Сочэ зыхуагъэхьэзыр

12 февраля, 2025 - 13:46

Кавказ Ищхъэрэм зэзауэ зыхэт спорт лIэужьыгъуэхэмкIэ (ММА) пашэныгъэр къыщыхьыным хуэунэтIауэ къызэрыхах зэхьэзэхуэ Налшык къалэм щекIуэкIащ. Абы щызэпеуащ КИФЩI-м и щIыналъэхэм я зэуакIуи 160-рэ, я ныбжькIэ илъэс 12-м къыщыщIэдзауэ 15-м нэсыху хъууэ.

Къэбэрдей-Балъкъэрым и спортсмен 15 зэпеуэм хэтащ икIи абыхэм ящыщу Гелоев Эмирхъан, Абей Алимхъан, Iэшэ Ахьмэд сымэ япэ увыпIэхэр зыхэта гупхэм къыщахьащ. Апхуэдэ щIыкIэкIэ абыхэм Iэмал ягъуэтащ КИФЩI-м и командэ къыхэхам хэту къэралым пашэныгъэр щыубыдыным хуэунэтIауэ мы гъэм Сочэ къалэм щекIуэкIыну зэхьэзэхуэм я зэфIэкIхэр щагъэлъэгъуэну.

АЛЫДЖЫКЪУЭ Руслан.
  • 23 просмотра
Поделиться: