МедалиплI къытхуахь
Краснодар къалэм щекIуэкIащ щIалэхэмрэ хъыджэбзхэмрэ иджырей пятиборьемкIэ я зэхьэзэхуэ зэIуха. Абы хэтащ къэралым и щIыналъэхэм ящыщу 8-м я спортсмени 150-м нэблагъэ икIи я ныбжь елъытауэ ахэр гупитIу гуэшауэ щытащ.
НэхъыщIэхэр зэпеуащ двоеборье лIэужьыгъуэмкIэ, нэхъыжьхэр пятиборьемкIэ. Япэ гупым хэта ди спортсменхэм щыщу Хьэкъул Тимур дыжьын медаль къихьащ, Мирюков Юрэрэ Къардэн Софьерэ ещанэ хъуахэщ.
Нэхъыжь гупым ящыщу дыжьын медаль къихьащ Воронин Артём. Къызэдэжэурэ нэщэнэ еуэнымкIэ зэпеуэм ди щIалэр очко зыбжанэкIэ къыкIэрыхуащ япэ увыпIэр зыубыдам.
Тэрч щIыналъэм и лIыкIуэхэр
Адлер къалэм щыIэ СИРИУС жылэм щекIуэкIащ каратемкIэ урысейпсо зэхьэзэхуэ, «Кубок ВEST SPORT Кавказ» фIэщыгъэр иIэу. Абы щызэпеуащ къэралым и щIыналъэхэм ящыщу 30-м я спортсмен 1000-м щIигъу.
КъБР-м СпортымкIэ и министерствэм абы игъэкIуат Олимп джэгухэм хэмыхьэ спорт лIэужьыгъуэхэмкIэ республикэ еджапIэм и къудамэу Тэрч щIыналъэм щыщ Тамбовскэ жылэм дэтым и гъэсэнхэр икIи абыхэм медалхэр къыщахьащ.
Я хьэлъагъ елъытауэ зыхэта гупым Такъ Дамир (кг 55-рэ, я ныбжькIэ илъэс 12 - 13 хъухэм я деж) япэ увыпIэр щиубыдащ. Умар Эмир етIуанэ увыпIэр къихьащ. Ар щызауэр килограмм 61-рэ зи хьэлъагъхэм, я ныбжькIэ илъэс 16 - 17 хъухэм я дежщ. Апхуэдиз зи ныбжьхэм я деж ещанэ щыхъуащ Балъкъэр Алинэ (кг 61-рэ).
Спортсменхэм я тренерыр Щомахуэ Владимирщ.
БэнакIуэ цIэрыIуэр ящыгъупщэркъым
СССР-м алыдж-урым бэнэкIэмкIэ спортым и мастер Хъымбэзэр Маирбэч и фэеплъ щIыналъэ зэхьэзэхуэ Тэрч къалэм щекIуэкIащ. Абы хэтащ районым и бэнакIуэ ныбжьыщIэу 84-рэ.
Килограмм 42-рэ хъухэм я деж япэ увыпIэр къыщихьащ Егъэн Айрат. ЕтIуанэр БищIо Амырхъанщ, ещанэр Пщыунэ Дамиррэ Шыхъуэ Уэсмэнрэщ.
Килограмм 45-рэ зи хьэлъагъхэм я деж щытекIуащ Якуэкъутэ Астемыр, етIуанэ хъуащ Умар Къантемыр, ещанэр Тэркъан Алихъанрэ Семэн Тембулэтрэщ.
Килограмм 48-хэ хъухэм я гупым япэ щыхъуащ Шыбзыхъуэ Мухьэмэд, Урыс Айдэмыр ещанэщ, Хъуран Аслъэнрэ Тузар Ренатрэ ещанэщ.
Килограмм 51-рэ зи хьэлъагъхэм я деж бжьыпэр щиубыдащ Емкъуж Сулеймэн, Кхъуэныхь Дамир етIуанэщ, Къуныжь Темырланрэ Щолэхъу Айдэмыррэ ещанэщ.
Килограмм 55-рэ зи хьэлъагъхэм ящыщ ГъукIакъуэ Казбек япэ щыхъуащ, Мэкъуауэ Амирлан етIуанэщ, Къущхьэунэ Елдаррэ Къардэн Мухьэмэдрэ ещанэщ.
Килограмм 60 зи хьэлъагъхэм я деж щытекIуащ Дзу Аслъэн, Тет Данил етIуанэщ, Ервасэ Аслъэнрэ Ахэмын Каурбэчрэ ещанэщ.
Килограмм 65-рэ зи хьэлъагъхэм я деж дыщэ медаль къыщихьащ ЩауэцIыкIу Залым, Кумыщ Темырлан етIуанэ хъуащ, ещанэ увыпIэр КъайцIыкIу Амир иубыдащ.
Килограмм 71-рэ зи хьэлъагъхэм я деж Чыл Атхъан япэ хъуащ, Тубай Къантемыр етIуанэщ, Токъу Сэлимрэ Къазмыхь Темырланрэ ещанэщ.
Килограмм 80 зи хьэлъагъхэм я деж Емуз Темырлан япэ щыхъуащ, КIэнцIэлий Самир етIуанэщ, Тумэ Жэмал ещанэщ.
Килограмм 92-рэ зи хьэлъагъхэм я деж ПщыукI Темырлан япэ щыхъуащ, Гъуэщокъуэ Инал етIуанэщ, Хьэбэч Жамболэт ещанэщ.
Килограмми 110-рэ зи хьэлъагъхэм я деж Къаншокъуэ Сэлим япэ увыпIэр къыщихьащ, Къардэн Ибрэхьим етIуанэщ, Къандрокъуэ Къантемыррэ ФиIэпщэ Иналрэ ещанэщ.
