ЗэIущIэ щхьэпэ

КъБР-м и Май, Прохладнэ районхэм я 1имам нэхъыщхьэ Нэгъуей Марат яIущIащ Урысей ФСИН-м республикэм щиIэ управленэм и колоние-поселение №5-м къуаншагъэр щрагъэпшыныж и центрым щаIыгъхэм. Ар епсэлъащ щхьэхуимыту ягъэлэжьэну тезыр зытралъхьа цIыхухъухэм.
Дин лэжьакIуэм къуаншагъэр зыгъэзэкIуэжхэр щигъэгъуэзащ ислъамым и хабзэ нэхъыщхьэхэм икIи къызэхуэсахэм я упщIэхэм жэуапхэр яритащ. Абы къыхигъэщхьэхукIащ экстремизмэмрэ терроризмэмрэ зыдрагъэхьэх зэрымыхъунур, къытрагъэзэжу щIэпхъаджагъэ зэрамылэжьыным къыхуриджащ, я узыншагъэм зэран хуэхъу хьэл мыхъумыщIэхэм зыпыIуадзынуи чэнджэщ яритащ. 
Щхьэхуэу тепсэлъыхьащ Нэщ1 мазэ лъапIэр зэрырахьэкIынум. Iимамым къыхигъэщхьэхукIащ махуэм къриубыдэу фади тутыни уефэ, ушхэ, уи нэгу зебгъэужьу зэманыр бгъакIуэ зэрымыхъунур. Махуэр зыхухэхын хуейр лэжьыгъэрщ, IуэхуфIхэрщ, Тхьэ елъэIунырщ, КъурIэным еджэнырщ, апхуэдэуи псапэ щIэнырщ.