Тхурщ къахэжаныкIыфар

Кавказ Ищхъэрэм бэнэкIэ хуитымкIэ пашэныгъэр къыщыхьыным хуэунэтIа зэхьэзэхуэ Налшык къалэм щекIуэкIащ. Абы щызэпеуащ щIыналъэхэм я бэнакIуэ нэхъ лъэщу 400-м нэблагъэ, я ныбжькIэ илъэс 18-м щIимыгъуауэ. Я хьэлъагъ елъытауэ ахэр гупипщIу гуэшауэ щытащ.

Къэбэрдей-Балъкъэрым щыщу зэхьэзэхуэм бэнакIуэ 70 хэтати, абыхэм ящыщу 5-м медаль зэхуэмыдэхэр къахьащ.

Я хьэлъагъ елъытауэ зыхэта гупхэм щытекIуащ Къашыргъэ Идаррэ (кг 64-рэ) Емызэш Ибрэхьимрэ (кг 80). Дыжьын медалыр къихьащ Мер Марат. Ар щыбэнар килограмм 51-рэ зи хьэлъагъхэм я дежщ.

Бэрбэч Ахьмэдрэ (кг 51-рэ) Джэдмышх Дамиррэ (кг 71-рэ) домбеякъ медалхэр къахьащ.

Зэхьэзэхуэм щытекIуахэр Урысей Федерацэм бэнэкIэ хуитымкIэ и командэ къыхэхам хагъэхьащ.

Ди командэр зэIущIэм хуагъэхьэзыращ Хьэтанэ Хьэсэн, Iэпщэ Анзор, Iэщын Мурадин, Жолдащ Зэчыр, Хъубий Мурат сымэ.