэми зыпагъэплъакъым.