ШахматымкIэ нэхъ лъэщхэр

Налшык къалэм щекIуэкIащ шахмат къызэрыгуэкIымрэ блицымкIэ зэхьэзэхуэхэр. Абы хэтащ сабий 90-рэ балигъыу 20-рэ икIи ахэр я ныбжьрэ яIэ рейтингымрэ елъытауэ гуп-гупу гуэшауэ щытащ.

КъызэрыгуэкI шахматымкIэ зэпеуэхэр екIуэкIащ мы гъэм щIышылэм и 6 - 7-хэм. Удихьэхыу къызэрагъэпэща зэIущIэхэм япэ увыпIэхэр къыщахьащ Жырыкъ Хьэмидбий, Мэремщауэ Азэмэт, Лу Къантемыр, Мирзоевэ Лиланэ, КIыщ Идар, Костахов Тимур, Къардэн Чэрим сымэ.
 Блиц зэхьэзэхуэр ирагъэкIуэкIащ щIышылэм и 8-м. Абы щытекIуахэщ Нэгумэ Аскэр, Алэкъей Сэлэдин, Гугъуэтыж Альберт, Шэрджэс Къантемыр, Таймаскулов СулътIан, Чылар Умар сымэ.
ШахматымкIэ зэпеуэхэм япэ увыпIищыр къыщызыхьахэм медалхэр, кубокхэр, щIыхь тхылъхэр, ахъшэ саугъэтхэр иратащ.