Орёл макIуэ

Владикавказ къалэм ще­кIуэкIащ Кавказ Ищхъэрэм IэпщэкIэ зэпекъунымкIэ (ар­м­рестлинг) и чемпионатрэ пашэныгъэр къыщыхьыным хуэунэтIа зэхьэзэхуэрэ. Абы щыIащ спортсмен ныбжьы­щIэу, щIалэхэри хъыджэбзхэри зэхэту, 300-м нэблагъэ, я ныбжькIэ илъэс 14 - 22-хэм къриубыдэу икIи ахэр гуп ­30-у гуэшауэ щытащ.

Къызэрыхах зэхьэзэхуэу Остетие Ищхъэрэ – Аланием и къалащхьэм щекIуэкIа зэпеуэм хэтащ Къэбэрдей-Балъкъэрым и спортсмен 14 икIи абыхэм ящыщу 11-м Iэмал ягъуэ­тащ Урысей Федерацэм армрестлингымкIэ пашэныгъэр къыщыхьыным хуэунэтIауэ мы гъэм гъатхэпэм Орёл къа­лэм щекIуэкIыну зэIущIэм хэтыну. 
Ахэр Балъкъэр Дамир, Бэ­рэздж Кимран, Шыбзыхъуэ Чингиз, Къарэмырзэ Заурбэч, Балэ Темырлан, ПщыхьэщIэ Къантемыр, Маршэн Темырлан, Алыхьберды Валерэ, Бейтыгъуэн Iэмин, Хасаев Сэлим, Балъкъэр Ибрэхьим сымэщ.