Темболэт и зэфIэкIхэр

Урысейм и Олимп комитетым и «Олимп джэгухэм хэты­фыну узыщыгугъ хъуну сабийхэр» проектым ипкъ иткIэ зи ныбжьыр илъэс 16 иримыкъуахэм я деж Бакъей Темболэт спортсмен нэхъыфIу къыщалъытащ, къитащ Бахъсэн къалэм и администрацэм и пресс-IуэхущIапIэм.

Бахъсэн Олимп джэгухэм хэтыфыну, зэфIэкI зыбгъэдэлъ сабийхэр щагъэхьэзыр и спорт еджапIэм и гъэсэн щIалэм нэгъабэ хузэфIэкIащ Урысей Федерацэми Европэми бэнэкIэ ­хуитымкIэ пашэныгъэр къыщы­хьыным хуэунэтIауэ екIуэкIа зэхьэзэхуэхэм япэ увыпIэхэр къыщихьын. Ди къэралым зэпеуэр щызэхэтащ Осетие Ищхъэрэм и щыхьэр Владикавказ, европей зэIущIэр - Алыджым и Лутраки къалэм.
Бакъей Темболэт и тренерхэр ПщыукI Артуррэ Бэрэгъун Рустамрэщ.