Лэкъун Азэмэт и зэфIэкIыр![]() Лэкъун Азэмэт 1987 гъэм Старэ Шэрэдж къуажэм къыщалъхуащ. Музыкэ школыр къиуха нэужь, ГъуазджэхэмкIэ Кавказ Ищхъэрэ къэрал институтым Щэнхабзэмрэ гъуазджэмкIэ и колледжым щеджащ. 2011 гъэм Саратов къыщиухащ Собинов Л. В. и цIэр зезыхьэ къэрал консерваториер. 2011-1015 гъэхэм ГъуазджэхэмкIэ Кавказ Ищхъэрэ Къэрал институтым «дирижирование оперно-симфоническим оркестром» IэщIагъэм щыхуеджащ профессор, УФ-м и цIыхубэ артист Темыркъан Борис и классым. И диплом лэжьыгъэхэм ящыщщ Рахманинов Сергей и «Алеко», Мендельсон Феликс и «Итальянская» симфоние №4-р. 2017, 2019 гъэхэм ар и зэфIэкI щеплъыжащ дирижёр ныбжьыщIэхэм папщIэ профессор Симонов Юрэ къызэригъэпэща дерсхэм. ЕджапIэ нэужьым КъБР-м и Музыкэ къэрал театрым и симфоние оркестрым ирагъэблэгъащ дирижёр нэхъыщхьэм и дэIэпыкъуэгъуу.
Азэмэт и IэщIагъэр къыщыхихым щапхъэ хуэхъуар макъамэр фIыуэ зылъагъу и адэ-анэрщ. И адэр зэрыцIыкIурэ щIэхъуэпсырт пшынауэ хъуну. Нобэр къыздэсым абы ехъумэ и адэшхуэм къыщIэна пшынэхэр. Азэмэт макъамэм хурагъэджащ ГъуэгулI Верэ, Хьэщыкъуей Розэ, Владимирцевэ Нелли, Темыркъан Борис сымэ.
Лэкъун Азэмэт 2011 гъэм хэтащ «Хоровое дирижирование» I урысейпсо макъамэ зэпеуэм. ГъуазджэхэмкIэ Кавказ Ищхъэрэ къэрал институтым уэрэджыIакIуэхэмрэ дирижёрхэмрэ я кафедрэм и егъэджакIуэщ ар 2011 гъэм щыщIэдзауэ. Ар и унафэщIщ институтым и студентхэми и егъэджакIуэ ветеранхэми я хорхэм. 2016 гъэм Азэмэт хэтащ Мусин И. А. и цIэкIэ къызэрагъэпэщ, cимфоние, камернэ оркестрхэм я дирижёр ныбжьыщIэхэм я IV лъэпкъыбэ зэпеуэм. Санкт-Петербург къалэм хор дирижёрхэм папщIэ 2020 гъэм щекIуэкIа III лъэпкъыбэ зэпеуэми и лауреат хъуащ. «Достижение года-2016» республикэ зэпеуэм и щIыхь тхылъыр къыхуагъэфэщащ, «Достижение года в области культуры» Iыхьэм щиIэ зэфIэкIыр къалъытэри. ГъуазджэхэмкIэ Кавказ Ищхъэрэ къэрал институтым 2017 гъэм абы и унафэм щIэту щагъэуващ Масканьи Пьетрэ и «Сельская честь» оперэр. 2019 гъэм Азэмэт ирагъэблэгъащ Темыркъан Борис и цIэр зезыхьэ Къэбэрдей-Балъкъэр къэрал филармонием и дирижёру. Налшык и Музыкэ Къэрал театрым Пуччини Джузеппе и «Богема» оперэ нэгъабэ щагъэувам и дирижёрри Лэкъун Азэмэтщ. 2023 гъэм Музыкэ театрым щагъэува Пуччини Джузеппе и „Богема“ оперэм и дирижёр-постановщик хъуащ.
Лэкъун Азэмэт хэтащ Санкт-Петербург Шостакович Дмитрий и цIэр зезыхьэ и филармонием и академическэ симфоние оркестрым (Темыркъан Юрэ зи художественнэ унафэщIу щытам) щита концертым. Гуапэщ дирижёр къалэн игъэзэщIэну ар а концертым зэрырагъэблэгъар.
Саратов къалэм щыщеджэм ар щылэжьащ а къалэм хор музыкэмкIэ (Лицовэ Людмилэ зэригъакIуэм) и губернскэ театрым. А зэманым къыхуихуащ дирижёр цIэрыIуэхэм я гъусэу къэрал куэдым зыкъыщигъэлъэгъуэну. Саратов лэжьыгъэ къыщыхуагъэлъэгъуами, Азэмэт къыщалъхуа, сыт щыгъуи псэкIэ къыздеIэ Къэбэрдей-Балъкъэрым къигъэзэжмэ нэхъ къищтащ. 2011 гъэм щыщIэдзауэ нобэр къыздэсым Азэмэт щрегъаджэ ГъуазджэхэмкIэ Кавказ Ищхъэрэ къэрал институтым уэрэджыIакIуэ гъуазджэмрэ дирижированэмкIэ и кафедрэм. Ар студентхэм ядолажьэ хорым зэрыхэтынум, аранжировкэ зэращIынум, макъыр зэрагъэувынум теухуауэ. Апхуэдэу хегъэгъуазэ хор музыкэм и тхыдэм, хороведенэм, опернэ классым, дирижированием, сабий музыкэ гъэсэныгъэм и методикэм, уэрэджыIакIуэ ансамблым.
Классикэ макъамэр зыхилъхьэ щымыIэу фIыуэ илъагъуми, и гукъыдэжым елъытауэ Азэмэт сыт хуэдэ макъамэми едэIуэну фIэфIщ. Зыгъэпсэхугъуэ зэман къыщыхуихуэкIэ бильярд мэджэгу, бдзэжьей йощэ.
Поделиться:
Читать также:
17.02.2025 - 15:40 →
Шхынымрэ узыншагъэмрэ
16.02.2025 - 10:01 →
Гукъеуэ гъащIэм хузимыIэ...
15.02.2025 - 12:28 →
ЩIалэгъуалэр ягъэгушхуэ
13.02.2025 - 16:40 →
УзыщIэхъуэпсын лъагапIэ
13.02.2025 - 15:39 →
Пушкиным и фэеплъхэр
|